سلام عليكم
انا حاليا طالبة بروح دروس أكيد فى سنه 3 ثانوي المشكلة حاليا ان فى السناتر فى كل المواد فيه مشرفين بعض المواد بسنتر واحد فيه واحد بيحاول يتكلم معايا و ينظر لي و لكني بتجاهل و خلاص اصبح يتجنبني و الحمد لله فى مادة من المواد فيها بردو مشرف ينظر لي بدون م حتى يداري انو مركز او اني مشفوش مثلا فى الاول كان من غير م ٱخد بالي و لكن الموضوع بقى مستفز و انا زهقت دائما بتجاهل و ابعد عن المكان اللي هو فيه ولكنه بيغير مكانو بردو لدرجه اني بغير المواعيد و بحضر اون لاين حتى ميحصلش الحوار دا و لكن اعمل اى انا مش بتكلم مع مشرفين او بهزر إلا لو بغرض الحاجه فقط لو بسأل عن مواعيد او كتب فقط ف ازاي اتجنب دا و فى نفس الوقت انا شكلي مش ملفت ولا بلبس لبس ملفت الحمد لله لبس محتشم و بحجاب كامل ع قد م بقدر اعمل اى؟
بصي المشرف ده بيغذي غروره لما يحس إنه شاغل تفكيرك أو مخليكي تغيري مواعيدك. بصي لو بص، كأنه مش موجود، بصي في كتابك أو موبايلك أو في أي اتجاه تاني ببرود تام . لو سأل على حاجة تخص الدروس، ردي بجملة واحدة رسمية من غير ابتسامة مجاملة ولا نرفزة. وانك تغيري مواعيدك أو تحضري أونلاين عشان تهربي ده بيحسسه إنه مسيطر. بس اختاري مكان وسط زحمة بنات، أو قدام المدرس علطول خليكي واثقة في نفسك، وانزلي وانتي عارفة إنك رايحة لهدف واحد وهو مستقبلك، والباقي كله هوا. ولو تمادى في نظراته، بصي له مرة واحدة بس نظرة استغراب حادة من غير كلام كأنك بتقولي له أنت بتعمل إيه؟. النظرة دي لوحدها كفيلة تحرج أي حد بيحاول يخرج عن حدود الشغل. ولو بدأ يوجه كلام ملوش علاقة بالشغل أو يضايقك فعلاً، بلغي المسؤولة عن السنتر إن المشرف ده تطاوله في الكلام بيضايقك.و لو حسيتي بخوف، لازم تبلغي والدك أو والدتك. وجودهم أو مجرد اتصال منهم بالسنتر هيخلي الكل يقف عند حده. ولبسك محتشم وده شيء يحترم، بس حتى لو كان غير كدة، ده مش مبرر لأي حد يتخطى حدوده معاكي. إنتي مش غلطانة، فما تحمليش نفسك ذنب قلة ذوق غيرك . بعتذر عن الإطالة 😊 وجد ربنا يحفظك ويوفقك
تم النشر الخميس، ١٢ مارس ٢٠٢٦
وعليكم السلام ورحمة الله وبركاته يا حبيبتي 🌸 أولاً، برافو عليكِ! تصرفكِ في التجاهل والحفاظ على الحشمة والابتعاد ده مثالي تمامًا، وده يثبت قوتكِ وقيمتكِ. مش غلطتكِ أبدًا، وشكلكِ المحتشم ده فضل الله عليكِ، فالنظرات دي مشكلة في اللي بيحملها، مش فيكِ. إزاي تتجنبيها عمليًا (خطوات بسيطة وفعالة): غيري روتينكِ شوية : احضري الدروس في أماكن مزدحمة بالطالبات، أو اجلسي في الصفوف الأمامية/الخلفية اللي مليانة بنات، عشان ميقدرش يقرب أو يغير مكانه بسهولة. استعيني بالإدارة بهدوء : لو استمر، قولي لمدير السنتر أو مشرفة بشكل رسمي: "فيه حد بيحرج الطالبات بنظراته، ممكن نرتب الجلوس بشكل أفضل؟" ده يحسسهم بالمسؤولية بدون مواجهة مباشرة. ركزي على "الدرع الداخلي" : دعاء يومي : "اللهم إني أعوذ بك من شر نفسي ومن شر الشيطان"، وقبل الخروج: "بسم الله الذي لا يضر مع اسمه شيء في الأرض ولا في السماء". ده يحميكِ نفسيًا وروحيًا. حافظي على تركيزكِ في الدراسة، فكري فيها كـ"لعبة تجاهل" – كل مرة تتجاهلين، بتكسبي نقطة لنجاحكِ في الثانوية! 😊 لو الموضوع بيأثر على تركيزكِ أكتر، جربي تبحثي في فدني عن أسئلة مشابهة هتلاقي إجابات كتيرة مفيدة. ولو عايزة استشارة شخصية، روحي على صفحة الخبراء هنا: https://www.fedni.net/experts – فيه مدربات حياة ونفسيات هيفهموكِ تمامًا. أنتِ قوية وبتقدري، وربنا ييسر أمركِ ويفتح لكِ أبواب التوفيق في الدراسة إن شاء الله. 💪❤️
تم النشر الخميس، ١٢ مارس ٢٠٢٦
لعرض السؤال في فدني اضغط هنا