السلام عليكم
محتاجه حل ضروري لمشكله في حياتي انا بنت عندي 19سنه و والدي رجل اسفه (خاين لامي) والان انا اعلم بالخيانه دي سمعت كل الفويسات ف شات الست اللي بيكلمهاا كلام سيىء لابعد الحدود روحت واجهته وعدني انه هيتغير وكده ولان اختي الصغيره سنها 13 سمعت الفويسات بتعته وهي مصدومه وبتعيط ومش عارفه الاقي حل نفسيتها مدمره كيف اعالج ده معاها واخليها تنسي؟
وعليكم السلام ورحمه الله وبركاته حاولي تشغيلها بأي حاجة عشان تنسي وحاولي التقرب منها
تم النشر الثلاثاء، ٣٠ يوليو ٢٠٢٤
عليكم السلام انشغلي أنت وأختك بأنشطة مختلفة، ساعديها على تنمية مهاراتها، اغمسيها في مجال جديد كالبرمجة أو التصميم، وكلما لاحظت أنها تشرد بخيالها تحدثي معها في موضوع مختلف.
تم النشر الثلاثاء، ٣٠ يوليو ٢٠٢٤
وعليكم السلام ورحمه الله وبركاته يعني انا اسفه انك تعرضتي للموقف ده. والصدمه اللي الواحد بيتصدمها في حد من الاهل يمكن الاب او الام لان هم محطوطين في مكانها كبيره وكانهم مش هيغلطوا وانواع غلطات معينه او مش هيغلطوا خالص فدي بتبقى الصدمه الاولى بس الصدمه دي اللي بتحطنا في الواقع الواقع بتاع انه مهما كان الشخص ده فهو بني ادم ووارد ان هو يقع في الغلط طبعا دي حاجه مش سهله انه مكانته تنتقص بالشكل ده لانه اتحط في الوضع ده او حط نفسه في الوضع ده. خليني انصحك بحاجه مهمه جدا انه لو انت اتحطيتي كمان انت واختك في الوضع ده بسبب انكم فتشته بدون اذن في حاجات باباكم في موبايله وسمعته ااا الفويسات من وراه ومن غير ما هو يشوف او فتشته وراه فده برضه جزء من الواقع لازم تعرفيه انه دي غلطتكم اللي حطيتكم في الوضع ده غلطته ان هو اتحط في الوضع ده ان هو قلل من نفسه ومن نظره بنات ولي غلطتكم ان انتم دورتوا وانتوا مش مسموح لكم تعملوا ده. مش مسموح لكم حتى لو انتوا شاكين مش مسموح لكم تحت اي بند خالص ان انتوا تعملوا ده لانه الامر واضح وصريح من ربنا انه هو قال ولا تجسسوا وده نوع من التجسس ف ضروري انت اختك تقعدي تكلموا انه احنا غلطانين ان احنا عملنا ده نتيجه غلطتنا احنا شفنا حاجه احنا مش قادرين نتحمل نتيجتها ااا ان اختك مصدومه ده شيء طبيعي خليها تاخذ فرصه في ان هي تعبر عن صدمتها وعن زعلها ولكن مش عايزين الفتره دي الطول الفتره دي مش محتاجه الطول احنا محتاجين بس نتعامل مع الموضوع ان احنا اا شفنا حاجه وزي ما شفناها ضروري نبدا نشوف التغيير اللي ان شاء الله هيحصل وان شاء الله باباك يكون فاهم من الخطا ده ويبدا. يعدله ويصلحه والامور تبدا يحصل فيها. تعافي بشكل تلقائي. هي اهم نقطه علشان اختك تهدا ان انتوا تشوفوا بابا انسان عادي غلط. انتوا كمان غلطتوا الافضل ما تفتشوش في حاجات انتم ممكن ما تقدروش تتحملوها لو عرفتوها.
تم النشر الثلاثاء، ٣٠ يوليو ٢٠٢٤
وعليكم السلام. أختي، كده الوضع صعب، وخصوصًا على أختك الصغيرة. أهم حاجة دلوقتي هو إنك تكوني جنبها وتدعميها. الاستماع : أول حاجة اعمليها، كوني موجودة تسمعي لها. خدي وقت وسأليها عن مشاعرها وخلّيها تعبر عن أي حاجة جواها. هي محتاجة تحس إن في حد بيسمعها ويفهمها. الحديث عن المشاعر : حاولي تشرحي لها إنه طبيعي تحس بالحزن والصدمة. قولي لها إن اي حد ممكن يعدي بظروف صعبة زي كده. تغيير التركيز : بعد ما تتكلمي معاه، حاولي تشغليها بشيء تحبه، سواء كان رياضة، نشاط فني، أو أي حاجة تانية. ده هيساعدها تنسى شوية. التشجيع على التعبير : حاولي تخليها تكتب مشاعرها أو ترسم، ممكن يكون تعبير جيد عن اللي جاؤها. المساعدة الاحترافية : لو حسيت إنها مش قادرة تتجاوز الموضوع، ممكن تفكري في استشارة مختص نفسي. كوني جنبها دايمًا، وذكريها إنه الوقع مش نهاية الطريق. هما عندهم قوة تخليهم يتجاوزوا.
تم النشر الثلاثاء، ٣٠ يوليو ٢٠٢٤
لعرض السؤال في فدني اضغط هنا