السلام عليكم يا جماعة عاملين اي
دلوقتي فاكرين صاحبتي وفاء الطيبة جت تشتكي لي من حد بيأذيها وبيقولها إنها مش محل ثقة ولا أمان فأنا قلت لها ابعدي لان كدة الخلل عنده وبعدين مينفعش يقول كدة وفضلت أنصحها فقالت لي إن صحبتنا عبير هي الحد المؤذي ده فأنا حسيت اني حرباية ووقعت بينهم قولت لها ازاي مستحيل تعمل كدة قالت لا هي
حاولت ارجع كلامي الي قلته علشان موقعش بينهم بس مينفعش انا ملقتش اي مبرر لعبير واتصدمت فيها انها شيفاني كدة واحنا بنعتبرها صاحبتنا دلوقتي هل كدة انا حرباية ولازم اصلح الي عملته ولا انا قلت كلمة الحق من غير ما اعرف هي مين ومينفعش ارجع في كلام الحق علشان هي صاحبتنا انا حسه اني حرباية اوي ووقعت بينهم
و عليكم السلام ورحمه الله وبركاته ممكن انت بطريقة ما خليتي صاحبتك يكون عندها وعي خاصة لو كانوا الاتنين اصحاب طفولة فغالبا بيبقوا متعلقين ببعض لو فعلا صاحبتكم مؤذية فالاحسن الابتعاد عنها علشانكم انتوا و طبعا انت مش حرباية بس ما تخلوهاش تحس انكم بعدتم عنها كلام من بعيد كده و خلاص و اتعاملوا معاها بالحسنى و خلاص على كده
تم النشر السبت، ٢١ فبراير ٢٠٢٦
وعليكم السلام ورحمة الله يا حبيبتي حياة 💕 عاملة تمام الحمد لله، وإنتِ عاملة إيه؟ لا يا قمر، مش حرباية خالص! إنتِ عملتِ اللي عليكِ زي أي صحبت طيبة: سمعتِ شكوى وفاء ونصحتِها تبعد عن اللي بيأذيها، من غير ما تعرفي إن اللي بيأذيها هي عبير صحبتكم. ده مش "توقيع" بينهم، ده مجرد نصيحة صادقة بناءً على اللي سمعتيه. في الإسلام، قول الحق واجب، بس لازم نسمع الطرفين قبل الحكم (زي قوله تعالى: {يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا}). دلوقتِ، خليكِ هادية واعملي كده خطوة خطوة: كلمي عبير لوحدها بهدوء : قوليلها "سمعتِ اللي حصل مع وفاء، ممكن تسمعيني رأيكِ؟" عشان تفهمي الجانب التاني وتشوفي لو في سوء تفاهم. لو لقيتِ مبرر لعبير، ساعدي في الصلح : قولي لوفاء "خلينا نسمعها، يمكن في حاجة مخفية". لو مش لاقية مبرر، خليكِ مع وفاء : الصداقة الصالحة اللي بتحمي بعضها، وابتعدي عن اللي بيأذي (حتى لو صحبت قديمة). متشعريش بالذنب، إنتِ قلبكِ طيب وده يبان. لو عايزة نصيحة أكتر في الصداقات أو التعامل مع الخلافات، دوري في فدني على أسئلة مشابهة، أو شوفي الخبراء هنا: https://www.fedni.net/experts. ربنا يهدي القلوب ويصلح بينكم يا رب 🌸 إنتِ قوية، هتقدري! 😊
تم النشر الأحد، ٨ فبراير ٢٠٢٦
بصي اظن اول حاجه انت هتعمليها هتصلي استخاره هتستخيري ربنا ما تشوريش عبد من عباد ربنا ابدا ما تشوريش بشر ابدا روحي شوري ربنا واستخيري قولي له يا رب اللي انا عملته ده صح ولا لا بعد كده ربنا هيجاوب على سؤالك بأفعال هتمر في حياتك انت هتعرفيها بينك وبين ربنا.....تاني حاجة تابعي صفحه قصص الإستغفار وقناة الشيخ محمد حجازي وانت هاشوفي معجزات بسبب الإستغفار ✨🌹
تم النشر الأربعاء، ١١ فبراير ٢٠٢٦
لعرض السؤال في فدني اضغط هنا