انا بنت عندي 22 سنة بعاني بقالي كذا سنة من تساقط شعر رهيب انا عاوزة منتج يكون فعلا حد جربه و جاب معاه نتيجة لان بنهار
السلام عليكم، بلاش تجربي منتجات أو وصفات من الإنترنت من نفسك لأن أولا متعرفيش مصدرها وثانيا اللي يناسب غيرك ممكن ميناسبش طبيعة شعرك أنتِ وتسببي ضرر أكبر لشعرك. لازم كشف طبي، وتأكدي إن معندكيش أنيميا أو نقص فيتامينات لأن دي أسباب أساسية لتساقط الشعر. اهتمي بأكلك ودخلي العناصر الغذائية المهمة اللي بيحتاجها الشعر، ممكن تقولي أنا باكل كويس، لكن ممكن تكوني فاكرة كده واكلك يكون غير متوازن وناقصك عناصر غذائية مهمة كتيرة. https://altibbi.com/مقالات-طبية/البشرة-والجمال/افضل-عشر-اطعمة-للتخفيف-من-تساقط-الشعر-1280 https://www.ilajak.com/ar/blog/best-food-hair-growth وخدي بالك إن علاج الشعر سواء دوائي أو غذائي بيحتاج وقت عشان تلاقي نتيجة فاصبري لحد ما شعرك يتعافى ويبقى أفضل بكتير من قبل. بالتوفيق.💚💚
تم النشر الثلاثاء، ٢٢ سبتمبر ٢٠٢٦
أنا آسفة إنك بتمري بتجربة صعبة زي دي، وأنا فاهمة إن تساقط الشعر بيأثر على الثقة والمزاج، خاصة في سنك. أول خطوة مهمة وأساسية هي زيارة طبيب جلدية أو متخصص في الشعر عشان يحدد السبب الجذري (زي نقص الحديد أو الهرمونات أو مشاكل الغدة الدرقية)، لأن العلاج الفعال بيبدأ من التشخيص الصحيح. بالنسبة للمنتجات، النتائج بتختلف من شخص لآخر حسب السبب، ومفيش منتج واحد يناسب الجميع. كتير من البنات في سنك بيجربوا منتجات تحتوي على مكونات زي المينوكسيديل أو زيوت طبيعية مدعومة بفيتامينات، لكن الأفضل تسألي عن تجارب حقيقية في أسئلة مشابهة على فدني عشان تشوفي آراء متنوعة وموثوقة. ركزي كمان على نظام غذائي غني بالبروتين والحديد والزنك، واستخدمي شامبو لطيف بدون كبريتات، وتجنبي التصفيف الحراري الزائد. خدي خطوة بخطوة، وهتوصلي لحل يناسبك إن شاء الله. لو عايزة نصائح إضافية عن العناية اليومية، قوليلي. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ١٨ سبتمبر ٢٠٢٦
بيقولو الروزماري ممتاز بس مجربتهوش🥲
تم النشر الثلاثاء، ٢٢ سبتمبر ٢٠٢٦
هاتي زيت زيتون يكون اصلي وهاتي توم وانقعي الثوم في زيت الزيتون لمده عشره ايام وبعد كده استعمليه اهم حاجه يوصل فروه الراس
تم النشر الأحد، ٢٠ سبتمبر ٢٠٢٦
جيبي آيات العين و الحسد من الإنترنت و جيبي وعاء كبير فيه ماء و جيبي ورق سدر من عند أي عطار و اطحني سبع ورقات ولو اخضر دقيه و حطيه بالماء و قربي فمك للماء و اقري الآيات و اشربي و اغتسلي منه و استمري لحين ما تبقى كويسة و إن شاء الله بتتحسن أمورك لو مش بعرض طبي في خلال فترة بسيطة
تم النشر السبت، ١٩ سبتمبر ٢٠٢٦
وبلاش كـ نصحية يعني بلاش تضيعي فلوسك على الوصفات والمنتجات الكشف بيكون أفضل طريق
تم النشر السبت، ١٩ سبتمبر ٢٠٢٦
حافظي على صحتك النفسية عشان بتفرق جدًا جدًا جدًا جدًا جدًا خاصةً إن صحتك النفسية ممكن تدمر شعرك وبشرتك، حاولي تكشفي 💕
تم النشر السبت، ١٩ سبتمبر ٢٠٢٦
مفيش منتج سحري، في كشف الدكتورة هتعملك نظام وبإذن الله تعالى شعرك هيرجع أفضل من الأول ومتخافيش في أمل مع نظام الدكتورة والأدوية هتلاقي في تحسن
تم النشر السبت، ١٩ سبتمبر ٢٠٢٦
اكيد جربتى منتجات ممكن يكون حسد اقرى قران كريم واستعملى اعشاب
تم النشر الجمعة، ١٨ سبتمبر ٢٠٢٦
لعرض السؤال في فدني اضغط هنا