تم حذف هذا السؤال
و عليكم السلام ، امتى هتكون الحياة وردي ، لما انتي تقرري تشوفيها كده ، لكن طالما مستنية حاجه معينة تحصل او حدث معين علشان تشوفي حياتك كده يبقى مش هتبقى كده ، المشكلة مش في انك حياتك مش وردي ، المشكلة في انك مش شايفاها كده ، كل يوم بتصحي فيه و شعاع شمس بيلمس بشرتك دي حياة وردية ، كل بتصحي و صحتك موجودة و قادرة توقفي على رجلك ده يوم وردي ، كل يوم بتعرفي تاكلي فيه بنفسك ده يوم وردي ، كل يوم بتشوفي فيه ضحكة طفل او تقدري تكوني سبب فيها ، ده يوم وردي ، ما تمشيش ورا القطيع اللي وهمنا ان الحياة المحلوة و الجميلة هي حياة مادية و ان لازم نحقق ماديات كتيرة علشان نرتاح في حياتنا ، و نسينا ان حياتنا نفسها و ابسط الحاجات اللي بنعيشها علشان بس اتعودنا عليها فبقينا مستنيين اكتر علشان نتبسط ،مع ان الامتر ده بمجرد ما هيجي و نتعود عليه هنبقى بندور تاني على اكتر علشان نتبسط تاتي ، و تفضلي بقى راهنه انبساطك بحاجات لازم تحصل ، مع انه بأيدك تعملي ده دلوقتي لو بس بصيتي للسما و شكل السحاب و اتنفستي هوا عميق و استمتعي بالنسيم وهو بيلامس بشرتك ، في نظري هي دي الحياة الوردية ، وبالتوفيق 😊
تم النشر الاثنين، ٣٠ مارس ٢٠٢٦
بصي في رأيي الحياه الوردي مش سهله بس زي ما دكتور عبد الرحمن ذاكر كان بيقول انك تختاري ألمك بنفسك + التقبل لأقدار ربنا بالنسبالي المعادله دي ببساطه تخلي حياتك ورديه وجميله ومش شايفه ان ده خيال، جربي تعيشي حياتك بطريقتك انتي وباللي يريحك طالما ده في اطار الحلال والصح وهتلاقي الدنيا مختلفه هتحبيها بحلوها ومرها ويمكن وقتها تقدري اصلا قيمة التحديات اللي فيها وتعرفي انه من غيرها مكنش هيكون ليها طعم ولا هدف
تم النشر الاثنين، ٣٠ مارس ٢٠٢٦
وعليكم السلام يا قمر! 😊 أول حاجة، أنا هنا أسمعك تماماً، ومشكلتك مش صغيرة خالص – الثانوية دي زي الجبل اللي بنتسلقه، وأنتِ دلوقتي في القمة الأخيرة. الضغط ده طبيعي، والمذاكرة بتأثر نفسياً على كتير زيك، بس برافو عليكِ إنك وصلتِ هنا وبتفكري كده. الحياة مش وردية ١٠٠% زي ما بنحلم، ولا هي سوداء – هي مزيج، وأحلى حاجة إنك تقدري تغيري ألوانها بنفسك! امتى هتكون وردية؟ بعد الثانوية هتبدأي مرحلة جديدة مليانة فرص (كلية، أصحاب جدد، هوايات)، بس الورد مش هيجي لوحده – لازم نزرعه. شوفي نصائح عملية عشان تخففي الضغط دلوقتي: قسمي المذاكرة : اعملي جدول يومي بـ٣-٤ ساعات مذاكرة مركزة، مع فترات راحة قصيرة (١٠ دقايق كل ساعة تسمعي قرآن أو تتمشي). هدف صغير يومي زي "النهارده أخلص فصلين"، وكافئي نفسك بحاجة بسيطة زي شوكولاتة. رتبي أحلامك : اكتبي ٥ أهداف للحياة بعد الكلية (شغل، سفر، زواج سعيد إن شاء الله)، وركزي عليها عشان الثانوية تبقى خطوة مش نهاية العالم. راحة نفسية إسلامية : صلي النوافل، اقري سورة الشرح يومياً ("فَإِنَّ مَعَ الْعُسْرِ يُسْرًا")، وادعي ربنا ييسرلكِ. الصبر مفتاح الفرج، يا بنتي. الحياة هتتحسن لما تخلصي وتكتشفي قوتك، بس متستنيش الورد يجي لوحده – ابدئي دلوقتي! لو عايزة تتكلمي أكتر أو تفاصيل عن جدول مذاكرة، قوليلي. وشوفي أسئلة مشابهة في فدني عن "ضغط الثانوية" هتلاقي إجابات كتير، أو روحي للخبراء هنا: https://www.fedni.net/experts – في متخصصين في التوجيه الدراسي هيساعدوكِ. أنتِ قوية، وهتعديها بإذن الله! 🌸💪
تم النشر الأحد، ٢٩ مارس ٢٠٢٦
صعبه بجد فعلا مستوي و همه بيقلو يوم ورا يوم ميارب يوفقك وتعديها بخير انت ِ وانا وكل اولاد المسلمين
تم النشر الأربعاء، ١ أبريل ٢٠٢٦
رينا يعينك ويساعدك انتي اصلا ف اصعب مرحله ف حياتك وان شاء الله ربنا يوفقك وتخلصي دراستك وتكوني ف افضل حال وربنا يوفقك ف كليه تحبيها وشغل يناسبك يارب بس ده طبيعي لانك ف مرحله عمريه صعبه شويه ولاذم تحسي بكدا
تم النشر الثلاثاء، ٣١ مارس ٢٠٢٦
اللهم آمين ربنا يوفقك ويرزقك ما تتمنى إن شاء الله
تم النشر الاثنين، ٣٠ مارس ٢٠٢٦
فعلا ٣ ثانوي فيها ضغط اوي يارب تعدي علي خير
تم النشر الاثنين، ٣٠ مارس ٢٠٢٦
واحنا فى تالتة ثانوى فى سنك كان أقصى أحلامنا وطموحاتنا إننا نعدى السنه دي وبالنسبه لنا كابوس ورعب وخوف وتوتر ف كنا شايفينها سنة كئيبه وتهدى بس والدنيا كلها هتبقى حلوه ومفيش أى حاجه ممكن تسببلنا ضغط زيها ونفسنا بس تعدى ومش عايزين حاجه من الدنيا .............. ف متستصغريش حجم اللى انتى فيه اه الحياه الجامعية صعبة واه فيه مشاكل أكبر بكتير بس مفيش ضغط مماثل ل ضغط الثانوية اطلاقا الثانويه ديه حاله خاصة لا تقارن بما بعدها ولا قبلها ف انتى طبيعية جدا وركزى فيها واجتهدى ربنا يوفقك .......... بمناسبة امتى الدنيا هتبقى وردى ف الدنيا ديه دار شقاء ولا راحة فى الدنيا ف احنا هنا بنسعى للجنة كل اللى انتى شايفاه دا ما هو الا امتحان بنحاول ننجح فيه علشان نروح ل مكان مفيهوش شقاء والحياه فيها ورديه ربنا يرزقنا جميعا الجنه
تم النشر الاثنين، ٣٠ مارس ٢٠٢٦
امين يارب وانشاء الله ربنا يجبر بخطري في ٣ثانوي وبخطر في الي نفسك فيه
تم النشر الثلاثاء، ٣١ مارس ٢٠٢٦
لعرض السؤال في فدني اضغط هنا