كيف أتجاوز هذه المشكلة التي سببتها اضطراباتي النفسية؟

Question

*من غير تجريح انا عارف اني غلط وطالب مساعدتكوا* انا عندي دادي ايشوز وميول شاذة على طول نفسي فحد اكبر مني يحسسني بالامان وبالحب ويحسسني انه مهتم بيا اتعرفت على شخص وكنت ما صدقت اني لقيت حد كدا يعجبني واحس معاه بالامان ما اكنش خايف منه، كنا اصحاب اوي وبعدها ارتبطتنا علاقتنا كانت سوشل كلها بس، انا اتعلقت بيه جامد واعترفتله بكدا كنت فاكر اني لما اعرفه اني متعلق بيه وبحبه اوي كان هيحبني اكتر بس ده محصلش بدا يتغير وطلع شخص توكسيك واذاني لابعد حدود وعلشان انا شخص حساس بزيادة فانا منهاار، مكذبش عليكوا انا حاسس بالغيرة والغل لاني استحملته كتير وجيت على نفسي وكرامتي وكنت بتذلله دايما لما كنا بنسيب بعض علشان يرجعلي، حاليا هو مشي ومش هيرجع تاني بس انا مش قادر اسامح نفسي ولا قادر اطلعه من دماغي نفسي انتقم من كل حاجة هو عملها فيا وكل شعور واحساس انا حسيت بيه بسببه هو اذاني نفسيا وانا مش قادر وعليا امتحانات ثانوية عامة وحياتي كلها واقفه اتمنى ان حد يساعدني

Accepted Answer

السلام عليكم ورحمه الله وبركاته بدايه الحلول في الامور اللي زي دي هو ان احنا نبدا نسمي الاشياء وما مسمياتها فمساله الدادي ايشود لا مش ده المسمى اللي لما نحطه هنقدر فعلا نغير من الموضوع ونبدأ نحط نفسنا في وضع احسن وافضل ونبقى صلحنا فعلا الغلط دادي إيشوز دي بتخلي الموضوع كيوت كده وظريف لكن الموضوع كارثي. انا عندي نقص في احتياجاتي تمام كده انا اقصف الاحتياجات ده معناه انه انا لازم ادور على مصدر يغطيلي الاحتياجات بتاعتي طيب المصدر ده خلينا نفكر كده انا لو عطشان فانا عندي احتياج للمايه هتروح تشرب من شويه ميه عاملين بركه كده في الارض اسفه جدا يعني زي الكلاب والقطط ممكن تلجأ للمايه دي اعتقد انك هتحس بتأفف كبير جدا لما بتحط بقى المسميات الكيوت دي بتخليك شايف انه ان انت تنزل تشرب من البركه بتاعت المايه اللي في الشارع دي حاجه عاديه جدا يعني بيتحول الموضوع لحاجه الله كيوت لطيفه وانا رايحه اشرب من الطبيعه مفيش حاجة كده خالص احنا هنحط الموضوع في المسمياته واللي عندك ده نقص احتياجات بسبب غياب دور الاب وانت محتاج لحد يمثل دور الاب تمام كده طيب فانا محتاج حد يمثل دور الأب. مين موجود من اللي حواليا ممكن يمثل لي دور الاب اكيد هيكون شخص فعلا بتتمثل فيه معاني الابوه فالاب ده بيكون عامل ازاي تبدا انت بقى تشوف نظرتك للاب اللي انت محتاجه يكون عامل ازاي يكون بياخذ باله منك يكون بيحسسك بالامان يكون حساسك انه انت مسؤوليته فيبقى دايما بياخد باله من تصرفاتك وبينصحك وبيسندك كل الكلام ده. لما ابص على الاحتياج ده وأبص على الحاجات اللي انا منتظرها ما ينفعش اقبل بغيرها ما ينفعش اقبل بجد تمام فمش هاخذ اي حاجه تشابهها حد تمام كده طيب. التطورات بقى اللي انت بتروح لها ومسألة الميول الشاذه دي هنا نرجع برده نغير المصطلحات بقى احنا ما عندناش ميول للشذوذ هو انا ملت ليه هو انا ليه اتحولت من الاستقامه للميلان ايه اللي حصل مفيش حاجه اسمها ميول والميول ده معناه حيود انا هنا باحيد عن الفطره انا هاسمي الموضوع بمسماه انا حصل لي حيود عن الفطره انا بعدت عن الفطره الطبيعيه السليمه اللي ربنا خلقني عليها كذكر هنا لما هحط ده قدامي يبقى انا اه انا عايز حاجه تعدلني ثاني انا عايزه اعرف اتعدل وارجع للفطره طبيعيه ثاني لكن ميول دي ممكن تتاخد حاجه عاديه يعني عادي ده انا اميل لذلك انا افضل ذلك ان انا خليت برده الموضوع بسيط واحنا مش عايزين نبسطه عايزين نحطه في سياقه السليم ايه اللي يرجعني للفطر الطبيعيه لما احط نفسي في ظروف كلها تبقى حوالين الفترات الطبيعيه حوالين الحاجات السليمه تفتكر انت هتحس بالميول او هتلاقي نفسك بتفكر في الحيود ده لو انت كان كل الظروف اللي حواليك او ال البيئه اللي انت حاطط نفسك فيها او بتسيب نفسك موجود فيها هي مثلا الجامع والبيت معتقدش. لكن هنا اللي بيخلينا يحصل لنا ميلان ميلان وهو اصلا حيود وبعد عن الفتره هو ان احنا بدانا نسمح لنفسنا بالتواجد في ايه دواير هي بعيده هي كمان عن الفطره ولذلك احنا كمان اخذنا الحيود ده وروحنا لهناك فمن الاول احنا نبعد نفسنا اصلا عن اي دوائر ان كانت بقى سوشيال او ان كانت في الواقع ايا كان احنا نبعد عنها. الاشخاص التوكسيك ده مصطلح برضه احنا مخلينه كيوت لطيف وبقى دارج لدرجه انه بقى عادي. فلذلك الاشخاص بقوا بيتسللوا كده ويدخلوا من العلاقات العاديه ونبدأ نخش في مرحله التوكسيستي لا هو احنا هنا قدام شخص مؤذي. شخص غير سوي انا قدامي شخص غير سوي وعمل استغلال لوضعي اللي فيه حيود واللي فيه احتياج وعمل ايه واذاني. فانا دلوقتي. ربنا كرمني وخلصت من شخص مؤذي. يبقى محتاج احط نفسي في اذى ثاني انت لو فضلت تفكر اعمل ايه في الشخص ده وانتقم ازاي والكلام ده كله فانا هنا هحط نفسي في أذى تاني ما اعتقدش انك محتاج تحط نفسك في أذى تاني انت محتاج تتخلص من الاوضاع اللي بتؤدي لك لاذى اصلا هنرجع ثاني نقول نفس اللي احنا قلناه في الفويس الاولاني كده اتمنى تاخذ بالكلام دوت واتمنى ان هو يكون افادك ولو بقدر بسيط لو في حاجه حابب تسالني عليه اقدر اساعدك بيها اتفضل.

