سلام عليكم، هدخل على طول فـ الموضوع.
انا و ابن خالي كانت علاقتنا و احنا صغيرين عشوائية جداً..
يعني..، بنحب ننكش بعض نهزر مع بعض، الحجات دي (دا لما كنا اطفال).
و بعدين مع الوقت أدركت اني بحبو.
و هوَ من النوع العفوي أوي و حرفياً كل اللي يعرفو بيحبو عشان شخصيتو المرحة و شكلو الحلو و كدا.
فـَ هوَ لما بيبقى قريب مني بيبقى هادي و بيركز فـ كلامو معايا كأنو بيعاملني كأني حاجة رقيقة ممكن تتكسر من اي كلمة بسيطة متعجبنيش.
و كذا مرة نكون فـ القعدات العائلية و بيبقى الكل بيضحك و كدا و عيني تيجي فـ عينو.
و دايماً بحس نظراتو عليَ.
و في حجات بيعملها بحس انها تلميحات منو، زي مثلاً..
كنا بناكل في بيت خالي (باباه) و لما قلت لأختو انا عايزة ماية كانت الكباية معاه فـَ هيَ قالتلو فـَ أداهلها و ربع الكباية او حاجة بسيطة منها كان مليان و لما شافها هتديني الكباية راح خد الكباية و جري غسلها و ملاها و بعدين جابهالي.
و بردو فـ مرة كان اخو الصغير اخد مني حاجة و لما قلتلو هاتها و مـَ جابهاش كان هوَ قاعد ورايا (ابن خالي) و قالو يديهاني بصوت واطي راح اخو أداهاني.
غير كزا موقف تاني بردو.
فـَ سؤالي هوَ..
هل هوَ بيحبني بجد؟، ولا انا واهمة نفسي؟
السلام عليكم ورحمه الله وبركاته مش عارفه سنك قد ايه ولكن بشكل عام المواقف اللي بيكون فيها اهتمام من شخص تجاهنا الاهتمام ده بيبان ان هو لينا احنا واحنا مميزين بيه فده دليل على ان في درجه من الغلاوه وفي درجه من القيمه في علاقتنا اعلى من علاقات هل نقدر ناكد ان ده الحب اللي احنا بنسال عليه الحب اللي هو بسببه هنختار بعض نكون زوج وزوجه او يكون من شركاء في الحياه مش شرط لكن هي بتاكد المواقف اللي زي دي انه في درجه من الاهتمام هي طبعا درجه لطيفه ودرجه يعني بكثير في النفس كده. مشاعر حلوه وكل انسان بيحب يحس ان هو متقدر ومميز وغالي عند اللي قدامه اطفال وانتوا مقبلين مع بعض وليكن تفاصيل مع بعض فده يخلي فيه ما بينكم عليه طبعا مع السن ومع ان احنا نعدي مرحله البلوغ ومرحله المراهقه ده طبعا بيبدا ينضج ويظهر بشكل ثاني مش بيكون متوضح قوي جوه كل بني ادم بالشكل ده ولكن.
تم النشر الثلاثاء، ٢١ يوليو ٢٠٢٦
لعرض السؤال في فدني اضغط هنا