السلام عليكم ورحمة الله وبركاته
انا بنت و عندي 17سنه ،، انا من سنه فاتو كنت شخصيه مهزوزه الثقه و بمشي وراء كلام اي حد و ده شئ كنت بعملو و انا اساسا مش خليه بنفسي معا علينا كنت بلبس لبس ضيق جدااا وقصير جدااا المهم انا محبتش نفسي كده و كمان محبتش نظارات الناس لييه و لجسمي و حبيت اغير شويا من نفسي و من لبس و من شكلي و كل حاجه عامه وحده وحده قربت من ربنا جدا و الحمدالله لحد النهارده ملتزمة بصلاتي و يقرا قراان كل يووم و بسبح ديما الحمدالله يعني قربت جاامد جداا من ربنا انا دلوقتي كل لبسي فساتين محترمه وشكلها كويس بس نفسي البس الخمار بس مش عارفه نفسي جدااا البس الخمار بس للاسف مش عارفه انا سؤلي هو انا كده حرام عليا اني مش لبسه الخمار و كمان سؤل تاني هل مثلا ينفع ابقا ملتزمه و كل حاجه و مش شرط البس فساتين و البس طقمه عادي بس طويله جدا ولبس طويل و كده ولا هيبقا حرام عليا يااااااريت حد يرود عليا وجزاكم الله خير و شكرا 💙
السلام عليكم ورحمة الله وبركاته ياحبيبتي ربنا يثبتك ويزيدك هدتية شوفي ياحلوة واضح عليك إنك تريدين التقرب الى الله عز وجل أنا بأقول ليك إن الحجاب الشرعي واجب يعني يجب القيام به ولبسه على الفور الحجاب الشرعي يكون كما كانت الصحابيات وأمهات المؤمنين يرتدينه كل جسمك لا يظهر منه شئ وإن أحببت الدليل فقرأي آية الحجاب في القرآن وأنا أنصحك بمتابعة الشيخ ابن عثيمين والشيخ الفوزان والالباني ابن عثيمين والالباني توفيا رحمهما الله والفوزان لازال حي حفظه الله إن سألتي عن الحجاب في اليوتيوب وكتبتي لابن عثيمين أو أحد المشايخ التي ذكرت لك ستجدين كفايتك بإذن الله ومن كان يحب الله ورسوله يطيعهما فالمحب للمحبوب مطيعُ
تم النشر الأربعاء، ٢٩ نوفمبر ٢٠٢٣
وعليكم السلام ورحمة الله وبركاته هو عادي انك تكوني ملتزمة عادي ومقربة من ربنا وكل حاجه حتى لو مش لابسه خمار حاليا.. وربنا يهديكي له وتوصلي لنقطة اعلى. بس اهم حاجه في اللبس انه يكون شرعي .. يعني ايه شرعي؟ يعنى لبس لا يصف ولا يشف يعني يكون فضفاض، مش واصف جسمك، ويكون مش شفاف، وطبعا ميكونش قصير .. ومش شرط تلبسي فساتين هو اللبس الشرعي مش مرتبط بالفاستين .. ممكن تلبسي جيب عادي وبلوزات بس لازم يتحقق فيها شروط اللباس الشرعي زي ما قولنا. مش ضيق ولا شفاف وساتر..
تم النشر الثلاثاء، ٢٨ نوفمبر ٢٠٢٣
الخمار فرض من ربنا سبحانه وتعالى قال ﴿ وليضربن بخمرهن علي جيوبهن ﴾ لكن انتي ممكن تلفي الطرحة زى الخمار المهم تغطي صدرك لأن المقصود بالخمار هو تغطية الصدر وفيه فيديو انا عامله هيسهل عليكي الموضوع ده جدا وانا هحطلك لينك الفيديو ولو استفدتي منه قوليلي https://www.mediafire.com/file/pcsmfqd49zurh00/lv_0_٢٠٢٤٠٢٢٦١٩٠٨١٦.mp4/file
تم النشر الثلاثاء، ٢٦ مارس ٢٠٢٤
المهم انك تكوني عارفه أن الحجاب فرض ويكون عندك النيه انك تلبسيه وان شاء الله ربنا يهديك ومش معني اني عارف اني بعمل معصيه اني معملش طاعه لا اعملي حسنات كتير لان الحسنات يذهبن السيئات وربنا
تم النشر الثلاثاء، ٢٨ نوفمبر ٢٠٢٣
• أنا سأُقدم لكِ نصيحة كبداية إلى طريق إلتزامك ، حاولي أن تسعي لتحسين نفسكِ دينيًا تدريجيًا ، ولا تُشددي على نفسكِ مرة واحدة حتى لا تحدُث إنتكاسات وتعودي لنقطة الصفر ، الزي الشرعي لابُد أن يكون ساتر ، وفضفاض وبالطبع البنطال ليس منه فهذا حرام بيِّن ، من الممكن أن ترتدي چيبات ، فساتين ، مع تجنب وضع المكياج ، الخمار فريضة ، ولكن كُلًا منا يُجاهد على قدر سعته ، اسأل اللَّه أن يرزقكِ العفاف والثبات وترتديه بأمر اللَّه ، هل عدم إرتدائكِ الخمار مع استيفاء باقِي الشروط حلال أم حرام أنا لن أخوض في مثل هذا النقاش لأن هُنا ليس محل لهذا السؤال ، ونحنُ لسنا فُقهاء ، لكن أنصحكِ بأن تتقربي للَّه قدر استطاعتك والأهم المُداومة.
تم النشر الثلاثاء، ٢٣ يناير ٢٠٢٤
انا شوفت فديو كانت بنوته بتقول فيه لازم يكون لبس المرآه لا يشف ولا يوصف جسمك سواء بقي الحجاب طويل قصير او خمار او لبس بنطلون (واسع فضفاض) او فستان
تم النشر الخميس، ٣٠ نوفمبر ٢٠٢٣
https://www.islamweb.net/ar/fatwa/6745/الشروط-الواجب-توفرها-في-لباس-المرأة
تم النشر الاثنين، ٤ ديسمبر ٢٠٢٣
الخمار فرض قولا واحدا مفيش خلاف فيه،ووفرض معناه مش درجات وحسنات ، معناه جنة أو نار زي الصلاة كده.
تم النشر الاثنين، ٤ ديسمبر ٢٠٢٣
لعرض السؤال في فدني اضغط هنا