جماعه انا في مشكله جامده يريت اي حد عنده حل يقول بجد
انا ثانويه عامه دفعه 27 وبروح بقالي شهر فيزيا عند استاذ، سمعت انه قليل الادب بس قولت انا هعمل اي بتعامله اهم حاجه انه هيشرحلي كويس، المهم دخلت مجموعه مميزه والدنيا ماشيه تمام لحد ما بقا يدينا واجب، انا حليت الاسئله كلها وسيبت سؤال واحد مش عارفه احله،
الحصه اللي بعدها الاستاذ طلب اللي عنده سؤال يقول ف انا وصحابي قولنا الاسئله، حلها وهو متعصب علينا وراح رازع الكراسه على السفره اللي بناخد فيها وقال اننا فشله ومش هننجح والمره الجايه منجبلوش أسئلة ونحلها كلها،
في آخر الحصه جيت أسئلة سؤال ليه علاقه بالمنهج بس مش في الواجب، سؤال عام، راح مخبط على الحيطه بعصبيه وقعد يبرطم في الكلام ويزعقلي جامد، وفي يوم جبتله سؤال من كتاب تاني وطلبت منه يشرحها بصلي بصه انه طايقني بالعافيه وراح شارحها
وطول الوقت كدا، يتعصب علينا من غير سبب و يرمي كرارسنا في وشنا وانا مش لاقيه اي مدرس اروح عنده بسبب مواعيد الدروس التانيه وخايفه اضيع في الفيزيا لو سبته بس انا طبعي حساس وممكن اتصاب بمرض اصلا بسبب ام الضغط اللي بيضغطه عليا بالاضافه للضغوط اللي عندي
السلام عليكم، بصي الثانوية العامة مش محتاجة ضغط وتعب أعصاب. والمدرس أصلا سلوكه وأسلوبه مع الطلبة ممكن يحببهم في المادة مهما كانت صعبة أو يكرههم فيها موت حتى لو هي أسهل مادة, المدرس مفروض يكون صدره واسع ويتفهم الطلبة ومشاكلهم ولو حد عنده نقطة ضعيفة يحاول معه ويجاوب على أسئلتهم أو أي حاجة واقفة قصادهم ويخليهم يحبوا الدرس مش يكرهوا الساعة اللي بيقضوها معه، واللي بيعمله ده غلط كبير جدا. وممكن هو يكون من المدرسين اللي فاكرين التهزيق والاتهام بالفشل والعصبية بتخلي الطالب يذاكر وده أسلوب فاشل أصلا وبيجيب نتيجة عكسية. *** فلو مواصلة الدروس معه واستمراره في التعامل الضاغط للأعصاب واللي يخلي الطالب يخاف يسأل ويناقش أو حتى يقول أنا مش فاهم الجزء ده ويطلب إعادة الشرح، لو هيوصل إنك تكرهي المادة وتخافي تسألي فاتركيه حتى لو مش هتلاقي غيره أوفلاين وعودي نفسك تعتمدي على البديل الأونلاين حتى لو مترددة في النقطة دي أو خايفة من التراكمات. شوفي سلبيات وإيجابيات الدروس أونلاين وعدلي تجربتك انتِ بحيث تتجنبي السلبيات أو الأخطاء اللي وقعوا فيها الطلبة اللي قبلك وتستفيدي من الإيجابيات. لو عاوزة تعطيه فرصة جربي أسبوع أو اتنين ولو فضل على نفس الحال يبقى فكري في مصلحتك لأن على الحال ده هتكرهي الفيزياء ومذاكرتها ومش هتقدري تحلي فيها كويس. وجربي الأونلاين الفترة الجاية وربنا يسهل. بالتوفيق.💚
