سلام عليكم انا علطول بحس بذنب وخوف لان وانا عندي 12سنه كنت بكلم اجانب بس علشان والله العظيم اتعلم لغتهم بس أنا دائما بحس ان ماكنش المفروض اعمل كده وانا كنت يملك بهدف اني اتعلم لانهم وانا كنت بكامهم بس رسائل فقط بسبب اني اتعلم لانهم بس. بس أنا بحس ان عملت حاجة المفروض مكنتش لان اعماها ودائما احس ان عملت ذنب اني كلمتهم الجو من الناس تقولي هل أنا عملت حاجة غلط ولا ايه لان الوسواس قالت دماغي وحاسه بالخوف والذنب
انتي كنتي بتتكلمي معاهم بهدف معين .. وطالما مكانش فيه اي تجاوز يبقى الموضوع عادي ومعلكيش اي ذنب. الموضوع زيه زي اي شئ تاني في حياتك .. ف الدراسة، ف العمل بعدين .. اكيد هيكون فيه اختلاط .. والاختلاط يكون ع قد الشئ المطلوب وبس. ف اطمني وطلعي الموضوع من دماغك. وحتى لو كنتي اساسا بتعملي حاجه غلط .. فخلاص برضه ده شئ وانتهي .. يعني اللي بيعمل ذنب دلوقتي وبيتوب .. ما هو خلاص بيتوب عنه وبيكمل حياته عادي. اما عقدة الذنب اللي انتي فيها حاليا هتقلب معاكي بوسواس لو فضلتي عليها. لانها ملهاش معنى بتاتا دلوقت.
تم النشر الأحد، ٢٠ أغسطس ٢٠٢٣
طيب سواء هى حاجة صح ولا غلط ....فهى حاجة انتهت اصلا اى كان الحكم عليها فهى خلاص عدت ...تقدرى يبقى ليكى مبادئك انك مثلا مش حابه تكررى ده حتى لو هو مباح وصح . فى حاجات كتير بيحكمها النيه فى صحتها ...فانتى حبيبتى كنتى هدفك ونيتك للتعليم ...ااختلاط بهدف التعليم مباح ...زى ما بتتعاملى مع زمايلك ومدرسينك وبتاع السوبر ماركت وهكذا تعامل على قدر الحاجة وبس ...مفيهاش اى مشكلة جميل انك تتحرى الامر عشان تكونى ماشيه صح ...بس لو قلب بالوسوسة دى اعرفى انها من الشيطان ...استعيذى بالله منه وخلاص
تم النشر الأحد، ٢٠ أغسطس ٢٠٢٣
الإحساس بالذنب الزيادة عن اللزوم بيعمل نتيجية عكسية، مش مشكلة الموضوع بسيط بإذن الله استغفري ربنا عشان ضميرك يرتاح و شوفي كرق تانية على النت لتحسين اللغة ومتستسلميش لشعور الذنب الزائد دا لعله من الشيطان حتى لو أي حد فينا أذنب -ودا وارد جدا- يعمل حسنة بعدها علكول ويتوب وإن شاء الله ربنا يمحو ذنبه دا زي ما وعدنا النبي صلى الله عليه وسلم
تم النشر الأحد، ٢٠ أغسطس ٢٠٢٣
لعرض السؤال في فدني اضغط هنا