Answer

أخي العزيز، أولاً أحب أقول لك إنك شجاع لأنك شاركت مشاعرك وأوضحت وضعك بصراحة وبدون تجريح. كثير من الناس يواجهون تحديات كبيرة داخل أنفسهم، واعترافك بالحقيقة هو الخطوة الأولى نحو الشفاء والتحسن. دعني أُقسّم كلامك لنتعامل مع كل جزء منه: التعامل مع الدادي إيشوز والميول الشاذة : من الطبيعي أن تشعر بحيرة وقلق تجاه مشاعرك، وأهمية أن تفهمها في ضوء دينك وقيمك. الإسلام يعامل الإنسان برحمة وحنان ويُحث على البحث عن الطُرق الصحيحة للتوبة والتغيير. هذه المشاعر ليست نهاية الطريق، بل بداية لتعرف كيف تتعامل معها بصورة صحية. أنصحك بأن تتحدث مع مختص نفسي أو ديني في بيئة تحترم خصوصيتك ودون حكم، فالعلاج النفسي يساعد كثيرًا في هذا المجال. الشعور بالاحتياج للأمان والحب : هذا شعور إنساني ومهم، ولكن يجب أن يتم في إطار يحترم كرامتك وكرامة الطرفين، وبعلاقة صحية ومبنية على الاحترام المتبادل. أن تقع في علاقة توكسية تؤذيك نفسياً هو أمر مؤلم، والاعتراف بذلك هو بداية التعافي. الصراع مع الغيرة والرغبة في الانتقام : الغيرة والكره مشاعر طبيعية لكن قد تأخذك لمكان مظلم، و الانتقام يجعل الألم مستمراً وليس حلاً. ركز على نفسك وأهدافك، وذكّر نفسك أنك تستحق أفضل بكثير من الألم الذي شعرت به. التأثير على نتائجك الدراسية وحياتك : إذا حياتك واقفة بسبب هذا الوضع، من المهم أن تحاول تعيد ترتيب أولوياتك. خصص أوقاتًا للدراسة والتركيز على الامتحانات، واطلب دعم من معلمين أو مختصين في التدريب الدراسي إذا شعرت بصعوبة. التعامل مع الألم النفسي : لا تحاول أن تضغط على نفسك أن تكون قويًا دائماً، hسمح لنفسك بالبكاء أو التعبير عن مشاعرك. حاول أن تجد هواية أو نشاط يساعدك في تخفيف التوتر أو يُخرج طاقتك بشكل إيجابي. أخي، أنت لست وحدك في هذه الرحلة، وهناك دائمًا أمل في التغيير وتحقيق السلام الداخلي. أنصحك بقوة أن تتواصل مع أخصائي نفسي متخصص، لأن الدعم المهني هو الذي سيقودك خطوة بخطوة لتجاوز هذه المرحلة. إذا أردت، يمكنني مساعدتك في إيجاد مختصين موثوقين على منصة فدني أو توجيهك لكيف تبحث عن الدعم المناسب. هل تريد أن نبدأ معًا بوضع خطوات عملية تساعدك على تحسين وضعك الحالي؟ أنا معك دائماً، ولا تتردد في طرح أي سؤال أو مشاعر تريد مشاركتها.

كيف أتجاوز هذه المشكلة التي سببتها اضطراباتي النفسية؟

نفسية

اجتماعية

علاقات

سؤال من احد أعضاء فدني

تم النشر الأربعاء، ٢٨ مايو ٢٠٢٥

2 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك