لو انا عايزة اشتغل ف مكان معين وفيه بنات فيه المفروض وبخلص شغل الساعه ١١ هل دا حرام؟
المكان يعتبر قريب من بيتي ب نص ساعه وهركب مترو السيدات وانا رايحة ووانا مروحة هل في حرمانية؟
انا حالتي المادية مش أحسن حاجه مش هقول اني بشحت يعني ولكن بحتاج حاجات كتير اساسية ولما مبشتغلش باخد من اخويا الكبير فا انا حابه الشغل دا بذات لانه سيلز مش كول سنتر فيعتبر ثابت ليا اكتر ودورت كتير من حوالي ٣ سنين بدور ولكن دايما كانت فرص مرهقة ليا او مش مناسبة اوي
مع العلم لاحظت ان دا بقي شائع بنات كتير بتخلص متأخر فعايزة اعرف الحكم ايه بظبط ؟
السلام عليكم، إن شاء الله ربنا يوفقك في العمل ويرزقك من فضله. هو العمل جائز طالما التزمتِ بالضوابط الشرعية وحدود الاختلاط وما دام العمل نفسه مش في شيء حرام. المشكلة بس في التأخير والرجوع بالليل هي نقطة الأمان. لو فيه إمكانية إن المكان مثلا قريب من البيت أو أخوكِ ينتظرك وترجعي معه أو ترجعي مع مجموعة أو الوقت مش متأخر قوي والناس سهرانة ومش بتمشي في طرق مقطوعة... وربنا الحافظ في النهاية لكن احنا مأمورين نأخذ بالأسباب. ممكن تشوفي الفتوى دي عشان الحكم الشرعي https://www.islamweb.net/ar/fatwa/20667/حكم-خروج-المرأة-ليلاً-لظروف-العمل#:~:text=والحاصل%3A%20أن%20عمل%20المرأة%20لا,من%20ذلك%20ضمن%20الضوابط%20الشرعية . بالتوفيق
تم النشر الخميس، ٢٢ مايو ٢٠٢٥
انا سمعت قبل كده انك طلااما نازله مضطره بيبقا فى اباحه للشغل بس بتلتزمى بشويه حاجات يعنى زيك يكون شرعى ميفتنش وتلتزمى ب اداب الطريق زى ان صوتك ميعلاش لو هتختلطى بشباب يبقا معاملتك تكون جديه والرد على قد السؤال ومش قصدى تتشاكلى بس تحطى قصاد عينك انهم مش زى اخواتك وتبعدى طبعا عن اى معاصى مثلا غيبه ف قعدتك مع البناك او اى حاجه زى كده ده على حد علمى والله اعلم
تم النشر الأربعاء، ٢١ مايو ٢٠٢٥
انا شايف انك طالما من البيت للشغل مبتعمليش حاجه غلط خلاص انتي كده عادي عيشي حياتك وبالتوفيق 👍
تم النشر الأربعاء، ٢١ مايو ٢٠٢٥
لعرض السؤال في فدني اضغط هنا