السلام عليكم انا عندي 28سنه اتجوزت ف 2018 كان شخص محترم وكويس بعد 4سنين جواز بقيت ام 3اطفال وف يوم حصل حدثه ل جوزي واتوفي الله يرحمه ومن يومها انا حياتي كلها باظت شخصيتي اتغيرت مبقتش عارفه ارجع طبيعيه تاني وبصلي الحمد لله بس طبعا رجعت ب ولادي عند اهلي ورجعت ل كل كبير وصغير حاطط نفسه ف حياتي غير أن انا بقيت مش عارفه حتي اخد قرار ف اي حاجه بقيت خايفه اخد قرار أو خطوه مكنش ده طبعي اصلا مش عارفه افكر أو اتصرف وحقيقي بقيت ف ضغط انا معايا اطفال كان همي محسسهمش أن ف حاجه ناقصهم ولا احسسهم ب فراق بابهم كتمت كل حزن جوايا مش عارفه المفروض اعمل ايه
اول مااولادك يجيبوا سن حضانه لازم توديهم حضانه وتنزلي تدوري علي شغل وتشتغلي وتصنعي لنفسك كيان بالتدريج لان مش هتحسي انك مستقله الا وانتي مستقله اول شيء ماديا ومعاكي فلوس تقدري تجيبي احتياجاتك انتي واولادك وان شاء الله مع الوقت كل شيء هيتصلح وادعي كتير لربنا انه يعينك ولايعن عليكي ولايحوجك لحد انتي واولادك الله يعينك حمل مش سهل بالمره بس انتي باامر الله وحوله وقوته ادها افتكري ان الله بيعطي اقوي معاركه لااقوي جنوده
تم النشر الخميس، ١٦ نوفمبر ٢٠٢٣
وعليكم السلام ورحمة الله وبركاته ... البقاء لله، وربنا يصبرك .. للاسف عملتي غلطة في الموضوع ده انك كتمتي حزنك، انا عارفه انها فترة صعبة، ويمكن بتقولي لنفسك مش وقته خالص اني احزن، او ابين ده ل اولادي، مينفعش يشوفوني كده. بس انتي كده بتأذي نفسك وبتأذي اولادك حتى على المدى البعيد. لانك حاليا كتمتي غضبك وحزنك وف نفس الوقت برضه مش عارفه تتوجهي في الطريق الصح. حاولي تفرغي كل اللي بتحسي بيه... بتبقى فيه جلسات علاج جماعي بتبقى متمحورة دايما حوالين مشكلة معينه زي مشكلتك. ده بيدي ليكي دعم اكتر، علشان تعرفي انك مش لوحدك برضه. لو مش حابه تعملي ده، ع الاقل حاولي انك تفرغي ده كل ما تقدري في الكتابة، لانه لازم يطلع .. كل اللي جواكي ده لازم تطلعيه. تاني شئ، لازم تشوفي شغل .. وده التحدي التاني .. الشغل هيساعدك اكتر ف انك تكوني ف مواقف لازم تاخدي فيها قرارات حاسمه، وكمان انتي طبعا محتاجه لفلوس علشان اولادك برضه. وربنا يلهمك الصواب
تم النشر الاثنين، ٢٣ أكتوبر ٢٠٢٣
لعرض السؤال في فدني اضغط هنا