السلام عليكم انا محمد
ارجو يكون حالكم المالي افضل من حالي حاليا .
انا عندي 23 سنة ولما كان عندي 22 سنة من سنه ونص تقريبا اشتغلت في محل ادوات كهربائية
والراجل صاحب المحل معاملته كويسة اوي وكان المحل والفلوس اللي ببيع بيها بتبقى معايا وبصرف اللي انا عايزه وفضلت اصرف لغاية لما بقى الدين عليا 45 الف جنيه مع العلم ان راتبي الشهري 1200 جنيه فقط
ولو ضربنا 1200في17 فترت العمل اللي وصلتلها هيدينا 20 الف جنيه يعني علشان اسد الدين اللي عليا محتاج كمان سنتين تانين اشتغل معاه وانا تعبت وزهقت وحاسس اني سجنت نفسي في سجن لاني مش بقدر اروح اماكن اللي عاوزها زي الاول بسبب حكم شغلي وكمان الانيل من كدا مستقبلي وعاوز اتجوز وعاوز احقق اهدافي ويكون ليا شأن عظيم ياريت لو فيه حد عنده حل عملي وليس مجرد وعظ حد يديني خطوات فعليه اطبقها تديني الحل محتاج طريقة اعمل بيها من على النت تكسبنيني المبلغ دا في وقت قصير.
اخوكم العصفور بس محبوس في قفص مش عارف يطير
لازم تفكر انت تقدر تشتغل ايه أفضل بمرتب افضل وتتفق مع صاحب الدين علي طريقه سداد ميسره وفكره الزواج صعب انك تفكر فيها قبل سداد الدين والاستقرار المادي
تم النشر الثلاثاء، ٧ نوفمبر ٢٠٢٣
اولا انا بقدر موقفك وانك عاوز تخرج من الوضع اللي انت فيه. فيه شوية حاجات ممكن تعملها: ابحث عن شغل بدخل اعلى من 1200 جنيه. ده هيساعدك تتخلص من الدين بشكل اسرع. ابدأ مشروع صغير من على النت. فيه حاجات كتير ممكن تعملها من على النت، زي انشاء مدونة او متجر الكتروني او تقديم خدمات اونلاين. العمل كمستقل. هناك العديد من المواقع التي تربط بين المستقلين والعملاء. ابحث عن فرصة عمل ثانية من على النت. ده هيساعدك تزود دخلك بشكل كبير. دلوقتي، هقولك شوية خطوات عملية ممكن تعملها: ابدأ بكتابة خطة عمل لمشروعك. الخطة دي هتساعدك تحدد اهدافك وكيفية تحقيقها. ابدأ بدراسة السوق ومعرفة المنافسين. ده هيساعدك تحدد منتج او خدمة تقدر تنافس بيها. ابدأ ببناء علامتك التجارية. ده هيساعدك تجذب العملاء وبناء الثقة معاهم. ابدأ بتسويق منتجك او خدمتك. ده هيساعدك توصل لجمهورك المستهدف. طبعا، ده مجرد خطوات عامة. ممكن تحتاج تبحث اكتر عن مجال معين وبتقدر تحقق فيه نجاح. في النهاية، اتمنى لك التوفيق في التخلص من الدين وتحقيق اهدافك.
تم النشر الجمعة، ٢٠ أكتوبر ٢٠٢٣
وعليكم السلام محمد ممكن تغير الشغل وتكتب الدين بينك وبين الراجل وتشتغل شغل افضل تسدد منه فى الوقت اللى هتتفقوا عليه بناءا على مرتبك فى الشغل التانى صعب اوى تتكلم عن مستقبل واهداف ومسئوليات جديدة قبل ما تتعلم الاول تتعامل فى الاهداف من الاول صح وتدير مادياتك صح . الشغل التجارى الاون لاين او غيره هيحتاج مجهود ومش هينفع تقول انك زهقت لو الدنيا زنقت فية بردوا وكده او كده الدين هيفضل سجن لحد ما تخلص منه باى طريقة ...فبلاش تخلى حياتك وحركتك مرهونه بيه دلوقتى
تم النشر الجمعة، ٢٠ أكتوبر ٢٠٢٣
لعرض السؤال في فدني اضغط هنا