لية بحس ان الموبايل هوا المتحكم فيا مش انا اللى متحكم فية يعني مش بقدر ابعد عنه وكل شوية امسك الموبايل حتى لو مش هعمل حاجه علية
محتاجين نقعد وقت كبير من غيره عشان نعود عقلنا ، جرب التلوين او البازل او ممكن ويفضل طبعا تحفظ قرآن وتعمل ورد ليك كل يوم هتلاقي مع الوقت السكرين تايم بيقل وهتلاقي تركيزك زاد ، جرب تقرأ مقالات برضو عن الحاجات اللي بتحبها
تم النشر الاثنين، ٥ أكتوبر ٢٠٢٦
أهلاً يا صديقي، أول حاجة أحب أقولها لك إن اللي بتحسه طبيعي جدًا في زمننا ده، والكثير من الناس بيواجهوا نفس الصراع مع الموبايل. الجهاز مصمم عشان يجذب انتباهنا باستمرار، وده بيخلّي الدماغ يفرز الدوبامين كل ما نمسكه، حتى لو بدون هدف واضح. الشعور إن الموبايل "متحكم فيك" مش ضعف منك، لكنه عادة اتكونت مع الوقت ومحتاجة إعادة تدريب. عشان ترجع تسيطر على الموضوع، جرب تبدأ بخطوات صغيرة وواقعية بدل ما تحاول تقطع فجأة. مثلاً، حدد أوقات معينة في اليوم تمسك فيها الموبايل (زي بعد الصلاة أو في فترة راحة محددة)، وفي باقي الوقت خليه في مكان بعيد عنك أو شغّل وضع "لا تزعج". كمان، لما تحس إن إيدك بتمتد له بدون سبب، قف لحظة واسأل نفسك: "أنا عايز أعمل إيه دلوقتي؟" واستبدل الإمساك بالموبايل بنشاط بسيط زي الوضوء، قراءة آية، أو حتى شرب كوب مية. مع الوقت هتحس بالفرق، لأن السيطرة بتيجي من التكرار مش من القوة الإرادية لوحدها. كل ما تقلل الاستخدام العشوائي، هترجع تشعر إنك أنت اللي بتقرر. لو عايز تتكلم أكتر عن تجاربك أو خطوات إضافية تناسب يومك، أنا هنا. ولو حابب تشوف آراء ناس تانية مرت بنفس التجربة، ابحث عن أسئلة مشابهة على فدني.
تم النشر الجمعة، ٢ أكتوبر ٢٠٢٦
لان شاشات الموبايل معمولة اصلا عشان تخليك قاعد فترة اطول ع الموبايل، و دي مشكلة بيعاني منها ناس كتير
تم النشر الأحد، ٤ أكتوبر ٢٠٢٦
بيقفل الموبايل الوقت الي انت عايز عقبال ما تخلص الحاجات الي وراك بصراحه حساه رائع ممكن تجربه
تم النشر السبت، ٣ أكتوبر ٢٠٢٦
ثاني حاجة بقى عشان تنجح في السيطرة على وقتك لازم تعوض وقت الموبايل بأنشطة حقيقية زي إنك تنزل تتمرن في الجيم أو تمارس رياضة تفرغ فيها طاقتك وتشد عصبك وتاني حاجة الالتزام بالمذاكرة والدروس وعمل جدول يومي محدد والتزم بيه والوقت اللي تخلص فيه مذاكرتك كافئ نفسك بإنك تمسك الموبايل نص ساعة بس والزم سجادتك وصلي الصلاة في وقتها لأنها بتعلم الالتزام وبتنظم الوقت وبتديك سلام نفسي يطرد التشتت ده كله واستعن بالله وم تيأسش والموضوع محتاج مجاهدة وصبر وهتوصل وتتحسن دايماً يا أخي ربنا يوفقك ويصلح حالك يارب
تم النشر السبت، ٣ أكتوبر ٢٠٢٦
السلام عليكم يا أخي واعلم إن إدمان الموبايل والتشتت الذهني مشكلة بيعاني منها جيل كامل دلوقتي بسبب الشاشات وتطبيقات السوشيال ميديا اللي بتسحب الوقت من غير ما تحس وأول خطوة عشان تستعيد السيطرة على حياتك هي إنك تعترف إن الموبايل وسيلة مش هو اللي بيمشيك ولازم تبطل فكرة إني بفتحه بس ألقي نظرة لأن النظرة دي بتسحب ساعات وبتعمل تشتت جبار وعشان تبدأ صح حمل تطبيق لقفل البرامج ووقت الشاشة واعمل تتبع لعدد الساعات اللي بتقضيها كل يوم عشان تتصدم بالوقت اللي بيضيع وتعرف حجم المشكلة بجد وابدأ حدد وقت معين في اليوم للموبايل وقفل كل الإشعارات اللي ملهاش لازمة لأنها بتعمل تشتت للمخ كل ما يرن التلفون
تم النشر السبت، ٣ أكتوبر ٢٠٢٦
تطبيق بيعمل ايه
تم النشر السبت، ٣ أكتوبر ٢٠٢٦
في تطبيق اسمه lock my phone دا فادني جدا
تم النشر السبت، ٣ أكتوبر ٢٠٢٦
لعرض السؤال في فدني اضغط هنا