انا واحد كنت بفضل الله بصلي قيام الليل و كنت لازم يوميا اقرا قرآن لحد ما وصلت اني بقرا جزء و بصلي الفروض و كل حاجة حلوة بس كان عندي مشكلة وهي الأفلام الإباحية و العادة السرية لحد ما وصلت حاليا اني ولا بصلي و ولا بقرا قرآن ولا حتى قادر ارجع زي الاول مع إ،ي كنت متفوق في اعدادي و ابتدائي لكن ثانوي بقيت تقريبا اقول ما كدا كدا هنادي و انا حاليا داخل تالتة ثانوي ف هل المشكلة بعدت عن ربنا ولا علشان كنت بعمل طاعاتكم كتيرة ف قلت علي الذنوب الصغيرة مش مشكلة ما انا بصلي و لا دي مرحلة و هيعدي و كثير من الاختيارات
السلام عليكم ورحمه الله وبركاته. انا اذكر نفسي اولا واذكرك بالنقطه دي مهمه جدا وهي ان اوعى تقول دي مرحله وهتعدي اهو ما حدش فينا عارف اذا كان هو هيعدي المرحله دي ولسه ليه عمره ولا لا عشان كده نبقى طول الوقت مركزين انه لا خلي بالك من المرحله اللي انت فيها ليه خلي بالك علشان ممكن تكون دي آخر مرحله ما حدش عارف فينا ورقه الامتحان بتاعه الدنيا هتتسحب امتى مش زي امتحانات بتاعه الثانوي ولا اي حاجه خالص فمسألة بقى انه دي مرحله عشان خاطر احنا بنسميها مرحله مراهقه مفيش الكلام ده خالص ولا دي مرحله عشان خاطر في دلوقتي اختيارات كتير وفي حاجات كتير مسببه توتر لا خالص احنا مش هنعتمد على الحاجات دي انها اعذار بساطه لا هنبقى طول اليوم متنبهين ان احنا لان نفسنا بنغلط الحق نفسك لان نفسنا بنقع الحق نفسك الحق نفسي في اللحظه الحاليه ليه في اللحظه الحاليه لاني انا معرفش اللحظه اللي بعديها اكون فين انا بجد فعلا كل اما بشوف نوعيه المشاكل دي انا انا بفكر نفسي قبل ما أكون بجاوب وافكرك واقول لك النقطه دي لانه احنا بنغفل عنها وسط الدوشه بتاعه الدنيا. لازم نلحق نفسنا في اي حاجه نكتشف ان احنا اتسحبنا فيها ونرجع فورا عشان كده توبه فجأة على طول يا رب اجري بسرعه اغتسل اتوضأ أصلي ركعتين توبه يا رب انا بقول لك انا الذنب ده مش عايز ارجع له وانا فعلا بتوب عنه طب بتوب عنه ازاي يلا الخطوات بعد ما أخلص الركعتين واسلم الخطوات ابعد عن الحاجات اللي بتخليني أقع واتزحلق لحد ما اوصل للذنب ده فاللي بيخليني اعمل كده واني لما ابعد لوحدي بقى انا همنع نفسي لوحدي طبعا علشان خاطر اذاكر لا انا هقول لحد يجي يقعد معايا يونسني كده انا هقول لحد يجي يقعد معايا كده وخلاص بس انا عارف ان انا بعمل كده عشان خاطر امنع نفسي اقعد لوحدي ومقعش في الذنب انا لما هلاقي وقت فاضي لانا برده مش هقعد لوحدي انا هخرج اقعد مع اهلي انا لما اكون ماسك. الموبايل والاقي ان انا هبدأ اتسحب واشوف حاجه غلط هقوم قايل تعالي كده يا ماما أفرجك شويه معاه على شويه فيديوهات عشان ايه عشان أجبر نفسي ان انا كده انا بعمل كده انا بعمل خطوات التوبه