من كام يوم حصلتلي حاجه غريبه المفروض اني كان عندي امتحان وانا ذاكرت كويس بس بسهر كتير بقالي فتره وممكن منامش للصبح ف الامتحان كان سهل بس انا حصلتلي حاجه غريبه اني فاكره ان مر عليا المعلومه وفيه حاجات كنت ناسياها قاعده ف الامتحان هموت من اللى بيحصل سلمت الورقه وفيه حاجات افتكرتها بعد ما سلمت..المهم اني اتقهرت وكنت بلوم نفسي بشكل غريب حسيت لوهله اني بجد فاشله واني غبيه ولما رجعت البيت قفلت عليا اوضتي ومستحملتش وقعدت اعيط بس عياط مش عادي عياط كان معاه افكار اني لازم اعاقب نفسي او اني الخم نفسي عن الاحساس اللى حساه احساس مقرف بجد احساس سلبي جدا لدرجه مكنتش مستحملاه وفعلا عشان اخفف الاحساس ده عني جبت دبوس طرحه وقعدت اخربش نفسي بيه على دراعي مكنتش مهتمه بالوجع بصراحه ع قد ما كانت وسيله بالنسبالي للتخفيف من الافكار دي والاحساس اللى حساه ودي اول مره اعمل كده ومعرفش ده تفسيره ايه وخايفه انه يكون اضطراب شخصيه حديه او خايفه اني اعتمد الوسيله دي ع طول مع اي موقف يضايقني او يحسسني باحساس مش لطيف ناحيه نفسي
اولا اللى حصل فى الامتحان دا طبيعى لأنك ذاكرتى ومنمتيش والنوم الكافى بعد المذاكرة عامل زى أيقونة الحفظ اللى بتغطر عليها بعد ما بتخلصى شغل على حاجه وانتى معملتيش حفظ فالشغل كله طار... خلى دائما امورك كلها لله لو كويس قولى الحمد لله ولو وحش قولى الحمد لله اكيد ربنا ليه حكمه وانا نتعلم من الموقف ده درس لباقى حياتى .ولما اعملى كده مش هنلومى نفسك وبلاش جو اعاقب نفسى ده لان آخرته وحشه
تم النشر الجمعة، ١٥ ديسمبر ٢٠٢٣
الفشل ليست نهاية الحياة..أعطي لنفسك فرصة،ذاكري اول بأول توكلي على الله وفوضي أمورك له وشيلي الوساوس من راسك ربنا يوفقك
تم النشر الخميس، ١٤ ديسمبر ٢٠٢٣
لعرض السؤال في فدني اضغط هنا