انا بنوته عندي 13سنه اهلي مش بيعاملوني كويس مش احسن حاجه يعني ومعتش عاوزه اشوف صحابي انا علطول بفضل اعيط بليل واكلم نفسي واقول اني مش حلوة هل دا ممكن يكون من اي
السلام عليكم ورحمه الله وبركاته انا متاكده ان انت اكيد حلوة اكيد اكيد اكيد حلوة لانك طالما دلوقتي بقيت تكلمي نفسك بتقولي انك مش حلوه يبقى هي بس في فتره كده انا بدات اشوف نفسي مش حلو عشان في حاجات من جوه مضايقاني بيبقى من جوه بيأثر على نظرتنا لكل حاجه حوالينا وطبعا نظرتنا لنفسنا فأنت متضايقه شويه في حاجات مزعلاكي من الاوضاع حواليكي سواء اهلك او صحابك في حاجات بنكون محتاجينها قوي قوي قوي قوي قوي فمن كتر ما احنا محتاجينها قوي بنبقى مركزين عليها
تم النشر الثلاثاء، ١٧ يونيو ٢٠٢٥
انتى احلى بنوته ي روحي بعدين مينفعش نعتمد ع أراء الآخرين هما اللى يقموا جمالنا او شكلنا يعنى انا مينفعش استنى الشخص ده هو اللى يقولى انتى حلوه عشان أصدق كده وليه ما كل واحد فينا عنده حاجه حلوه بتميزه عن غيره ومينفعش نسمح لاى حد هو االى يتحكم فينا لم انا اشوف نفسي اجمل واحده الكل هيشوفنى كده لانى عندى ثقه في نفسى لكن لو قعدت اطلع عيوب فيا هستنى من غيرى يشوفني حلوه ازاى.. بعدين 13 سنه انتى لسه طفله لسه هتكبرى وتحلى اكتر واكتر وانتى كده كده ست البنات... انا عارفه انى متكلمتش ف كل اللى انتى كتباه بس انا حبيت أركز ف نقطه معينه 😊.
تم النشر الثلاثاء، ١٧ يونيو ٢٠٢٥
الانسان بيتولد وبيكسب كل حاجه من اللي حواليه فا كون شخص مش حابب نفسه ممكن يكون محدش اداله مشاعر محبه والقبول و انتي اد ايه جميله وانتي ذكيه وشاطره والحاجات دي فا يمكن دا السبب والحاجات دي ان مش هتاخديها من الاهل لما تكبري شويه بسيطه وتكوني وعيك النفسي هتبدأي تدركي الموضوع وتتعاملي معاه عادي وتسندي علي نفسك وعلي اللي يمدلك يد العون من الاصدقاء او الاهل او حتي متخصصين والدنيا بتمشي
تم النشر الثلاثاء، ١٧ يونيو ٢٠٢٥
بصي نتكلم بصراحه... انتي عقلك شايفك مش حلوه لكن 100% انتي حلوه وده حاجه اراهن بيها ومتاكد منها فمبدأيا كده بطلي عياط وتقولي انك مش حلوه... ممكن كل يوم بليل تبصي في المرايا وتقولي انا حلوه انا اجمل واحده في الكون لانك هتكوني باصه على المرايه فمخك مش هيعرف يكذب عليكي.... وتقدري تعيطي برضو بس مش بسبب انك وحشه لا بسبب انك احلى حد وخايفه ميكونش في منافس ليكي طبعا احساسك انك مش حلوه ده لاكتر من سبب ممكن يكون صحباتك ضحكو معاكي وشبهوكي بتشبيه مش شبهك نهائي فاخدتي التشبيه على نفسك وممكن يكون انك محتاجه حد يدلعك من عيلتك يقولك انك حلوه وجميله بس كلهم مشغولين فانتي حاسه بنقص هنا وده مخلي دماغك يحس انك مش جميله وان الذنب ذنبك... وممكن يكون بسبب انك بتتعرضي لمعاكسات في الشارع وده اغلب البنات بيفكرو انهم مش حلوين عشان المعاكسات دي فالحل انك تبصي في المرايه تشوفي ايه الي مقصر معاكي ومخليكي تشوفي نفسك في وهم انتي مش حلوه وانتي عارفه ان كل ده مش صحيح فاكيد هتقدري تساعدي نفسك بنفسك وانا واثق انك تقدري وواثق انك هتشوفي حقيقتك انك حلوه اوي.... اتمنى اكون فدتك شويه مع اني حاسس اني مفيدتكيش بس اتمنى اكون ساعدتك 😁✌🏻
تم النشر الثلاثاء، ١٧ يونيو ٢٠٢٥
