عندي مشكلتين،
الاولي اني مش بحب حاجه اسمها مصيف او اي حاجه فيها مسطح مائي حتي لو ملمستش المايه والمشكله بقا اني ببقى لازم اروح معاهم عشان مش هينفع اقعد لوحدي في البيت، مش خوف بس هما بيقلقو عليا كبنت وكدا
المشكله مش في هنا المشكله ان كل ما بروح اشوف المايه بتجيلي نوبه هلع خفيفه واحيانا بفقد سيطرتي عليها ف مش بعرف اتنفس بسببها بس الحمد لله ماما علمتني ازاي ابقي اتحكم فيها لأنها بتجيلي كتير مش في المصيف بس انما وقت التوتر او الامتحانات بس القلق اللي عندي وصل لدرجه ان احيانا مثلا ببقى قاعده على الشط ماسكه الموبايل عشان أنسى اني قاعده على الشط فماما بتقولي تعالي اقفي جمبي في الشمس، برفض مووت بردو بس احيانا بتقنعني واقف معاها لكن بكتشف ان موجه المايه بتوصل للجزء اللي انا واقفه فيه فبخاف وبتجيلي سيناريوهات قديمه لمواقف محصلتش معايا لكن انا شوفتها بعيني ف اترعبت منها،
يعني مثلا قبل كدا كنت في المايه وجمبي شباب محاصرين بنت في سني في المايه والمايه غويطه وكدا والكل بالعوامه أصلا ف الشباب حاصروها وحاولو يلمسوها لكن الشرطه جت واتقبض عليهم وراحو في داهيه الحمد لله،
المشكله اني بقيت بخاف من المايه بسبب دا والسبب التاني ان قبل كدا كنت قاعده علي الشط ( بعد ما كنت مش بنزل المايه خالص) وسمعنا صويت وشباب طلعو بنت غرقانه، البنت طلعت عايشه بس بردو دا خوفني اوي،
انا اساسا المايه مش فوق بطني بحس اني بغرق وبترعب ومن ساعتها وانا لا بلمس شمس ولا بلمس مايه حتى اني اتفرج على المايه مش بعملها وبعد ما عودت نفسي على كدا بقيت كل ما اشوف اي مسطح مائي بحس بغثيان ودوخه وببقى شايفه قدامي بالعافيه حتى لو مشفتش المايه، بشم الهوا بس بحس بكل دول،
وانا اساسا عندي عقده من الرجاله بسبب شويه مشاكل ف لما بروح المصيف وحد يكلمني بحس اني عايزه اعيط ومرعوبه ف يريت بجد حد يديني حل للقلق اللي عندي دا لأن الموضوع وصل اني مش بثق في حد حتى في موبايلي بحط لازقه على الكاميرا ومش بحط اسمي الحقيقي وحتى صحابي بفكر اجيب خط جديد ومضيفش رقم حد غير رقم العيله بس.
أنا آسفة جدًا إنك بتمري بكل ده، وأقدر إن القلق والذكريات القديمة بتأثر عليكِ بقوة كده، خاصة لما بتكوني مضطرة تواجهي مواقف زي المصيف اللي بتثير الخوف. اللي بتحكيه طبيعي جدًا بعد تجارب زي اللي مريتي بيها، والجسم بيحاول يحميكِ من خلال التحذير ده، لكن الموضوع وصل لمرحلة بتأثر على حياتك اليومية وثقتك في الآخرين. من منظور عملي، حاولي تبدئي بخطوات صغيرة لإعادة بناء السيطرة على القلق بدون ما تواجهي المصادر مباشرة. مثلاً، استخدمي تقنيات ذهنية زي تذكير نفسك بأن الوضع الحالي آمن ومختلف عن الماضي، أو ركزي على أنشطة بسيطة زي قراءة كتاب أو الاستماع لشيء يشتت الانتباه أثناء التواجد في أماكن مشابهة. كمان، العمل على بناء الثقة تدريجيًا من خلال تحديد حدود واضحة مع الآخرين، مثل التواصل فقط مع أشخاص موثوقين من العائلة، يمكن يساعد في تقليل الشعور بالتهديد. وبالنسبة للعقدة من الرجال، ده شيء يحتاج وقت ووعي، فكري في كتابة مشاعرك يوميًا لتفريغها وتحليلها بهدوء. من الناحية الإسلامية، تذكري إن التوكل على الله والصبر على البلاء من أقوى الأسلحة، فادعي الله أن يشفيكِ ويبعد عنكِ الخوف، واقرئي آيات مثل "ألا بذكر الله تطمئن القلوب" لتهدئة النفس. أنصحكِ بشدة تبحثي عن أسئلة مشابهة على فدني للحصول على وجهات نظر إضافية، ولو أمكن استشيري متخصصًا نفسيًا من خلال صفحات الخبراء هناك للحصول على دعم مخصص يناسب حالتك. أنتِ قادرة على التغلب على ده خطوة بخطوة، وأنا هنا لأساعدكِ في أي وقت.
تم النشر الجمعة، ١٢ يونيو ٢٠٢٦
ايوة الافضل تروحى طبعا وتكون دكتورة ده هيساعدك وهيطمنك اكتر .. ثانيا لا مش هتقولك انزلى المياه والحاجات دى فيه حاجات تانيه كتير هتفيدك طبعا .. وثالثا أكيد فى الجلسات هتبقى انتى وهى بس مش هيبقى حد من اهلك ف هتتكلمى برتحتك وكل ده هيتعالج بسهولة ان شاء الله
تم النشر الجمعة، ١٢ يونيو ٢٠٢٦
أعتقد حالتك محتاجه متابعة مع اخصائى لان الموضوع مش بسيط
تم النشر الجمعة، ١٢ يونيو ٢٠٢٦
تسلم ثانكيوو 🤍🤍
تم النشر الجمعة، ١٢ يونيو ٢٠٢٦
ما انا بقولك ان انا مش بثق اساسا حتي في موبايلي فالمفروض اتشجع واروح لأخصائي ولا اي؟ خايفه اروحله يقولي انزلي المايه ومش هعرف اقعد مع اهلي معاه لأني عايزه اتكلم براحتي بس مش هعرف اقعد لوحدي معاه بردو لأني مبثقش حتي في قراراتي هثق فيه؟!
تم النشر الجمعة، ١٢ يونيو ٢٠٢٦
لعرض السؤال في فدني اضغط هنا