حقيقية أرجو الإفادة في هذا الأمر ، أنا بعاني من صغري من حاجات كتيرجدا و مكنش حد حاسس بمدي الإرهاق والتعب النفسي اللي بمر بيها في حياتي ،كل حاجة كنت بعمله بصعوبة وباخد فيها وقت كبير ،سواء حفظ أو فهم أو استيعاب أو لو حتى هبعت مسدج أو هكلم حد في التليفون دة غير ضعف في الذاكرة بطريقة مزعجة وقلت انتباة وتركيز وحاجات كتير،ومكنتش عارفه ايه اللي عندي بالظبط ،وكنت كل لما اشكي لحد من البيت أني مش طبيعة في حاجات كتير ،يكون مفيش اهتمام بالموضوع وأن دة بيدك أنتي ،وأن دة طبيعي، بس لما أخدت كورس عن صعوبات التعلم لقيت كل حاجة فعلا بتقولها أنا مريت بيها وإلى الآن وأنا كبيرة وفي العشرينات من عمري بمر بيها ومش عارفه ليه أنا كدة ، فأرجو الإفادة إيه اللي مفروض اعمل علشان أحل المشكلة اللي ارهقتني نفسيا وجسديا وسبب عندي مشاكل لا يعلم بيها إلا الله .
الصعوبه عندك فى قلة الجهد والارهاق والذاكرة بس ولا فى حاجات تانيه ؟ صعوبات التعلم بتختلف من شخص لاخر ..فانتى ممكن تلجأى لمختص عشان يعرف تفاصيل وبناءا عليها ينصحك بافضل حلول تناسبك
تم النشر الاثنين، ١١ مارس ٢٠٢٤
ممكن تجربي تروحي لدكتور يعرف اطتر عن مشكلتك او ممكن بطون بسبب الضغط االي بتمري بيه من اهلك مثلا
تم النشر الخميس، ١٤ مارس ٢٠٢٤
صعوبة التعلم و الاشياء دي مكتسبة من تجارب الحياة بسبب الانعزال عن اشياء كثيرة في الاسرة والاصدقاء ممكن بسبب تواصلك مع من حولك ودة شئ انا مريت بي في حياتي في صغري حتي اما كبرت كان عندي مشاكل بسبب عدم التاقلم في الشغل و زمائلي في العمل بس الموضوع بيتلاشئ وبختفي بالتقدم في العمر والتعلم من الغير
تم النشر الثلاثاء، ١٢ مارس ٢٠٢٤
بس لو في احساس ان الموضوع صعب جدا وفي احساس بكدة ممكن تروحي لطبيب نفسي ودة الانسب بردة عشان تعرفي نفسك اكثر الي هيفدك في مركز الدكتور عكاشة في مستشفي عين شمس هيفدوكي جامد جدا جدا
تم النشر الثلاثاء، ١٢ مارس ٢٠٢٤
جربي تروحي لدكتور ممكن تعرفي اكتر
تم النشر الخميس، ١٤ مارس ٢٠٢٤
او ممكن يكون برضو سبب نفسي. ةضغوطات من العائلة وقله دعم وانت حاسس مثلا أن محدش سائل فيك. يعني قله اهتمام. ده بياثر تفكيرك ويشتت انتباهك. وفالحلتين زور طبيب وشوف السبب ايه. واستعن بالله
تم النشر الثلاثاء، ١٢ مارس ٢٠٢٤
السلام عليكم اخي. ممكن يكون السبب نقص في بعض الفيتامينات في جسمك أدت لقله التركيز. يعني أنا افتكر كان زمان يدونا برشام حديد. للطلاب. عشان الطالب اللي عنده نقص حديد وكان يتقالنا عشان لو طفل عنده خمول ده هيساعده. انا قصدي ليه متروحيش للدكتور. ممكن يكون سبب عضوي
تم النشر الثلاثاء، ١٢ مارس ٢٠٢٤
لعرض السؤال في فدني اضغط هنا