السلام عليكم ورحمه الله وبركاته
انا مخطوبه بقالى٩ شهور والمفروض كام يوم وفرحى المهم قبل الخطوبه بيوم حصل حالة وفاة عندى وعملنا الخطوبه بدون فرحه وهيصه وحمدت ربنا وقلت تتعوض باذن الله ف الفرح دلوقتى فرحى خلاص قرب اوى وحصل عند خطيبي حالة وفاة هو كمان وانا زعلانه اوى مش زعلانه من قضاء ربنا بس مش عايزه اعمل فرحى بدون هيصه وفرحى وبرضو مش عايزه أجل الفرح فكرة التأجيل دى مرفوضه ف دماغى لظروف ف شغلى وكمان احساسي من جوا مش حابب كدا ساعدوني بفكرة اقدر اقولها لخطيبى نعمل الفرح ف نفس المعاد ويكون ف هيصه
وعليكم السلام ورحمة الله وبركاته، يا بنتي. أولاً، أحيي صبرك وإيمانك بقضاء الله، وأقدر تمامًا شعورك المختلط: الحزن على الوفيات والرغبة في الفرح بزواجك دون تأجيل. هذا أمر طبيعي، وأنتِ لستِ مخطئة في رغبتك بالهيصة والفرحة، خاصة مع ظروف عملك وإحساسك الداخلي. اقتراحي العملي هو أن تتحدثي مع خطيبك بهدوء وصراحة عن فكرة "فرح متوازن" يحترم الحزن ويحقق الفرحة في نفس الموعد. مثلاً، اقترحي عليه إقامة حفل زفاف بسيط ودافئ مع الأهل المقربين فقط، يركز على الدعاء والذكر والاحتفال بالنعمة الجديدة، مع تخصيص جزء من التكاليف لصدقة جارية باسم المتوفين (مثل إطعام مساكين أو كفالة يتيم). هذا يجعل الفرحة تحمل معنى إيجابيًا ويخفف من الشعور بالذنب. يمكنكما أيضًا الاتفاق على تقليل الزينة والموسيقى الصاخبة قليلاً في البداية، ثم السماح ببعض اللحظات الفرحة مثل التصوير العائلي أو الرقص التقليدي الخفيف مع الأقارب، ليبقى الجو مرحًا دون مبالغة. تذكري أن الزواج نعمة من الله، ويمكن أن يكون فيه خير حتى في الأوقات الصعبة. لو احتجتِ دعمًا إضافيًا في صياغة الكلام مع خطيبك، أنا هنا.
تم النشر الأربعاء، ٨ يوليو ٢٠٢٦
السلام عليكم ورحمه الله وبركاته. ايه عايزه تنبسطي وهنا محتاجين نوسع بس يعني معنى الانبساط في اكثر من مجرد فكره محدده يعني احنا ممكن نتبسط مش لازم بالشكل معينه يعني فيها طفل عنيزه يعني لو احنا في بيتنا وعايزنا وزغرتنا عملنا كل حاجه من غير ما نجي على حقوق مثلا الشخص اللي عنده. حاله حزن يكون ده شكله متوازن من الفرحه مش معنى كده ان احنا نفسنا دي اول حاجه يعني ثاني حاجه بقى اهم ان ده قرار مشترك يعني دي فكرتك ولكن قرار خصوصا ان حاله الوكاله موجوده في عيله خطيبك فلازم طبعا تتكلمي معاه وتشوفي الوضع عندهم يحتمل ايه وما يحتملش ايه هينفع فيه ايه ومش هينفع فيه ايه وبعد ما تسمعي مني تعبري عن اللي انت شايفاه لانه ده لازم يكون في احترام عندهم زي ما انت قلت وقت ما حصل لحاله وفاه عندك انت في عيلتكيش هم وقالوا لا احنا عايزين الخطوبه بهيصه كبيره ولكن احترام حاله الوكاله دي وكانت خراب مشترك فكري تتكلمي معاه عشان يشترك وتقدروا تعاملوا مع الموضوع بشكل ان شاء الله ودائما بيكون طفل كده دائما الحضور الوسط افضل من ان احنا نروح يا اما اليمين او يشمال او
تم النشر الأحد، ١٢ يوليو ٢٠٢٦
متعة الهيصة ممكن ساعة أو ساعتين ولكن في النهاية العواقب أن الناس حسدت بعض على اللبس وانتشر اطلاق البصر والأغاني وبعض الشباب ممن في قلوبهم مرض شافوا البنات وهكذا .... صحيح هتقولي أن الكل بيعمل أفراح ولكن لا بأس اننا نضحي لوجه الله
تم النشر الخميس، ٩ يوليو ٢٠٢٦
ليه بقا ؟! لإن اللي بيحصل في الفرح ده اليومين دول = ذنوب لأصحاب الفرح،، أولا المعازف (الأغاني) اللي بيشغلوها بياخدوا ذنب كل واحد بيسمعها + التبرج اللي بيحصل في الفرح من قبل البنات بردو أصحاب الفرح بيكون ليهم نصيب في الذنوب دي لإنهم هما اللي عملوا اختلاط في فرحهم وسهلوا على الشباب إنهم ينظروا نظرات محرمه على البنات وغيره طبعًا كتير ..
تم النشر الأربعاء، ٨ يوليو ٢٠٢٦
يمكن دا خير ليكي وانك تبعدي عن ذنوب كتير مثلا هتحصل ف اليوم دا زي الأغاني و ..و.. + ان الفرحه مش ف الهيصه بالعكس لما تبدأي حياتك مع حد بتحبيه في هدوء وسلام من غير حوارات كتير كان ممكن تحصل ف الفرح والهيصه
تم النشر الجمعة، ١٠ يوليو ٢٠٢٦
ممكن تعملي سيشن وزفة كدا تجيبي فيها فرقة بسيطة وصغيرة ، وتستمعي بفلوس الفرح في تقضية شهر عسل تسافروا تروحوا مكان كان نفسك تروحيه ، انا عملت كدا وكانت فكرة احلي بكتير من هيصة الفرح اللي مالهاش لازمة
تم النشر الجمعة، ١٠ يوليو ٢٠٢٦
أعرف ناس بيتحايلوا على أهاليهم علشان ما يعملوش فرح أو يعملوه إسلامي،،،
تم النشر الأربعاء، ٨ يوليو ٢٠٢٦
ده من فضل ربنا عليكي
تم النشر الأربعاء، ٨ يوليو ٢٠٢٦
لعرض السؤال في فدني اضغط هنا