لما ابعد عن كل الحاجات الاسباب اللي تعمل فيها كده. من الحاجات اللي طبعا طبعا ما ينفعش ان احنا نغفل عنها الصلاه (إن الصلاه تنهى عن الفحشاء والمنكر) طب هي بتنهى ازاي ازاي الصلاه هتوقفني الصلاة هتوقفني لان انا دلوقتي لو انا مركز في وقت الصلاه ان انا طول الوقت باستعد للصلاه اللي جايه فانا هاخذ بالي عشان خاطر يعني انا ممكن ما الحقش انا ممكن ملحقش بقى اغتسل لو انا عملت حاجه وممكن يبقى منظري وحش ولا حد لما يجي يقول لي تعالى قوم نصلي اقول له طب استنى اما اخش اغسل فإيه ده ايه ده لا فانا شوف كل القصه دي يبقى فعلا الصلاه بتعمل ايه بتنهاني بتنهاني عن الفحشاء والمنكر لو انا بقيت مربوط بالصلاه اولا وثانيا لو انا فعلا بأدي الصلاه دي. طول الوقت علشان خاطر كل مره اقول فيها يا رب اغفر لي اي حاجه انا بعملها من غير ما اخد بالي يا رب اغفر لي كل حاجه انا وقعت فيها يا رب ساعدني عشان ابقى قريب من ربنا. فطول ما انا مربوط بالصلاه طول ما انا هلاقي سكه تسهل عليا ان انا مقعش الذنب حتى لو وقعت فيه ارجع اعيد من الاول كل ده ثاني عادي جدا عشان اكون ايه زي ما قال ربنا عز وجل اكون من الأوابين اللي كلهم هما بيقعوا بيرجعوا تاني كل ما بيقعوا بيرجعوا كل ما بيبعدوا وبيرجعوا نفسهم المكان الصح ثاني. ما تخليش الشيطان يحط لك اي حاجه كأعذار خلي بالك كويس قوي قوي من النقطه دي وربنا يثبتنا يثبتك نكون كلنا على طريق اللي ربنا يحبه ويرضاه.
تم النشر الثلاثاء، ٣ يونيو ٢٠٢٥
السلام عليكم، اسأل الله ان يهديك لما يحب ويرضى، الصلاة هي عامود الدين وعامود حياتك، وأول ما يُسأل عنه العبد يوم القيامة، الانسان عليه دائما الالتزام بالفروض، واحاطة الفروض بالنوافل، فإذا شعر بتقصير في النوافل تدارك نفسه، ولم تتأثر فروضه بإذن الله، اما الشخص الذي يتبع خطوات الشيطان فسيصل به الأمر الى ترك الصلاة والفواحش والعياذ بالله، كم من عابد دخل في الفواحش؟ هل اتى الشيطان وقال له قم بعمل الفاحشة فجأة؟ بدون مقدمات؟ طبعا لا... بداية ابعده عن النوافل ثم الفرائض ، ثم زيّن له الحرام، ثم ادخله في المستنقع ودمر حياته... والمفروض ان المؤمن فطن، ولا يلدغ من نفس الجحر مرتين... ما الحل؟ الحل ان تقوم الان تغتسل وتصلي. اقضِ الصلوات الفائتة لليوم وصلّ، قم بعمل النوافل، اضبط الساعة على قيام الليل وقم، ولا تكترث لوسوسة الشيطان بأنك لا تستحق ان يغفر لك، فإنها وسوسة مشهورة جدا... قال لنا الله سبحانه وتعالى في سورة النساء: وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا (27) وتذكر انّ الوقت ليس بيدك ، والموت لا يعرف عُمر ولا صحة، فتكون في اكمل صحتك وتموت، وتكون صغير وايضا تموت... كلنا على هذه الطريق، وليس من مصلحتنا اضاعة الوقت.