تم النشر الخميس، ٢٧ أغسطس ٢٠٢٦
طب ما تجربي تاخدي منصات؟ في مدرسين فيزيا كويسين جدا. انا دفعة 26.وكنت باخد منصة.المنصة كويسة اوي بس لو انتي اهتميتي وتابعتي اول بأول. جربي شهر وشوفي هل حبيتي النظام ولا سنتر بالنسبالك احسن؟ لو عايزة اقتراحات في دكتور كيرلس وفي مستر محمود مجدي وفي مستر عبد المعبود. انا كنت باخد مع دكتور كيرلس بس انتي طبعا جربي شرحهم يوتيوب الاول بعدين شوفي انتي مرتاحة لشرح مين وبالتوفيق 💗
تم النشر السبت، ٢٩ أغسطس ٢٠٢٦
ممكن تغيري المدرس لو متاح اكيد في مدرسين كويسين بس مش اوي انا معاكي في نقطه ان مدرسيين الفيزيا مش كتير عندي نفس المعاناه والله بس الله يعينك ويلهمك الصواب واستعيني بالله ودوري واكيد هتلاقي بس بلاش تحسسي نفسك انك غلطانه انتي ملكيش ذنب وهو شخص قليل الادب وربنا هيعاقبه جهنم لم تخلق عبثا
تم النشر الجمعة، ٢٨ أغسطس ٢٠٢٦
أنا فاهمة تمامًا الضغط اللي بتمرّي بيه، خاصة وأنتِ في سنة ثالثة ثانوي ودفعة 27، والفيزياء مادة أساسية تحتاج تركيز وهدوء. اللي بيحصل مع الأستاذ ده موقف صعب جدًا، لأن التعامل السيء والعصبية الزائدة بتأثر على نفسيتك وبتزود الضغط اللي أنتِ أصلًا حاسة بيه. إحساسك بالحساسية والخوف من الإصابة بمرض بسبب التوتر ده طبيعي، ومهم إنك تعرفي إن صحتك النفسية أولوية جنب الدراسة. أول حاجة عملية: حاولي تقللي الاحتكاك المباشر معاه قدر الإمكان. يعني ركزي على حل الواجبات كلها بنفسك أو بمساعدة مصادر تانية زي الكتب أو الفيديوهات التعليمية المتاحة، ولو عندك سؤال خليه يكون واضح ومباشر ومتعلق بالمنهج فقط، بدون إضافات. لو رمى الكراسة أو اتعصب، حاولي تاخدي نفس عميق داخليًا وتسيبي الموقف يعدي بدون رد فعل عاطفي، عشان تحمي نفسك من الضغط الزائد. كمان، لو في إمكانية، كلمي أهلك عن الموضوع بصراحة عشان يساعدوكِ في البحث عن بديل أو تعديل المواعيد، لأن استمرار الضغط ده ممكن يأثر على أدائك ككل. ثاني حاجة: ركزي على تمكين نفسك في الفيزياء. ابدئي بمراجعة المنهج لوحدك بشكل يومي، قسمي المواضيع لأجزاء صغيرة، وحلّي مسائل إضافية من مصادر موثوقة. ده هيقلل اعتمادك عليه ويخليكِ أقوى. تذكري إن النجاح في الثانوية العامة مش مرتبط بمدرس واحد بس، وإن صبرك وجهدك الشخصي هما الأساس. لو استمر الوضع في التأثير عليكِ سلبًا، فكري في تغيير المجموعة أو البحث عن خيارات أخرى حتى لو كانت صعبة في البداية، لأن صحتك أهم من أي شيء. أنتِ قادرة تتجاوزي ده، وكل اللي بتعمليه دلوقتي خطوة نحو النجاح. لو عايزة تتكلمي أكتر عن طريقة تنظيم الدراسة أو التعامل مع الضغط ده، أنا هنا.
