"إنت مش كسول…
إنت خايف تبدأ
فاهم الفرق؟
كل مرة تقول:
هبدأ بكرة
هبدأ لما أكون جاهز
هبدأ لما أحس بالطاقة
بس عمرك ما بتبدأ
ليه؟
عشان البداية فيها مواجهة…
وإنت بتأجل المواجهة
الحل؟
ابدأ وانت مش جاهز
ابدأ وانت خايف
ابدأ بأي حاجة
بس ابدأ"
كلامك جميل بس حابب اضيف عليه شويه. بعد اذنك 🌷الموضوع كله إن ربنا سبحانه وتعالى بيحاسبنا على السعي مش على النتيجة والتعطيل اللي احنا فيه ده ساعات بيبقى مدخل من مداخل الشيطان عشان يضيع علينا عمرنا في سوف اللي هي جند من جنود إبليس احنا مستنين إيه عشان نبدأ واحنا عارفين إن البركة دايما في البكور وفي الحركة النبي صلى الله عليه وسلم كان بيستعيذ من العجز والكسل لأنهم بيحبسوا روحنا في مكانها وبيموتوا فينا أي أمل للتغيير خلي عندنا يقين إن الله لا يضيع أجر من أحسن عملاً بس عشان يحسن عمللنا لازم يكون فيه عمل أصلاً إبدأ واستعين بالله وقول يا رب أنا هتحرك وأنت المعين وما تخليش ذنوبك أو تقصيرك يفرملوك لأن ربنا بيحب العبد اللي بيحاول ويجاهد نفسه ابدأ النهاردة ولو بخطوة بسيطة لله وفي نيتك إنك بتعمر الكون وبتنفذ أمره بالسعي وهتلاقي الأبواب اللي كانت مقفولة بتتفتح قدامك ببركة التوكل لأن ربنا مبيسيبش حد أخد بالأسباب ورمى حموله عليه فاستعذ بالله من الشيطان وقوم دلوقتي حالا اقطع حبل الأفكار ده بخطوة فعلية على الأرض الواقع
تم النشر السبت، ٤ أبريل ٢٠٢٦
لعرض السؤال في فدني اضغط هنا