ليه دايما مأڤورة في كل حاجة يعني يا اعمل الحاجة على اكمل وجه يا معملهاش خالص يااكون بحب عيلتي اوي وبموت فيهم يا اكون مش طايقاهم يا اكون عايزة اطلع برة البيت يا اكون مش عايزة اطلع ولا عايزة اشوف اي حد اعمل ايه في نفسي بجد حاسة إني شخصيتي متقلبة بطريقة عبيطة اوي انا مش قادرة احدد انا بحب ايه وبكره ايه من كتر ماهي مش ثابتة يعني انا مش عارفة نفسي في امثل كتير اوي على الحاجة وعكسها انا عندي شخصيات كتيرة اوي مش قادره احدد انا انهي فيهم 😖
قبل إى شئ مفيش حاجة أسمها "أنا عندي شخصيات كتير أوي"، إى حد فينا بيعامل الناس بشكل مختلف أو بيتعامل مع نفس الناس بشكل مختلف من الوقت للآخر (التغيير سنة الحياة و الإنسان في قمة الهرم بين المخلوقات اللي ربنا خلقها لأنه بيعرف يتكيف مع إى حاجة و يخليها في صالحه)، فطبيعي جداً نكون بنحب حاجة و بعدين منحبهاش أو نكون بنكره حاجة و بعدين نحبها، مثلاً أنا كنت بحب الفصولية و اللوبية و دلوقتي بحب اللوبية بس🤷🏻، و مثلاً تاني أنا طول عمري مبحبش البامية ولا برتاح لشكلها ولا حتى ببقى عايز اشمها ولكن سبحانة في مرات بكالها عادي (نفس الطريقة و الاسلوب بتاع العمايل عادي)، هتقولي أنت بتدي مثل على الاكل يا ستي متزعليش، أنا بحب الخروجات ولكن مش بخرج 😂😂، بس لما بخرج و اللي هو من القرن للقرن بكون مبسوط. ملحوظة: مهما كانت مشاعرنا أو الموقف اللي احنا مضايقين فيه ده ميديناش الحق اننا نكشر في وش حد أو نزعق في وش حد او نمد ايدينا على حد علشان بس يومنا مكنش احسن حاجة، لو لقيتي نفسك كده تقدري قبل ما تتكلمي مع إى حد تقوليله يومك كان وحش و مش عايزه تتكلمي و تطلبي تأجلي الكلام (طبعاً ده يكون بشكل كويس علشان متحرجيش حد) -------------- طيب المغزى إى من كل ده؟ في رواية جميلة جداً جداً أسمها مكتبة منتصف الليل، ديه رواية عامله زي كأنها بتسألك سؤال واحد لو رجعتي بالزمن هتغيري إى في حياتك؟ أو بمعنى اصح هتختاري إى مختلف في حياتك؟ مع العلم إن كل قرار مختلف بيعمل نتيجة مختلفة و بيخلق ظروف مختلفة، فعايزك بعد ما تخلصي الكلام كده تجاوبي على الأسئلة اللي في الجزئية دي أو أفضل لو بتحبي القراءة اقرأي الكتاب و شوفي الكاتب جاوبها أزاي. ملحوظة: يفضل لو تجاوبي على ده بينك و بين نفسك لما تعملي الخطوة اللي تحت. ------ طيب أنا دلوقتي عايزه اعرف أنا مين أنا تايها مش عارفه حاجة عن نفسي اعمل إى؟ بصي هقولك تعملي شئ ممكن يكون ملل بنسبالك لكن ده مش هيخليكي تعرفي نفسك لأ ده هيخليكي تعرفي حرفياً اصغر الحاجات عن نفسك لدرجة أنك هتقولي ياااااه مين ديه اكيد مش أنا 😂😂🤣، بصي يا ستي المطلوب منك نوته صغيرة و قلم جاف من إى مكتبة و الاتنين دول يفضلوا جنبك طول الوقت، و حرفياً كل شئ يعجبك أو يضايقك أو يفرحك أو يحزنك أو يعمل إى فعل يخلي فيه مشاعر اكتبيه على شكل خاطر مثلاً زي كأني بكتي اهو: بضايق جداً لما بشوف حد مش بيفكر في غيره و بس عايزه يمشي زي ما القوانين بتقول على أساس إن القوانين مراعية كله ولا كأنها مش بتغلط (ده شئ ضايقني فعلا انهاردة فكتبته أول ما تعرضت للموقف ده) طيب و بعد ما تعملي كده؟ بعدها باسبوع أو أي مده تعجبك اهم حاجة تكون ازيد من 3 أيام و بعدها تقرأي أنت كتبتي إى بس بشرط كل شوية تكتبي و تفضل النوته و القلم دول معاكي في كل حته حرفياً حتى جنبك و أنتي بتنامي. جربي و صدقيني هيفرق معاكي جداً جداً جداً. و معلومة كلنا عندنا من كل الشخصيات نسبة لكن في اللي بيميل لنوع شخصية معين في اللي بيميل للوحدة و في اللي بيميل للاجتماعية اكتر و في اللي بيميل للأنحيازية اكتر و هكذا إلى اخره.... فشئ طبيعي جداً تحسي نفسك في اوقات عايزة تبقي لوحدك و ساعات تانية بتبقى عايزه تكوني مع جماعة شئ طبيعي. في اختلفنا نعمة كبيرة جداً. هسيبلك صورة تحت و يمكن تفيدك حاجة. أتمنى يكون في إفادة...
