موضوع ميحرنى جدا حرفيا .
حاليا انا مرتبط ببنت وواعدها انى هخطبها وان شاء الله كنت ناوى أوفى بوعدى هيا اصغر منى ب6 سنين
بس عندى حبة حاجات كدة خايف تكون سبب ف مشاكل بعد كدة
انا اهلى ناس بسيطة عن قد حالهم ملهمش ف المشاكل وهي ابوها تاجر وعندها اخين ولاد وأبوها وامها منفصلين
المهم أن البنت لسانها واخد الشتايم وكذا مرة الاحظ أنها بتتخانق مع ابوها ومرات تبقى معايا تلاقيها بتتكلم عنه وبتغلط فيها اوقولها عيب مش عايز عيالى يعملوا معايا كدة انا تقولى وانت هتعامل عيالك وحش عشان يعملوا كدة
بس معايا بتحاول تغير دا بتلم لسانها نوعا ما يعنى ولما بتغلط بتتأسف وهي مش محجبة وكلمتها ف موضوع الحجاب قالت إنها حابة تلبسه من نفسها مش يتفرض عليها المهم انى متقبل دا ومتقبل البنت
بس عندها امها اوبن مايند ع الآخر وبتشجع بتها ع دا
وعندها أخ لما سألت عليهم ف المنطقة كلوا قال ناس كويسة بس اخوها بتاع مشاكل وهو اصلا باين من شكله متشرد واحنا مش بتوع كدة
فخايف لما أخطبها ادخل ف حوارات ومشاكل معاه انا ف غنى عنها غير أن ام البنت بتكلم شباب صحاب البنت دى من ايام المدرسة ومعندهاش مشكلة أن البنت تتكلم معاهم عادى
ومرة كنا خارجين حد ف سن ابوها صاحب ابوها يعم. اتصل بيها فقلتلها مترديش ف البنت بتسمع كلامى ف امها راحت متصلة ومدخلاها مكالمة مع الشخص دا ف دا ضايقنى جدا
حتى كمان خطوبة اخوها كمان اسبوعين ف وهي بتختار الفستان كان عندى تعليق ع حاجة فيه البنت مسمعتليش وسمعت لأمها وعموما الفستان مفيش غير درعاته اللى شفافة انا مضايقنى الموضوع دا بس يعدى بالنسبة لانى لسة مش ف حياتها
بس خايف اخش ف الجد الاقى الكلام دا بيحصل معايا رغم أنها بتقولى انى مش هتعامل مع حد فيهم بعد كدة فمبقتش فاهم آخد الخطوة دى ولا ابعد لانى كنت خاطب من العيلة عندى وحصلت مشاكل وفركشت فمش عايز اكرر نفس التجربة الفاشلة؟
بص نجاح و استقرار اى علاقة حتى علاقتك بموبايلك مبنية على التوافق مش الحب و يعني ايه توافق يعنى يكون الطرفين شبه بعض قدر الامكان شبه بعض ماديا و اجتماعيا و علميا و اخلاقيا و ثقافيا و الثقافة دى مش المعرفة و المعلومات العامة لكن ثقافة الواحد فى التعبير عن نفسه ومشاعره و حتى طريقته في لبسه و أكله وحتى الكلام وطريقته فى الاختلاف و الزعل و الفرح مثلا مثلا لو واحدة ريفية عادى عندها انها تخدم حماتها وبالنسبالها ده عرف طبيعى و عادى مع ان ده ف نظر واحدة تانيةهترفض وتقول انا مش خدامة حد فده اختلاف ثقافى. كل ما كان الطرفين شبه بعض كل ما كانوا هيريحو مع بعض و هنقلل فرص الاختلاف بينهم ولو حصل خلاف هيعرفو يتفاهمو ويكون فى لغة حوار بينهم ، و وفقا لكلامك فى اختلافات كتير ثقافية و أخلاقية و مادية الخ ، فأيا كان قرارك عرفها بيه ، و كده كده ده حب مراهقة مبيكملش
تم النشر الاثنين، ١٦ مارس ٢٠٢٦
