ازاي ارجع شعري زي الاول
عملت شعري ترميم وشعري بقي يقع بعدها بغزارة من اول شهر، اعالجه ازاي وهل ممكن يرجع زي الاول ؟
اهلا بحضرتك.. انا (( مش مختص في البشرة و الشعر)).. لكن عندي خلفية عن طرق العناية بيهم و مشاكلهم نوعا ما. لازم الأول نفهم ايه اللي حصل نص حل اي مشكلة في انك تفهمي طبيعة و سبب و منبع المشكلة.. معظم جلسات الترميم (زي البروتين، الكيراتين، إلخ) فيها مواد كيميائية قوية بتكسر روابط الشعر علشان يبان ناعم . النتيجة: الشعر يتعرض لإجهاد، يضعف، ويتساقط . كمان الحرارة العالية (المكواة) بتكسر طبقة الحماية الطبيعية للشعرة. النتيجة اللي بتحسيها دلوقتي: سقوط غزير، تقصف، وفقدان الكثافة.. دا طبيعي بالنسبة للي حصل.. لكن مش معني كده انه شيء كويس. اولا هتمنعي نهائي اي جلسات او علاجات كيميائية للشعر او لفروة الراس. ثانيا حمام زيت طبيعي (زيت جوز الهند، زيت الخروع، أو زيت الروزماري) مرة أو مرتين في الأسبوع مع تدليك فروة الرأس. ازاي تعملي الخلطة ؟ زي الروزماري زيت تقيل و سميك علي ان فروة الراس تتشربه لازم يدوب في زيت تاني اخف منه .. زي زيت الزيتون او جوز الهند .. أو زيت الخروع .. (( ابعدي زيت الخروع عن حواجبك لانه بيعمل كثافة )) نسبة الخلط تبقي مقدار واحد روزماري لكل 3 مقادير اي زيوت تانية. #لاتنامي_والوصفة_علي_شعرك_ساعتين_فقط و زيت الزيتون البكر الأصلي هو الأفضل تقدري تعملي وصفة الروزماري مع كذا نوع زيت و تشوفين مين فيهم تأثيره افضل بعد استخدام اسبوعين لكل وصفة. الزيوت متكونش سايبة نهائي.. اختاري ماركة معروفة من عند اي عطار او صيدلية لو توافر فيها. وحاجات الزيت الصغيرة أسعارها من 15 الي 40 لكل زجاجة حسب نوع الزيت ماعدا زيت الزيتون هو الاغلي تمنه بيوصل للزجاجة اللتر ل 400 جنيه و ايوه بتاع الاكل لو نضيف ينفع للشعر. ثالثا مكملات غذائية (لو محتاجة): البيوتين، الزنك، فيتامين د، وأوميجا-3 بتساعد على تقوية البصيلات (طبعًا بعد ما تسألي دكتور). رابعا قص الأطراف المتضررة باستمرار علشان التشقق ما يطلعش لفوق. خامسا أسلوب حياة: نوم كافي + أكل فيه بروتين كفاية (بيض، سمك، بقوليات). اخيراً.. زيارة طبيب جلدية لو التساقط عنيف جدًا (أكتر من 100-150 شعرة يوميًا) عشان يستبعد أي سبب داخلي (هرموني، أنيميا، إ لخ) و بالشفا العاجل أن شاء الله.
تم النشر الأحد، ٢١ سبتمبر ٢٠٢٥
مرحبًا بك، شُكرًا على ثقتك يا عزيزتي. أولًا، أقدّر جدًا شعورك بالقلق والحزن بسبب تساقط شعرك بعد الترميم، فهذا أمر طبيعي تشعري به لأن الشعر جزء مهم من جمالك وراحتك النفسية. الموضوع يحتاج لصبر وعناية خاصة. إليك خطوات تساعدك على علاج شعرك واسترجاعه إن شاء الله: توقفي مؤقتًا عن الترميم أو الفرد أو أي مواد كيمياوية: الشعر المتهالك يحتاج فترة راحة ليبدأ في التعافي. الاستمرار في المواد القاسية يزيد من المشكلة. استخدمي شامبو وبلسم مخصص للشعر التالف: اختاري منتجات تحتوي على بروتينات مثل الكيراتين والهيدروكسي بروتين والكولاجين لترميم الشعر من الداخل. قص الأطراف التالفة: قد تحتاجين لقص بسيط لأطراف الشعر التي أصبحت هشة وتتكسر بسهولة، حتى لا ينتشر التلف لباقي الشعر. تغذية الشعر من الداخل: تناولي غذاء غني بالفيتامينات مثل فيتامين هـ، بيوتين، والزنك، مع شرب كمية كافية من الماء. هذه الأشياء مهمة جدًا لصحة الشعر. استخدمي الزيوت الطبيعية: مثل زيت جوز الهند، زيت الأرغان، أو زيت الخروع، مع تدليك فروة الرأس بلطف لتحفيز الدورة الدموية. والأهم، الصبر والمنتظمة في العناية: الشعر يحتاج وقت ليشفى، وفي أغلب الحالات يعود لمساره الطبيعي مع العناية الجيدة، لكن الوقت والصبر مطلوبان. راجعي طبيب مختص أو خبير في العناية بالشعر: لو استمر التساقط بكثرة لفترة طويلة، قد تحتاجي لفحص طبي لاستبعاد أسباب أخرى مثل نقص فيتامينات أو مشاكل صحية. هل ردي يغطي لك كل نقاط استفسارك؟ إذا حبيتي، يمكنني مساعدتك في البحث عن خبراء مختصين بالعناية بالشعر في فدني للتواصل معهم مباشرة للحصول على نصائح خاصة لحالتك. وأخيرًا، تذكري أنكِ جميلة بغض النظر عن شعرك، والعناية الذاتية والصبر مفتاح العلاج. إن شاء الله يعود شعرك كما كان أجمل وأكثر صحة. أنا هنا معك دومًا، لا تترددي في العودة للسؤال أو الدعم! 🌷 ذكية. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٢١ سبتمبر ٢٠٢٥
الحل هتجيبي زيت زيتون وتتاكدي انه اصلي بعد كده تجيبي الثوم وتنقعيه في الزيت الزيتون ثلاث ايام وبعد كده تستخدميه اهم حاجه يوصل فروه الراس استخدميه الصبح وبالليل واهم حاجه تسيبي شعرك للهواء
تم النشر الأربعاء، ٢٤ سبتمبر ٢٠٢٥
تم النشر الأحد، ٢١ سبتمبر ٢٠٢٥
لعرض السؤال في فدني اضغط هنا