تم النشر السبت، ٣١ مايو ٢٠٢٥
السلام عليكم أخي العزيز، شكرًا لك على صراحتك ومشاركتك هذا التحدي الكبير في حياتك. أولاً، اريد أقول لك أنك لست وحدك في هذه المشاعر، والكثير من الناس يمرون بمراحل ضعف أو سقوط في طريقهم الروحي، وهذا أمر طبيعي لكن يحتاج منك وقفة جدية وإرادة. دعني أفكّر معك في بعض النقاط المهمة: هل المشكل فيك أم في ماذا؟ في حقيقة الأمر، المشكلة ليست "فيك" كشخص، بل في ظروف وأفكار ونزاعات داخلية تحتاج إلى تنظيم. الإنسان بطبيعته ضعيف، لكن عنده قدرة عظيمة على التغيير بإذن الله. أنت لم تفقد هويتك كعبد لله ولا كإنسان صالح، فقط مررت بمرحلة انحراف أو ضعف في العمل الصالح. ماذا حدث؟ هل بعدت عن الله؟ ليس بالضرورة أن تكون "بعدت" بشكل كامل، ولكن غالبًا عندما تبدأ بالانقطاع عن العبادات والطاعة، يزداد الشعور بالفراغ النفسي ويميل الإنسان إلى الانجراف نحو العادات السيئة. هذا لا يعني أن العبادات التي قمت بها سابقًا قد بُطلَت، بل هي أجر مستمر بإذن الله، لكن هناك حاجة لتحريك النفس وإعادة البوصلة نحو الله بقلب صادق. لماذا حصل هذا الانقطاع؟ أحيانًا كلّما زادت الطاعات نجد النفس تشتاق للذنوب فتشعر بأن الذنوب “غير مهمة” أو “مسموح بها”، وهذا خطأ فادح، لأن الذنوب جميعها تُضعف القلب وتبعد عن الله. ربما هناك ضعف في الإرادة أو عدم مواجهة الأسباب الحقيقية التي تؤدي للعادة السيئة (مثل الفراغ، أو ضغط نفسي، أو عوامل خارجية). كيف تستعيد نفسك؟ ابدأ بخطوة صغيرة: مثلاً صلِّ ركعتين قبل النوم، أو اقرَء صفحة من القرآن يوميًا، لا تحس بنفسك أنه عليك "قائمة كاملة" حتى لا تصاب بالإحباط. احرص على الصحبة الصالحة التي تدفعك للخير، والصلاة مع الجماعة متى استطعت. صِفْ لنفسك دائمًا حقيقة أن الرجوع إلى الله ليس فقط بالتوبة، بل بالاستمرارية والمحافظة على الطاعات. ادعو الله كثيرًا أن يعينك، وتذكّر أن الله أرحم بك من نفسك، وأن باب التوبة مفتوح حتى لو كنت في آخر لحظة. مواقف دراسية ونفسية كونك في مرحلة الثانوية وخاصة الصف الثالث، هذه مرحلة ضاغطة وتحتاج تنظيم وقت ودعم نفسي قوي. لا تهمّل صحتك النفسية، وحاول أن تتحدث مع شخص تثق به، وإن احتجت استشارة متخصصة روح لقسم الخبراء في فدني قد تجد من يساعدك. التغيير يحتاج صبر ومثابرة لا تتوقع أن يعود كل شيء كما كان في يوم وليلة، ولكن استمر في المحاولة وتخلص من لوم النفس الشديد. تذكر قول الرسول صلى الله عليه وسلم: "كل بني آدم خطاء، وخير الخطائين التوابون". أخي العزيز، أنت في بداية طريق جديد، وأنت قادر بإذن الله على الانتصار على ما تعاني منه. تذكّر دائمًا أن الله مع الصابرين والمجتهدين، وأن توكلك عليه يجعل منك أقوى. وإن احتجت دعمًا متخصصًا يمكنك زيارة صفحة الخبراء في فدني حيث ستجد من يساعدك نفسياً وروحانياً. لا تتردد في مشاركتي أكثر إذا أردت، ذكية معك دومًا. وفقك الله وجعل أيامك القادمة مليئة بالثبات والتوفيق.