أهلا بك، أنا فاهمة تمامًا مخاوفك، وده طبيعي جدًا قبل خطوة زي الخطبة اللي هتغير حياتك. أنت راجل مسؤول بتفكر في المستقبل، وده يدل على حكمتك، مش ضعف. خلينا نرتب الأمور سوا خطوة بخطوة، من منظور إسلامي وعملي، عشان تقرر بوعي. 1. التوافق العائلي والاجتماعي : عيلتك بسيطة وملهمش في المشاكل، وعيلتها فيها انفصال وأخ مشاكل – ده ممكن يجيب توترات، خاصة لو دخلت في صراعات معاهم. خايف تدخل في "حوارات"؟ عادي، بس حدد حدودك من الأول: خلي الخطبة فترة اختبار، وقل لها بوضوح "أنا مش هقبل تدخلات في خصوصياتنا بعد الجواز". 2. سلوكها ولغتها : الشتايم والخناق مع أبوها مش حلو، وردك عليها ("عيب، مش عايز عيالي يعملوا كده") كان مظبوط 100%. إنها بتحاول تتغير وتعتذر ده إيجابي، بس راقب لو التغيير حقيقي ولا مؤقت. قولها: "الاحترام أساس الزواج، والرسول ﷺ قال: 'الْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ'". لو مش بتتغير، ده علامة حمراء. 3. الحجاب والأم "الأوبن مايند" : حلو إنها عايزة تتحجب من نفسها، مش يُفرض عليها– ده يعني إيمانها داخلي. بس أمها اللي بتشجع على الكلام مع شباب؟ ده خطر، خاصة لو بتتدخل زي قصة المكالمة أو الفستان. قولها مباشرة: "أنا مش هسمح بكده بعد الخطبة، عشان نحافظ على حدودنا الشرعية". لو سمعت كلام أمها أكتر منك، فكر جدًا – الزوجة لازم تكون معاك في الصف الواحد. 4. نصائح عملية دلوقتي : صلِّ الاستخارة : أهم حاجة، صلِّ ركعتين وادعِ الله يرشدك. الاستخارة مش مجرد صلاة، هي راحة بال. كلمها بصراحة كاملة : قل لها كل مخاوفك، واسألها خططها للتغيير (حجاب، لغة، حدود مع الأهل). شوف رد فعلها – لو دفاعية، فكر تاني. خطبة قصيرة ومحددة : لو قررت تكمل، خليها 3-6 شهور، مع زيارات عائلية محدودة عشان تشوف الواقع. تجربة المرة اللي فاتت : متكررهاش، بس خد منها درس – حدد شروط واضحة من البداية، ولو مشتغلتش، ابعد بسرعة قبل ما تتعمق. أنت متقبلها زي ما هي، بس الزواج مش بس حب، ده شراكة مستقرة. لو المخاوف دي كبيرة، يمكن البعد أحسن عشان تحمي نفسك وعيلتك. ربنا ييسر لك الخير ويبعد عنك الشر. لو عايز آراء تانية، ابحث في فدني عن أسئلة مشابهة، أو شوف الخبراء في https://www.fedni.net/experts – فيه متخصصين في الإرشاد الزواجي والنفسي هيساعدوك أكتر. ❤️
تم النشر الاثنين، ١٦ مارس ٢٠٢٦
ابعد عنها لان لو هي نفسه تبقى شخص افضل كانت حاولت معك بس انصحها الأول قولها ان الي هي فيه غلط حاول مره واتنين وتلاته وبعدها لو ملقتش نتيجه ابعد عشان ولادك لو اتجوزتو هيبقوا زيها
تم النشر الاثنين، ١٦ مارس ٢٠٢٦
ابعد عندها، لو هي نفسها تبقى شخص افضل كانت هتتغير لنفسها مش عشان حد، و مادامت بتسمع كلام امها في الغلط فهتفضل تسمعلها و مش هتغير من نفسها عشانك
تم النشر الاثنين، ١٦ مارس ٢٠٢٦
لعرض السؤال في فدني اضغط هنا