تم النشر الخميس، ٢٧ أغسطس ٢٠٢٦
ايوا فعلا عبد المعبود شرحه جميل جدا و لو مرتاحتيش معاه شوفي كيرلس او محمود مجدي كويسين برضه
تم النشر الخميس، ٢٧ أغسطس ٢٠٢٦
جربي والله شرحه حلو ، اسمعيله حصة من بتوع التأسيس اللي هو منزها وجربي لو عجبك اشتركي معاه
تم النشر الخميس، ٢٧ أغسطس ٢٠٢٦
سيبه ولو مش لاقيه حد خدي اون لاين مع مستر عبد المعبود او مستر محمود مجدي
تم النشر الخميس، ٢٧ أغسطس ٢٠٢٦
لا
تم النشر الخميس، ٢٧ أغسطس ٢٠٢٦
جربتي عبد المعبود اونلاين ؟
تم النشر الخميس، ٢٧ أغسطس ٢٠٢٦
سمعت ان مش هينفع اعتمد علي اونلاين بس سواء في اي ماده خاصه فيزيا واحياء وكيميا، ثانيا هو عامل مذكره من ناحيه الحل ف مش هعرف اشوف الاجابات الصحيحه علي النت، شرحه حلو ويخلي الواحد يذاكر بالاضافه ان بقيت مدرسين الفيزيا اللي عندنا مجرباهم ومفهمتش منهم حاجه، هو فهمني الفيزيا عيبه الوحيد عصبيته اللي بتطلع فجأه
تم النشر الخميس، ٢٧ أغسطس ٢٠٢٦
طيب هوا يمكن ساعتها كان متدايق بسبب حاجه معينه مثلا.. بس معقوله هوا شرحه خرافي يعني لدرجة انكم مستحملين منه دا؟ لو المستر استمر بالطريقه دي مش هتقدرو تستحملو بعدها اصلا و كل دا لسه ف البدايه يعني بقولك الافضل جربي شوفي الاونلاين يمكن يعجبك و تبقي ريّحتي نفسك من الضغط دا
تم النشر الخميس، ٢٧ أغسطس ٢٠٢٦
بيعمل دا احيانا واحيانا، احيانا يبقي طيب وفرفوش زي انهارده بس بيبقي نادرا واحيانا يبقي عامل معانا كدا، احنا مجموعه خاصه صغيره بناخد في بيته ومش لاقيه مدرس تاني ولا حتي عارفه المفروض اكمل معاه ولا لأ
تم النشر الخميس، ٢٧ أغسطس ٢٠٢٦
لو قدامك تغييره غيريه طبعا الأسلوب بتاعه هياثر عليكي أما لو هو الوحيد ال متاح بنسبالك كملي معاه بس لو وقف معاكي اي سوال اي حته م فهماها جيبها من علي اليوتيوب كل حاجه موجوده عليه
تم النشر الخميس، ٢٧ أغسطس ٢٠٢٦
خدي مع عبد المعبود اون لاين .
تم النشر الخميس، ٢٧ أغسطس ٢٠٢٦
طيب بيعمل معاكو كدا كل الحصص ولا احيانا؟
تم النشر الخميس، ٢٧ أغسطس ٢٠٢٦
إيه اللي مخليكي متمسكة بالمستر ده أصلًا؟ يعني من كل اللي حكيتيه مش حاسة إن شرحه أو طريقته مستاهلين كل ده، خصوصًا إنك قلتي إن ساعات لما حاجة بتقف معاكي مش بيشرحها كويس وبيكون متعصب عليكم. ومعلش يعني إنتِ تالتة، مش ناقصة حد يزودها عليكي أكتر من كده ولو فعلًا مش لاقية حد مناسب عندكم ما تشوفي أونلاين؟ أكيد هتلاقي حد شرحه يناسبك بدل ما تفضلي مكملة معاه لمجرد إنه المتاح.
تم النشر الخميس، ٢٧ أغسطس ٢٠٢٦
انتو بتاخدو مجموعه صغيره كدا مش سنتر صح؟
تم النشر الخميس، ٢٧ أغسطس ٢٠٢٦
لعرض السؤال في فدني اضغط هنا