مرحباً عزيزتي، أنا ذكية، وأقدر جداً شجاعتك إنك شاركتيني مشاعرك. اللي بتعيشيه مش سهل أبداً، وأولاً لازم تعرفي إن مشاعرك وتعبك نفسياً أمر مهم جداً ولازم تاخدي حقك في الدعم والرعاية. بالنسبة لسؤالك هل ممكن تروحي لدكتور نفسي؟ نعم، أكيد ممكن، وده شيء جيد جداً. الطبيب النفسي أو الأخصائي النفسي هو الشخص اللي هيقدر يساعدك تفهمي مشاعرك، وتحسي بتحسن بمرور الوقت. لما يكون عندك إحساس بالحزن المستمر، البكاء اللي مش بتحسي بتحكم فيه، الكلام السلبي مع نفسك، دي علامات محتاجة اهتمام ودعم نفسي. أنا أنصحك إنك تحاولي تتكلمي مع الدكتور النفسي لو أمكن، وكمان ممكن تشرحي لأهلك أو شخص تثقي فيه أني حالتِك محتاجة مساعدة. تذكري، مش غلط إنك تطلبي المساعدة، بالعكس ده دليل قوة منك. لو حبيتي، ممكن أساعدك ألقى لك دكاترة نفسية متخصصين في موقع فدني https://www.fedni.net/experts وانتي تختاري اللي تحسي إنه مناسب ليكي. وأخيراً، حاولي تهتمي بنفسك، وتعرفي إن كل واحد فينا عنده قيمة كبيرة، وإنك جميلة وقيمة حتى لو مش حاسة بكده دلوقتي. لو عندك أي أسئلة أو حابة تتكلمي أكثر، أنا موجودة هنا معاك. ربنا معاك دوماً ❤️
تم النشر الثلاثاء، ١٧ يونيو ٢٠٢٥
بصي يا بنتي انت اجمل شيء خلقه ربنا ما حدش يقدر يقول غير كده واي معامله حد يعملها لك دي بتبقى الحاجه من الاثنين يا هو عايز يعلمك حاجه بس وانت مش فاهماها يا ام الاهل مرضى نفسيين ففكلتا الحالتين هنعمل اللي عليا في البيت وما نبصش للكلام ونقرا قران نحفظ قران يعني عشان ربنا يحفظنا نحاول نكون كويسين قدر الامكان علشان احنا في عصر الواحده اللي تضايق من اهلها تروح تكلم شاب والشاب يضحك عليها ومشاكل كبيره وكده كده الشاب بيضحك عليها واتمنى لك السعاده في حياتك والتوفيق مع تمنياتي لك اسلام الكاتب
تم النشر الثلاثاء، ١٧ يونيو ٢٠٢٥
مش عارفه بس ممكن يكون اكتئاب ابحثي على جوجل على أعراض الاكتئاب ولو عندك متتردديش أبداً أنك تروحي للدكتور الأمراض النفسية زيها زي الأمراض الجسدية يعني لما بيكون عندك برد مش بتروحي للدكتور دا كمان كدا ربنا معاكي يا قلبي ويصلح حالك ومتنسيش تطمنيني عليكي ❤️
تم النشر الخميس، ٢٦ يونيو ٢٠٢٥
حبيبتي، إنتي مش لوحدك، وفي ناس كتير بتحس زيك… وده مش معناه إن فيكي حاجة غلط، بالعكس، ده معناه إنك محتاجة حد يسمعك ويفهمك. كونك بتحسي بالحزن وبتعيطي وبتقولي على نفسك إنك مش حلوة، دي علامات إن جواكي وجع محتاج يتفهم ويتعالج، وده طبيعي جدًا. آه، مهم تروحي لطبيب نفسي، مش لأنك "ضعيفة"، لكن لأنك "قوية كفاية" إنك تطلبي مساعدة. إنتي تستحقي تتعاملي بحب واحترام، من أهلك ومن نفسك كمان. إنتي حلوة وقيمة جدًا، حتى لو دلوقتي مش قادرة تشوفي ده، بس أنا بوعدك إنك مع الوقت والمساعدة هتشوفي النور اللي جواكي. لو محتاجة تتكلمي، دايمًا في ناس مستعدة تسمعك، ومفيش عيب أبدًا إننا نطلب الدعم 💛
تم النشر الاثنين، ٢٣ يونيو ٢٠٢٥
اقتنع عقلك بنظرة أهلك السلبية لكي وبدأتي تنتقدي نفسك .. فلازم تغيري النظرة السلبية إلى نظرة ايجابية .. بانك تكتبي في مفكرة التلفون الحاجات الكويسة اللي عملتيها وكل فترة تشوفيها .. زي المذاكرة أو الصلاة أو ذكر الله أو حاجات كثير
تم النشر الثلاثاء، ١٧ يونيو ٢٠٢٥
لعرض السؤال في فدني اضغط هنا