السلام عليكم
لو انا عليا صلاة اربع سنين عادي ابدأ أصلي من دلوقتي والتزم ومصليش اللي فات ولا لازم اصلي كل الصلاه اللي عليا
وعليكم السلام ورحمه الله وبركاته لو احنا لسه ما التزمناش بالصلاه ولو لسه ما بقيناش يومنا فعلا مظبوط على كل الصلوات فخلينا نقول ان احنا الاول نبدأ نلتزم بالفروض الخمسه الاساسيه كل يوم بدون ما نضيف حاجه بعد ما نلتزم ونبقى مظبوطين جدا في الصلاه ومش بنقصر فيها والخمس فروض ما بيعدوش نبدأ بقى نعمل حاجه من الاثنين يا إما نزود النوافل يعني هي كده كده فيها حكمين يعني في فقهاء بيشوفوا ان الانسان يكثر من النوافل علشان يعوض الناقص من الصلوات اللي فاتت عليه او ممكن يبدأ مع كل صلاه بيصليها يصلي فرض اخر يعني انا النهارده هصلي الضهر فانا مش هصلي الضهر مره هصلي مرتين اول مره اصليها بنيه الفرض بتاع النهارده ثاني مره هخليها بنيه فرض من الفروض اللي عليا والله ممكن ابدا احسبها واستمر على ده اربع سنين عشان ابقى عوضت الاربع سنين اللي فاتوني ممكن برده النوافل أعمل برضه نفس القصه او اللي هي السنن. باني اتعود اصلي السنن، سنه الفجر وصنه الظهر والضحى وسنه المغرب وسنه العشاء كل السنن دي برده في منها ركعتين وفي منها اربعه وفي منها اثنين فكل ده برده ممكن يعوض معايا الصلوات اللي فاتت. ربنا يتقبل باذن الله.
تم النشر الثلاثاء، ٢٥ فبراير ٢٠٢٥
الصلاه لازم تصلي الي عليكي حاولي تصلي فرضين حسب مقدرتك لا يكلف الله نفسا إلا وسعها وممكن تعوضي بانك تصلي نوافل كتير قيام الليل ولو قدرتي تصلي الضحى كمان والسنن متقصريش فيها وحاولي متقصريش في صلاتك خالص بعد كدا وتفضلي ملتزمة وربنا يقويكي ويثبتك ان شاء الله
تم النشر الأربعاء، ٢٦ فبراير ٢٠٢٥
صلي عادي ومع كل صلاة صلي حاجه قديمه يعني مثلا فجر جديد مع قديم وهكذا
تم النشر الثلاثاء، ٢٥ فبراير ٢٠٢٥
شوفي عالم بتثقي في علمه وخدي رأيه وخلاص
تم النشر الجمعة، ٢٨ فبراير ٢٠٢٥
في خلاف بين العلماء اللي قالوا ان تارك الصلاة حتى لو تكاسلا كفر هما اللي قالوا ان متعيديش صلاتك لأن التوبة تجب ما كان قبلها وعددهم قليل جدا واللي قالوا ان ترك الصلاة تكاسلا مثل كفران نعمة الله وليس كفر مخرج من الملة عددهم اكثر ودول اللي قالوا ان لو عليك صلوات كتير هتصلي مع كل فرض فرض اضافي حتى تتمي ما فاتك والرأي الأخير أفضل في كل الأحوال لأنه أسلم لديننا والخلاف اللي نشأ بين العلماء كان بسبب حديثين عن النبي بيقولوا ان ترك الصلاة كفر أو شرك فحصل الخلاف في فهم كلمة كفر هل هي ككفر احسان الله ونعمته عليهم ككفران النساء العشير في حديث النبي لما قال يكفرن قالوا ايكفرن بالله قال يكفرن العشير والإحسان لو أحسنت لإحداهن الدهر ثم رأت منك شيئا قالت ما رأيت منك خيرا قط ،، والله أعلم
تم النشر الخميس، ٢٧ فبراير ٢٠٢٥
لعرض السؤال في فدني اضغط هنا