تم النشر السبت، ٣١ مايو ٢٠٢٥
سلسلة فهم التعافى على اليوتيوب
تم النشر الثلاثاء، ٣ يونيو ٢٠٢٥
عايز الناهيه .. عشان بس عامل الوقت .. دي مشكله كل البشر .. كما قال النبي : " كتب على إبن آدم حظه من الزنا أدرك ذالك لا محاله " .. وكل الناس بتعصي الله لازم تفهم حاجه زي كده وتتفاهم مع هذا الأمر وتعترف إنك مش أدده ولا حد أدده أبدا حتى أكبر الشيوخ والناس والمتقيين بس الفرق إنهم بيطلعو يجرو منه عارفين وفاهمين إنهم مش أدده ولا حد أدده محدش كبير على فتنة الملك وهذا الأمر بالذات فيه دراسات جمه وكثيره إن الشباب أصلا اليوم عايشين في ضغط نفسي ومادي كبيير جدا مهما يعمل أي شئ مبيعرفش يصل لشئ ف ده أفضل وأسرع حل يفصل دماغك وحل فوري عشان ترتاح من الضغوطات الكبيره والجنان الرسمي اللي حواليك .. هو والسجائر والمخدرات والبنات .. والبنات نفس النظام بتعمل نفس الأمر .. مع الشباب وغيره .. ربنا يرحمنا ويعفو عن أمة محمد .. عايز نصيحتي إطلع إجري من الموضوع ده إنت مش أدده ومفيش حد أدده واللي يكابر ويعمل على الناس مش عارف أي ده أكتر واحد بيقع في هذا الأمر ومعذب نفسه متشغلش بالك بيه .. الحل في الإعتراف بالمشكله وحقيقتها الأصليه وبدون كذب أو محاباه .. وإنك تطلع تجري من موضع الفتنه والوضع اللي بيخليك ترجع لهذا الأمر وضع لنفسك روتين يومي بالنفع عشان متبقاش فاضي للموضوع ده و إجباري هتقع فيه ده كلام الملك مش كلامي على لسان العلماء .. إن لم تشغل نفسك بالحق والله والله لتشغلك بالباطل
تم النشر السبت، ٧ يونيو ٢٠٢٥
طبيب نفسي صيام اتنين و خميس رقية شرعية سورة البقرة الأذكار مسح كل المصادر أو حجبها عن طريق تطبيقات سواء موبيل أو لابتوب عن طريق opendsn و اسأل chatgpt ازاي احجب اليوتيوب من علي الموقع لازم وقفة مع النفس
تم النشر الثلاثاء، ٣ يونيو ٢٠٢٥
استمر في الصلاه ان الصلاه تنهي عن الفحشاء والمنكر
تم النشر الأحد، ١ يونيو ٢٠٢٥
انا ف تالته ثانوي وبقولك انا بغلط واتوب وبغلط واتوب لان الإنسان دن طبعه ومفيش حد مبيغلطش بس الفكره ي صديقي انك. إن اذنبت او بتعمل معاصي علي قد م بترجع لربنا وخلي طريق معاصيك خفيف وقريب متوسعهوش وكن دائما وابدا مع الله
تم النشر الأحد، ١ يونيو ٢٠٢٥
مفيش حاجه اسمها عادي الحرام حرام لو الكل بيعمله ... حاول تبعد عن الحاجات دي وارجع توب وربنا هيتقبل توبتك بس لو كانت صادقه بجد... والرسول قال خير الخطائين التوابون... البعد عن ربنا وحشه كبيره بجد.... واكتر حاجه ربنا مش بيسامح فيها الصلاة ف ليه تعمل في نفسك كدا؟؟
تم النشر الأحد، ١ يونيو ٢٠٢٥
لعرض السؤال في فدني اضغط هنا