مشكلتى مسأله عائليه إحنا فى عائلتنا كلنا لو إحنا محتاجين حاجه من عند اعمامى عادى أن احنا ناخد وهما كمان لو عايزين بياخدوا
اليوم على الفطار الطرشي بتاعنا خلص فقلت لامى إن أنا عايزة كلمى مرات عمى ونجيب طبق ودا عادى وهما كمان كانوا واخدين من عندنا
امى نزلت تقابلها عمى شافها وقعد يتكلم بكلام زعل امى اوى زى إن أنا اشترى الحاجة وانتوا إلى تخلصوها وانا ادفع فلوس وكان بيزعق.
أنا مشفتش إلى حصل بس امى طلعت وهي بتعيط واحنا كنا المغرب واضايقت أوى ووقفت فى الشباك وأنا متعصبه وبسأل مرات عمى على إلى حصل وقفلت الشباك فى وشهم وأنا متعصبه.
والمشكله ان امى اخدت الطبق وأنا قلت ليهم محدش واكل منه أبدا ولما أبويا ايجا استنيناه ياكل بعدين قلنا ليه وعمى اتصل بعدها عشان يراضي امى وبيقول أن هو كان متعصب من حاجه عشان كدا.
وهم علطول كانوا بتكلموا عن امى بطريقة وحشه واحنا نسكت وأنا الصراحه مش طايقاهم. بنت عمى اجت عندنا عشان تشوف امى وقالت مكلتوش من الطرشي ليه قلت ليها أنا إلى قلت ليهم ميكلوش عشان دا تصرف وحش واحنا اتضايقنا كلنا على الفطار ومحدش عرف ياكل.
أنا دلوقتى عايزه أعرف أتعامل معاهم إزاي
في المواقف دي بنعرف الأبناء إنه اللي بين الكبار شيء يخصهم وما ينفعش اطلاقا نتعامل مع الآخرين بناء على مشاكلهم مع الكبار، خاصة لو كانوا أقارب مثلكم ولكن النصيحة اللي أقدر أقولها إنه من الحدود اللي بحسها مهمة جدًا بين الجيران هي إنه مش كل شيء مباح، بمعنى مش طبيعي إنه كل يوم ابعت لجارتي أطلب منها طلب ناقص في بيتي، الله اعلم بظروفها وارد النهاردة تديني بنفس طيبة، وارد بكرة تديني وهي محروجة ... الخ اتعلمت إنه في يوم بجيب فيه طلباتي براجع على كل اللي في البيت واكتب النواقص وانزل اجيب الكمية اللي عارفة انها هتكفيني لحد اليوم اللي هشتري فيه الطلبات. فالنتيجة بتكون إنه بحتاج من جارتي حاجة كل فين وفين كل فترة طويلة يعني فكرة إنه الجيران لبعضها ونساعد بعض جميل جدا جدا .. ولكن مش كل يوم ولا كل لحظة وأخيرا مالكيش علاقة باللي بين والدك ووالدتك وعمك وزوجته، هما كبار ويقدروا يحلوا مشاكلهم مع بعض. مطالب منك تعاملي عمك وزوجته وأولاده بما تقتضيه القرابة من ود واحترام
تم النشر الخميس، ١٢ مارس ٢٠٢٦
ممكن عمك يكون قالها في لحظة غضب او كان في حاجة مدايقاه ف معلش عدي الموضوع ولو حسيتي انك بردو مدايقة خلاص بطلي تجيبوا حاجة منهم لكن خلي في ود ولطافة في التعامل مع عمك وعيلته وبالذات اننا داخلين علي عيد كل سنة وانتي طيبة - بس بردو كله الا والدتك اياك تسمحي ان حد يتكلم عليها وحش في قعدة ولا في تجمع بس بردو تتكلمي بكل ادب وصوت واطي ومتغلطيش في الكلام بالذات لو مع حد كبير علشان عيب حتي لو هما اللي غلطانين خليكي انتي احسن منهم
تم النشر السبت، ١٤ مارس ٢٠٢٦
أهلاً يا قمر، أنا آسفة جداً على اللي حصل معاكِ ومع أمكِ، ده وضع مؤلم ومفهوم إنكِ تعصبتِ واتضايقتِ.. العوائل بتختلف، وده مش سلوك "سيئ" تماماً منكِ، بس الغضب السريع ممكن يزود التوتر، وعمك كمان غلط لما صاح وزعل أمكِ كده. المهم دلوقتِ إزاي تتعاملي معاهم بشكل يحميكِ ويحافظ على السلام العائلي، خاصة إن صلة الأرحام واجبة في الإسلام. نصائح عملية خطوة بخطوة: هدي نفسك الأول : خدي نفس عميق (مش تمارين، بس لحظة هدوء)، وادعي ربنا يهدي القلوب. الصبر مفتاح الفرج. ركزي على أمكِ : اقعدي معاها، اسمعيها كويس، وشجعيها تتكلم مع عمك بهدوء لو عايزة، أو سيبي الوقت يهدي الأمور. متخليش الزعل يأثر على صحتها. حددي حدود واضحة : المرة الجاية، لو عايزين حاجة، روحي أنتِ بنفسك بهدوء وابتسامة، وقولي "شكراً يا عمي، ربنا يبارك"، بس لو حسيتِ إساءة، قللي الزيارات أو التبادل شوية. مش لازم تاخدي كل حاجة، اشتري اللي تحتاجوه عشان تحمي خصوصيتكم. الصلح بذكاء : لو عمك اتصل تاني، قوليله "اللي فات مات، بس خلينا نحترم بعض"، ولو بنت عمك جات، ابتسمي وقولي "كنا زعلانين شوية، بس خلاص تمام". متفتحيش الموضوع كتير عشان ميتكررش. لو استمر الإساءة : قللي التواصل تدريجياً، وركزي على عائلتكِ الصغيرة. ده مش قطع رحم، بس حماية نفسكِ أولوية. أنتِ قوية وقادرة تتحكمي في ردود أفعالكِ، وده هيخليكِ أقوى. جربي كده، وربنا يفرج همكِ. لو عايزة نصائح أكتر، ابحثي في فدني عن أسئلة مشابهة هتلاقي إجابات كتير، أو شوفي الخبراء هنا: https://www.fedni.net/experts – فيه متخصصين في العلاقات العائلية هيساعدوكِ. قوليلي إيه رأيكِ؟ 💕
تم النشر الخميس، ١٢ مارس ٢٠٢٦
اعزلو كل واحد ياكل لوحده وسلامات وخلصت وبعد كده هترتاحو جدا وطيب خاطر مامتك ورمضان كريم
تم النشر الأحد، ١٥ مارس ٢٠٢٦
لعرض السؤال في فدني اضغط هنا