ازاى اقدر اتخلص من حاجات وجعانى، حاولت كتير بس المشكلة انى مش بنسى حاجة، مش عارفة اتخطى الاذى اللى حصلى من علاقة حب فاشلة من صاحبة اذتنى وخانتنى من كلمة وجعتنى من حد، من اذى من عيلتى ازاى اقدر اتأقلم حاولت ومش عارفة
ازيك عاملة ايه 🥰 كونى أرحم بنفسك على نفسك ، مش لازم كل حاجه نقف عندها وكأنها نهاية الدنيا ، كل حاجه وكل موقف بنمر بيه بحياتنا زى ما وجعنا أكيد علمنا ناخد بالنا المرة الجاية ، وهيجي موقف غيره ويمكن شبهه بردو ووارد جدا نتألم منه ويوجعنا بس هنبقى أقوى من المرة اللى قبلها اكيد وكل مرة كدا ، طبيعي تبقى متضايقة من الاذى والظلم اللى مريتي بيه ، طبيعي قصة حب يعنى اخدت منك طاقة ومشاعر وامان ، وادتك عدم ثقة ويمكن حسيتي انه مش هتعرفى تحبي بعده ، بس الحقيقة انه لأ ... هتحبي وهتتصانى وهتتشالى ف العين ، مش هينفع نقف على اى موقف وكأنه نهاية الكون ، لازم نتقبل فكرة انه مش شرط كل الناس تكون زيي ، ولاشرط طالما صُنت وحبيت وراعيت الاقى مقابل زيه او حتى ربعه ، كل المشكلة ف سقف توقعاتك عالى ، متوقعة من حبيبك يحافظ عليكي ، ومتوقعة من صاحبتك تتمسك بيكي ، ومتوقعة ومتوقعة ...... الى مالا نهاية ، طيب محتاجين نشغل على نفسنا حبة ، ونعرف احنا محتاجين ايه من اللى حوالينا ، وليه بنلاقى الاذى من ناس بنحبهم ، طب جربتى تشوفى كل الجوانب من ناحيتك وناحيتهم ؟ حياتك ياترى واقفة عليهم ولا مكلمه؟؟ انتى بتحبي ايه ؟ بتعرفى تحتوى نفسك وتحبيها ؟؟ لما بتزعلى من حاجة او حد بتتكلمى وبتعرفى تعبري عن مشاعرك صح ؟
تم النشر الجمعة، ١٣ يونيو ٢٠٢٥
مرحباً بك، وأشكرك على ثقتك بمشاركتك لمشاعرك وتجربتك معي، وأنا هنا لأساعدك بكل أريحية ورقة. أولاً، أود أن أقول لكِ إنّ ما تمرّين به أمر طبيعي تماماً، وكل إنسان يمرّ بذكريات مؤلمة وألم نفسي من علاقات، سواء كانت حب أو صداقات أو عائلية. الألم لا يختفي بسهولة لأنّ الذكريات تكون محفورة في القلب والذاكرة، لكن هناك طرق تساعدك على التخفيف، والتأقلم، وحتى بدء صفحة جديدة. خطوات عملية لتخطي الأذى والنسيان: الاعتراف بالمشاعر: لا تحاولي إنكار أو قمع الألم. اعترفي بوجوده، وصلي بينك وبين نفسك واقبلِ بأنك مجروحة. هذا الاعتراف هو أول خطوة للشفاء. التعبير والكتابة: اطلبي من نفسك أن تعبري عن مشاعرك سواء بالكتابة في دفتر خاص، أو حتى من خلال التحدث مع نفسك بصوت عالٍ. تسجيل المشاعر يساعد على تصريفها بدل تراكمها. الاستغفار والدعاء: قوّي علاقتك بالله بالدعاء والصلاة والاستغفار، فالراحة النفسية الحقيقية تبدأ من التسليم بقضاء الله والاعتماد عليه، وتهيئة قلبك للرحمة والصفح. تحديد أسباب الأذى وإعادة تقييمها: فكّري: ما الذي تعلّمته من الموقف؟ هل من الممكن أن تستفيدين منه لنضجك الشخصي؟ أحياناً الأذى يكون فرصة للنمو. وضع حدود واضحة: سواء مع من أذاك صديقة، أو أحد من العائلة، تعلمي كيف تضعين حدودًا تحفظ كرامتك، ولا تسمحين لمن يؤذيك بالاقتراب بسهولة. شغلي وقتك بأنشطة تحبينها: كل ما ألهى نفسك عن التفكير في الأذى، كل ما ساعدك على "استراحة" من الموجهات المؤلمة في دماغك. التسامح (ليس للآخر، بل لنفسك): ليست كل جروحنا تحتاج أن نحتفظ بها أو نكررها في أذهاننا. التسامح ليس للآخر فقط، بل تخفيف العبء عن نفسك. من منظوري كخبيرة نفسيّة قد يكون من المفيد أن تراجعي مختص نفسي ليُساعدك على تخفيف أثر هذه التجارب من جذورها. لا ينبغي أن تشعري بالذنب أو الضعف بسبب ألمك، كل آلم هو مرحلة يمكن تجاوزها بخطوات بسيطة، ومع الوقت ستلاحظين الفرق. وأذكركِ أن النسيان التام ليس مطلوباً بالضرورة، بل التكيف وقبول الماضي كجزء من قصتك هو الأهم، وبهذا تحررين نفسك. إذا أردتِ، يمكنكِ تصفح إجابات أخرى على تجارب مماثلة في تطبيق فدني، وهناك الكثير من المستخدمين الذين مروا بشيء مشابه وشاركوا تجاربهم. وأيضاً، لو حابة، يمكنكِ زيارة صفحة الخبراء في فدني والتواصل مع أخصائيين يمكنهم تقديم دعم خاص لك. أنا هنا معكِ، وإذا أحببتِ، تابعي الحديث معي بأي أسئلة أو تفاصيل ترغبين بمشاركتها. دمتِ بخير يا جميلة. 🌷 ذكية
تم النشر السبت، ١٤ يونيو ٢٠٢٥
من سؤالك أرجح ان سنك صغير عموما لو انا صح .. احب اقولك ياما هتشوفي يا بنتي 😀 بصي بقي الالم والاذي والحزن واي مشاعر سلبيه زي كده للاسف مش بتتنسي يعني مفيش زرار هندوس عليه هننسي كل حاجه الموضوع بيتم ازاي هو عامل زي الكوبايه المليانه عشان نشيل منها القديم بنضيف عليه جديد وكل ما تضيفي حاجات حلوة في حياتك اكتر كل ما القديم بيصغر في نظرك ويقل نصيحه ركزي علي علاقتك بربنا هتحسي انك مكتفيه بيه وهتحتسبي كل الاذي والألم عند ربنا ركزي في دراستك ولو خلصتيها خدي كورسات واتعلمي حاجه جديده اشتغلي كتير اووووووووى الشغل بينقل الانسان لحته تانيه خالص من تفكيره وهيخليكي تكتشفي حاجات جديده في نفسك وفي الناس وهتاخدي مناعه كويسه اوووووووى من كم الاسافين الي هتشوفيها في الشغل 😀 اعملي حاجه تطوعيه ودي صدقيني عالم تاني خالص واخيرا تذكري ان الحياه دار شقاء وفانيه
تم النشر الجمعة، ٢٠ يونيو ٢٠٢٥
السلام عليكم ورحمه الله وبركاته اول حاجه علشان تتخطي تبطلي انكار ان ده حصل فلو انت من جواك كده بتقولي ازاي ده حصل لحد دلوقتي لو بتوقفي قدام المواقف والحاجات دي وتقولي انا مش مصدقه ان الحاجات دي حصلت فهنا ده انكار ان الحاجات دي حصلت فده ما بيساعدش لا انا اوكي لا خلاص انا فعلا ده حصل لي طيب لا لو احنا ما بنقولش كده يبقى احنا محتاجين الخطوه اللي بعديها الخطوه اللي بعديها هو انا لو كنت عملت ايه وقتها في الموقف ده كنت حسيت براحه مثلا لو كنت كلمتها صاحبتي دي كانت صاحبتي وشتمتها هو ده اللي كان هيريحني تمام يبقى انا كده عرفت ايه هرتاح طيب والشخص ده انا لو كنت عملت ايه وقتها كنت هرتاح واحس ان انا كده نوعا ما اخذت حقي او طلعت رد الفعل المناسب على الاذى اللي انا اتاذيته برضه تكوني عارفه انت محتاجه ايه اللي يكون يوازي اللي حصل ده التأقلم احنا مش محتاجين تاقلم احنا محتاجين ان احنا نرتب الامور لحد ما نوصل لنهايه تكون بالنسبه لنا تنفع يتحط بعدها كلمه ذائ. لكن لما بيكونش في نهايه تكون النهايه مفتوحه دي بيكون صعب ان احنا نحط الموضوع ما زال مفتوح زي ما انت حس كده انه الجرح مكتوب وطول الوقت بيوجعك وانت مش مرتاحه فيا ريت تفكري في الحاجات دي كده شويه الاول وتوصلي لايه النهايات اللي كانت بالنسبه لك ايه وبعد كده اقول لك على اللي بعدها ان شاء الله.
تم النشر الأحد، ١٥ يونيو ٢٠٢٥
لعرض السؤال في فدني اضغط هنا