دلوقتي عندي مشاكل كتير مع أهلي انا ببرهم جدا وكل ما يحتاجوني بكون موجوده سواء جسديا أو ماديا أو نفسيا يعني في مشكله ماديه لو بعرف أحلها بحلها لو مشكله أن محدش متواجد معاهم ولازم أكون انا موجوده بسيب بيتي وزوجي واروح اقعد معاهم
في الفتره الاخيره بقيت بتعامل وحش جدا منهم ولو حصل موقف وحش انا واخواتي يعتبروا لأخواتي وانا لا بدوا ياذوني بكلام تهديد عن ابني لحد ما اخترت اني اروح وقت الزياره فقط وامشي ودا شيء مضايقهم
ودعوا عليا بشكل وحش وانا عملت كل حاجه عشان يكون نفسيتهم كويسه بس كل حاجه عملتها مش اتقدرت بل بالعكس اتقابلت بكل حاجه وحشه معامله وكلام تفاصيل كتير جدا
هل انا حرام عليا اني اكتفي بالسؤال تليفونيا فقط عليهم؟
مساء الخير عزيزتى أتفهم شعورك جيدا وضيقك الشديد من والديكِ... أصعب شعور ممكن أن يمر به المرء هو أن يعطى ويسعد من حوله بطاقة حب ويستقبل عكس عمله تماما... ولن اتطرق للموقف الدينى ونترك لاهل العلم البت فيه دعينا نتحدث عن الجانب الانسانى عيشى بمبدأ "اننا نجنى ثمار ما نزرع" فإذا تعاملتى مع والديكِ بالحسنى ستجدين كل الخير فى شتى جوانب حياتك ...وإذا تعاملتى بقسوة ستجدين نفسك بعد فترة ينتابك الشعور بالذنب لتقصيرك وما كان من المفترض القيام به وما إلى ذلك فرأيى الشخصى ان ترسمى حدود لمساحتك الشخصية ولا تجعلين احد يخترق هذه المساحة مهما كان قريب منك ومن جانب آخر افعلى الخير معهم فى سبيل الله مع الحفاظ على حدودك ومهما كانت قسوتهم ستجازين الخير إن شاءالله لنجعل رسولنا الكريم" صلى الله عليه وسلم" قدوة لنا فى كرم ورقى أخلاقه فكان يقابل طاقة الأذى من الآخرين بطاقة حب .....
تم النشر الجمعة، ٢ يناير ٢٠٢٦
بصي الافضل انك تسألي شيخ عن الموضوع ده بس قبل ما تعملي كده ممكن تتكلمي معاهم بهدوء وتقولي لهم عن مشاعرك وتفهمي منهم ايه سبب سلوكهم ده اتجاهك يمكن يكون في سوء تفاهم أو حاجه غلط ما كنش في، يبقى تعاتبيهم وتفهمي منهم ليه مش بيقدروكي وتقول احساسك ليهم
تم النشر الخميس، ١ يناير ٢٠٢٦
السلام عليكم...مسائل الدين مش برأي الناس ولكن يجب الرجوع لأهل العلم الثقات أمثال الشيخ صالح الفوزان وابن عثيمين والألباني
تم النشر الخميس، ١ يناير ٢٠٢٦
طول م انتي بتحاولي تبريهم ديه حاجه ربنا هيحسبها ليكي غير ان موقف اهلك بمعامله مش حلوه او غيرة بسبب موقف مر ف ده ممكن لان كان متوقعين منك شئ معين او عشم بشكل كبير و ده محصلش ، بمعني انك تحاولي تشوفي الحصل من وجهة نظرهم و تشوفى اى اليرضيهم و يرضيكي و إن شاء الله هتلاقي حل
تم النشر السبت، ٣ يناير ٢٠٢٦
اسالى شيخ ثقه بس احكيله الموقف بالتفصيل كامل
تم النشر الجمعة، ٢ يناير ٢٠٢٦
انا برضو والدتي بتعاملني وحش وعايزه اني اسمع كلامها في كل حاجه حتى لو على حساب زوجي واولادي وبتفرق بيني انا واختي واختي بتعاملها وحش جدا بس برضو علطول زعلانه مني انا بس
تم النشر الأربعاء، ٣١ ديسمبر ٢٠٢٥
كلميهم بالتليفون وروحي زياره كل شهر مره مثلاً متزعليش من كلامهم دوله برضو اهلك بس متبقيش تعامليهم زي الاول يعني قللي من كل حاجه كنتي بتعمليها معاهم وادعي ربنا يهديهم
تم النشر الأربعاء، ٣١ ديسمبر ٢٠٢٥
لعرض السؤال في فدني اضغط هنا