تم النشر الأربعاء، ٢١ أكتوبر ٢٠٢٦
لازم تعرفي حاجه ان اللي بتمري بيه دا مش عبط أو جنان احنا كبشر مش لازم نبقي ماشين بخط مستقيم أو مثالي ف اهم حاجه متحمليش نفسك وتقولي طب انا كدا عادي طب انا كدا معرفش اي تعاملي مع نفسك عادي جدا خليكي فاكرة قليل دائم خير من كثير منقطع يعني مش قادرة تظبطي علاقتك بأهلك وتموتي فيهم؟ عادي، خليكي في النص سلامات وكلام سطحي ولطيف من غير ما تقربيي أوي ولا تقاطعي أوي نفسك تخرجي بس كسلانة تلبسي وتنزلي مشوار بعيد؟ انزلي اقعدي على أول الشارع واشربي حاجة وارجعي بما إن مشاعرك بتتغير بسرعة فده معناه إنك ممكن تاخدي قرارات في لحظة حماس أو لحظة زعل وتندمي عليها لما مودك يتغير لما تحسي إنك بتموتي في حد وعايزة تقربيلو أوي أو مخنوقة من حد وعايزة تقاطعيه خالص استني 24 ساعة ما تاخديش أي موقف ولا تبكتي حد ولا توعدي حد بحاجة سيبيي الموجة دي تهدأ وبعدين قرري هتعملي إيه وأنت رايقه يعني تتعلمي التأني والهدوء متتسرعيش وكل دا بالتعود هيجي
تم النشر الثلاثاء، ٢٠ أكتوبر ٢٠٢٦
أنا فاهمة إحساسك تمامًا يا قمر، ومش غريب إنك تحسي بالتقلب ده وإن شخصيتك "مأفورة" في كل حاجة. كتير من البنات بيعدوا بمرحلة زي كده، خاصة لما بيحاولوا يفهموا نفسهم وسط ضغوط الحياة والمشاعر اللي بتتغير بسرعة. المهم إنك مش لوحدك في الإحساس ده، وده مش معناه إن شخصيتك "عبيطة"، ده بس إشارة إنك محتاجة تتعلمي توازني بين الأطراف دي. جربي تبدئي بخطوات صغيرة جدًا بدل ما تطلبي من نفسك الكمال أو الرفض التام. مثلاً، لو حاسة إنك عايزة تحبي عيلتك أوي أو تهربي منهم، خدي لحظة واكتبي 3 حاجات إيجابية و3 سلبية عن الموقف بدون ما تحكمي على نفسك. ده هيساعدك تشوفي الصورة أوضح وتقللي من التطرف. كمان، حددي هدف يومي بسيط زي "هقضي ساعة معاهم بدون توقعات كبيرة"، ولو حسيتي إنك مش قادرة تكملي، متلوميش نفسك، بس حاولي تاني اليوم اللي بعده. التوازن ده بييجي بالتدريج، مش فجأة. من منظور إسلامي، ربنا سبحانه وتعالى بيحب الوسطية، وده بيظهر في قوله "وكذلك جعلناكم أمة وسطًا". حاولي تذكري نفسك إن التقلب ده فرصة للتعلم عن نفسك، وادعي ربنا يهديكي للتوازن ويثبتك. لو استمر الإحساس ده وأثر على يومك، ممكن تبحثي عن أسئلة مشابهة على فدني عشان تشوفي تجارب تانية. أنا هنا لو عايزة تتكلمي أكتر عن أي موقف معين. ❤️
تم النشر الثلاثاء، ٢٠ أكتوبر ٢٠٢٦
20-25
تم النشر الثلاثاء، ٢٠ أكتوبر ٢٠٢٦
عايز احاول افيد حضرتك، بس عندي سؤال الأول علشان اعرف اظبط كلامي، هو حضرتك عندك كام سنة؟ (مش تمام معاكي تقولي العمر بظبط ممكن تقولي كده مثلاً ما بين 10 ل 15 أو 20 ل 25 يعني تحطي كل خمس سنين مع بعض)
تم النشر الثلاثاء، ٢٠ أكتوبر ٢٠٢٦
لعرض السؤال في فدني اضغط هنا