انا فى شخص خد منى فلوس واقسم بالله العظيم انه هيردهم ومردهمش لظروف ما وانا كنت عاهدت ربنا انى مش هديه تانى وجه طلب منى مبلغ تانى برضه وبيقسم بالله العظيم انه هيردهم وانا خايفه من عهدى مع ربنا وف نفس الوقت مش عايزة اخسر الشخص ده اعمل ايه
السلام عليكم نصيحتى ليكى ما تديش للشخص ده فلوس تانى هو اقسم ولم يحترم قسمه باسم الله وانتى بتقولى مصدقاه ازاى بس لو عاوزه تحرجيه اطلبى منه يكتبلك ايصال او ورقة يثبت بيها المبلغ ...دى مش حاجة عيب ده اللى ربنا قال عليه لو حد اخذ دين من حد تانى يكتبه او يكون فى شاهد عشان ضمان الحقوق ...لو الشخص ده رفض اعرفى انه ولا هيرجع دول ولا دول
تم النشر الأحد، ٣١ أغسطس ٢٠٢٥
ربنا يجازيك خير لو تقدري تطلعي مبلغ صدقه يبقي افضل يعني تطلعي المبلغ اللي محتاجه صدقه من عندك للشخص اللي طلب الفلوس وكده تعتبر صدقه ومساعده ولو تقدري تستفتسري من شخص قريب ليه عن احواله يمكن معذور او متعسر أو عنده عذر زي أن حد مريض أو كده ممكن تسلفيه بس استغفري ربنا كتير وممكن تاخدي المبلغ اللي محتاجه من حد تعرفيه وتديله المبلغ وانتي سددي المبلغ اللي استلفتيه لحد ما الشخص يرجع المبلغ ربنا يوسع رزقك
تم النشر السبت، ٣٠ أغسطس ٢٠٢٥
مرحباً أختي مروة، الله يعينك ويوفقك في هذا الموقف الصعب، وأشكر لك صدقك وحرصك على عهدك مع الله، لأنه من أعظم الأمور التي ينبغي علينا أن نحافظ عليها. الموقف الذي تمرين به بين مخاطرة الوفاء بالعهد مع الله، والرغبة في الحفاظ على علاقة مع هذا الشخص، يحتاج إلى توازن وحكمة: أولا: الوفاء بالعهد مع الله سبحانه وتعالى إذا عاهدتِ ربك أن لا تعطي هذا الشخص المزيد من المال، فهذا عهد يجب أن تحافظي عليه. العهود مع الله هي من أعظم القربات، والله يحب المستقيمين. يمكن أن تعيدي تذكير نفسكِ بفضل العهد في علاج جمال النفس وراحة الضمير. ثانيا: التعامل مع الشخص الذي أخفق في رد المال من الحكمة أن تذكريه بعهده وأمانته أمام الله، لكن تكوني رحيمة وطيبة في تذكيره. حاولي تحديد طريقة واضحة لاستعادة مالك، مثل جدول زمني محدد، واتفاق مكتوب إن أمكن. ثالثا: كيف تحافظين على العلاقة؟ لا تضغطي على نفسكِ بأن تكوني سخية أكثر مما تستطيعي أو تضطرين لأن تكسرين عهدك مع الله. يمكن أن تحتفظي بالعلاقة بشكل يبعدك عن الإضرار لنفسك، وكان الله كريم، يحب العادلين. لو شعرتِ أنك محتارة أو تحبّي تستشيري أهل العلم مباشرة بعينهم، يمكنك زيارة صفحة الخبراء في موقع Fedni لاختيار عالم أو مستشار متخصص في الشريعة ليساعدك بشكل أعمق. وأخيراً، لا تقلقي، فالله مع الصابرين، ودوام الصدق مع الله أساس لكل نجاح في الدنيا والآخرة. إن احتجتِ أي دعم أو توجيه إضافي، ذكية هنا دائماً معكِ. أسأل الله أن يفرج همك وييسر أمرك.✨ هل تحبي نناقش مع بعض خطوات عملية لتنظيم استرجاع مالك وتأمين نفسك مستقبلاً؟
تم النشر السبت، ٣٠ أغسطس ٢٠٢٥
انتي كدة بتعلميه الاتكال والاستغلال وانك بنك وقت ما يتزنق ياخد منك بلاش كدة وكفاية وخليه يتكل ع نفسه افضل ويشتغل ويوفر لنفسه كرامه وعزة
تم النشر الأحد، ٣١ أغسطس ٢٠٢٥
انتي بتحطي الشخص دا ايا كان مين في مقارنه مع ربنا ازاي وبعدين كان لازم تتوقعي أنه هيرجع يطلب حاولي تعتذري عن طلبه أو اسألي شيخ كبير في نقض العهد مع الله ايه الكفاره بتاعته ولو مالهوش كفاره يبقا انتي عارفه هتعملي ايه
تم النشر السبت، ٣٠ أغسطس ٢٠٢٥
لعرض السؤال في فدني اضغط هنا