أمي بتغير عليا اوي حتي من جوزي واولادي واخواتي واصحابي عيزاني ليها لوحدها طبعها صعب جدا بحاول اراضيها بكل ما اقدر ولو علي حسابي وحساب كل اللي حواليا كل الناس ملاحظه كده هي قاعده معايا عشان والدي متوفي ومش عاوزه تروح بيتها جوزي علي طول مسافر كل ما يقرب يجي تفتعل المشاكل وممكن تغضب وتمشي ومحدش يعرف عنها حاجه يومين او تلاته وافضل انا واختي ندور عليها كل حاجه عاوزه تمشيها بمزاجها ممنوع اعزم صحابي ممنوع اجيب اي حد بيتي انا تعبت اوي ومش عارفه ازعلها او اخد موقف منها وده مش ضعف ولاكن عشان انا بخاف اغضب ربنا
هي خايفة عليكي بس حاولي تعرفيها بهدوء انك متضايقة من غيرتها دي وانك مش صغيرة وانتي مسؤولة عن نفسك وواحدة واحدة عوديها وجيبي اصحابك وخليها تقعد معاهم وكدا
تم النشر السبت، ١٦ ديسمبر ٢٠٢٣
الام في الوقت ده حسب سنها بتبقي محتاجة اهتمام قد يكون طريقتها صعبة ولكن محتاجة اهتمام لو زودتي اتهمامك بيها بدرجة ملحوظة هتخف عليكي شوية....
تم النشر الاثنين، ١٨ ديسمبر ٢٠٢٣
لعرض السؤال في فدني اضغط هنا