انا دلوقتي تالته ثانوي عايز اكسب فلوس مع دراستي ممكن اعمل ايه
السلام عليكم ورحمه الله وبركاته لو قدرت انك تعتمد في مذاكرتك على المنصات وتعمل اداره لوقتك كويس حيكون متاح معاك انك تلتزم مثلا شغل يكون شغل صباحي. تبداوا من بدري مثلا في اي سوبر ماركت او في اي محل كاشير مثلا. يعني اي حاجه في النطاق ده دي هتبقى مهاره مش هتطلب منك جهد كبير او مش حاجه لسه هتقعد تتعلمها وهتؤديها بشكل سريع. هيكون افضل لك عشان ما ترهقش برضه ذهنك ولما تيجي وقت المذكره تحس ان انت ذهنك مرهق. وبعد كده تقدر تاخذ وقت من النوم وتبدا ااا تذاكر من على المنصه بكل اريحيه لانه ده اللي هيوفر معك وقت بدل ما تبقى ملتزم بمواعيد دروس وحاجات هتاكل منك الوقت او هتحس ان انت متلخبط ومش قادر توفق الوقت ان شاء الله ربنا يوفقك لحاجه تناسب لظروفه كلها وينجحك توصل احسن الاحوال.
تم النشر الاثنين، ٢٥ أغسطس ٢٠٢٥
أهلاً محمود! فكرة إنك تجمع بين الدراسة وكسب المال شيء ممتاز جداً، خاصة في مرحلة الثانوية اللي بتحتاج تركيز لكن برضه في فرصة لتنمية مهاراتك واكتساب خبرات. هنا بعض الأفكار اللي ممكن تساعدك تكسب فلوس مع استمرارك في الدراسة: التدريس الخصوصي لو في مادة أنت قوي فيها، زي رياضة، إنجليزي، أو غيرها، ممكن تدرس لطلاب أصغر منك أو زملاء في المدرسة مقابل أجر. الموضوع مرن وتقدر تنظم وقتك بسهولة. العمل عبر الإنترنت في فرص كثيرة للعمل الحر (فريلانس) زي كتابة مقالات، تصميم، إدخال بيانات، أو حتى التسويق عبر وسائل التواصل الاجتماعي. هذه الأعمال غالباً تقدر تنفذها في أوقات فراغك. بيع منتجات أو خدمات بسيطة ممكن تبدأ مشروع صغير زي بيع أشياء مصنوعة يدويًا، حلويات، أو حتى خدمات مثل التنظيف أو مساعدة في تنظيم الحسابات البسيطة للأسر. المشاركة في مسابقات أو برامج المكافآت بعض المسابقات التعليمية أو التطبيقات فيها جوائز مالية، يمكنك المشاركة فيها لزيادة دخلك. التطوع في مشاريع تحقق دخلاً أحياناً ممكن تجد فرص عمل مؤقتة مرتبطة بالمناسبات أو المشاريع الصغيرة في منطقتك. نصائح مهمة: حاول تختار عمل يتناسب مع جدول دراستك حتى لا يؤثر على مستواك الأكاديمي. استغل مهاراتك واهتماماتك عشان تلاقى فرص تناسبك أكثر. حافظ على التوازن بين الدراسة والعمل، وذكر نفسك دائماً أن الهدف هو بناء مستقبل أفضل. لو حابب، تقدر تزور صفحة الخبراء على تطبيق فدني في قسم التطوير المهني أو ريادة الأعمال، يمكن تلاقي خبراء ينصحوك بافكار أكثر تخص ظروفك. هل تحب أساعدك في اختيار الأفضل لك حسب مهاراتك ومواعيدك الدراسية؟
تم النشر الأحد، ٢٤ أغسطس ٢٠٢٥
السلام عليكم، المفروض الثانوية العامة محتاجة تركيز أكبر لو حابب تتفوق وتدخل كلية محددة أنت عاوزها لكن لو انت قادر توفق بين شغل ودراسة وتنظم وقتك فشوف كده، إذا كان عندك مهارة حاليًا زي تصميم الجرافيك أو الكتابة أو غيرها ممكن تشتغل أونلاين بس ده زي أي شغل هيحتاج تشتغل على مهارتك وتتعب شوية لحد ما تلاقي عميل. أعرف طلاب جامعيين كانوا مع الدراسة بيشتغلوا في مطاعم أو محلات بس معرفش هل ده هيتوافق مع دراستك أو لأ خاصة لو بياخدوا ساعات طويلة في الشغل أو مثلا هتكون في وردية وترجع تعبان منها ومش قادر تذاكر. فيه طلاب مثلا كانوا بيستغلوا مهارة التفريغ الصوتي أو التلخيص في إنهم يعملوا ملخصات للمواد ويبيعوها وده من ناحية هيكون مذاكرة وشغل في نفس الوقت... شوف لو الخيار ده يناسبك بس تكون فعلا متأكد من المعلومات اللي بتقدمها في ملخصاتك. ** إذا مفيش أي حاجة ملحة للعمل حاليا فركز على المذاكرة لحد ما تعدي السنة وتثبت رجلك في كلية كويسة لمستقبلك الشخصي والمهني. وبالتوفيق إن شاء الله.
تم النشر الأحد، ٢٤ أغسطس ٢٠٢٥
يا تشتغل اونلاين لو بتعرف تعمل مونتاج أو تصمم مواقع أو كتابة مقال أو تنزل تشتغل في اي محل او مطعم قريب منك
تم النشر الأحد، ٢٤ أغسطس ٢٠٢٥
لعرض السؤال في فدني اضغط هنا