انا رجل متدين ومحافظ على صلاتى وعلى حفظ القرآن وقيام الليل وبار بوالدى ومتزوج و سعيد فى زواجى واحب زوجتى وعندى اولاد ولكن عندى احساس داخلى اننى اريد الزواج من أخرى , وكان هذا احساس دفين عندما كان عندى ضيق فى ذات اليد , ولكن بعد ان وسع الله على فى الرزق هذا الإحساس يلح على بشكل شديد حتى أنني ابحث على الانترنت عن زوجة اخرى , واحاول كبت هذا الشعور ولكن بعناء شديد
السلام عليكم، أنا طبعا مليش حق أحكم على حضرتك أو أغلطك أو حتى أقول لك مينفعش تتزوج مرة تانية، لكن اللي شايفاه إن لما الإنسان يكون سعيد في حياته وملتزم بعلاقته بربنا لازم الشيطان يدور على مدخل ينغص عليه معيشته. فالوضع حاليا إنك متزوج وبتحب زوجتك وعندك أولاد وسعيد في زواجك يعني زوجتك مش مقصرة فإزاي الشيطان يترك الوضع ده من غير ما يوسوس لك عشان تخربه بيدك؟ *** مش بحرم الزواج التاني طبعا لكن خلينا نشوف كده إيه بيحصل حاليا مع أغلب الرجال اللي بتنتابها نزوة الزواج الثاني دون أسباب حقيقية، حالات كتير حصل إن الزوج مل بعد فترة واكتشف إن الموضوع مكنش مستاهل وطلق الثانية ورجع للأولى بس بعد ما يكون كسر قلبها أو عمل شرخ كبير في حياتهم. ممكن الثانية يكون طلقها ومعها أطفال وبدل ظلم أسرة ظلم اثنين. *** ولو زي حضرتك ما بتقول في تعليق ممكن تتزوج في السر، هل تتخيل زوجتك مش هتعرف في يوم مثلا؟ متخيل شعورها هيكون إيه؟ هل هيكون أفضل من لو عرفت دلوقتي؟ كل الحكاية بدل ما كانت هتغضب ويخرب البيت زي ما انت خايف دلوقتي هيتأجل الموضوع شوية وقت وهيكون أسوأ بمراحل لأن هتكون حاسة ساعتها بغدر وخيانة. ** كمان ذنبها إيه زوجتك، تكون مش مقصرة وبتسعدك وانت تروح تتزوج لمجرد خاطر بيلح عليك. غير إنك قلت نقطة مهمة، كنت بتفكر بس الوضع المادي كان مانع ودلوقتي فيه تحسن مادي... وده للأسف نفس اللي بيعمله كتير من الرجال... زوجته تفضل مستحملة أسوأ الأوضاع المادية معه ومضيقة على نفسها ومترضاش تطالب بحاجة عشان متضغطهوش وبعد ما الوضع يتحسن أول حاجة يعملها يتزوج عليها. هل ده عدل؟ *** الزواج دون علم الزوجة شرعًا لا يؤثر على صحة عقد الزواج لكن هل هو عدل للزوجة؟ ده مش نوع من الغدر والخديعة؟ مطلوب منك العدل في كل شيء حتى المبيت... هتقدر تعدل في دي إزاي في السر؟ هتكذب كل شوية عشان تبرر لها غيابك المتكرر ولا هتظلم الثانية في المبيت؟ فكرك زوجتك مش هتحس؟ بالعكس الزوجة بتحس وبتشك وبتتأكد بعد كده. فرضنا الزوجة الثانية مريضة أو مش بتهتم بنظافتها الشخصية، هل صح إن الزوجة الأولى تكون غافلة ومُستَغفلة وبيتنقلها أمراض من غير ما تعرف السبب؟ هل عادي لو فيه أولاد من الزوجتين ميعرفوش بعض ولا تكون بينهم صلة رحم؟ *** حضرتك محتاج تراجع نفسك، هل مجرد هاجس ملح كاف إنك تخرب حياتك السعيدة عشانه؟ هل يستحق تظلم زوجتك بسببه؟ ليه مطلوب من الزوجة تتحمل وتقاوم عشان تنجح الزواج وتحافظ على البيت لكن الرجل مش عنده استعداد يقاوم حتى مجرد إحساس مهما كانت صعوبته عشان يحافظ على البيت والأسرة؟ لو فيه سبب حقيقي كنت قلت لك معك حق تفكر لكن اقعد مع نفسك واسألها بصراحة هل فعلا يستحق ومستعد تتحمل النتائج مستقبلًا أيًا كانت؟ ** بعتذر لو طولت أو كلامي ضايقك في أي شيء. أرجو إن ربنا ينور بصيرتك ويهديك للخير لك ولأسرتك كلها.
تم النشر الاثنين، ١٨ أغسطس ٢٠٢٥
تقريبا دى غريزة وضعها الله فى الذكور حتى يرزقهم الله بأبناء اخرين السلام عليكم ورحمه الله وبركاته حضرتك قلت انه الاحساس ده كان احساس دفين حتى لو ما كانش فيه يعني سعة في المال تخليك يعني شايف انه ايه المشكله الحقيقه الجمله اللي حضرتك كتبتها دي في احد التعليقات على إجابه اخرى هي كانت السبب في الاحساس الدفين ده الدوافع اللي بتكون من جوانا هي جايه من أفكار او معتقدات متخزنه عندنا حتى لو كانت من زمن حتى لو كانت من بعيد حتى لو كنا قريناه مره واحده بس فالعقيده اللي موجوده عند حضرتك اللي بتقول انه الطبيعه الذكوريه أو الخلقه اللي خليق عليها ربنا الغريزه الخاصه بالذكور ان هم يكون عندهم دافع لجلب نسل من صلبهم او إنجاب اولاد لإعمار الارض وكذلك فلذلك ربنا كان يبيح الزواج من أكثر من امراه وبعد كده اتحدد اربعه فقط في القران اخر كتاب منزل فالعقيده دي واللي حضرتك فاهمه كويس قوي هنا هو كان السبب في ده انك شايف نفسك أنا ازاي معنديش الدافعيه دي ما انا ربنا خلقني كده فايه المشكله؟
تم النشر الثلاثاء، ١٩ أغسطس ٢٠٢٥
السلام عليكم ورحمة الله، أخي الكريم، شكرًا لك على صدقك ومشاركتك هذه المشاعر بكل وضوح وأمانة. من الرائع أنك متدين ومحافظ على صلاتك وقيامك، وأنك تحب زوجتك وتحرص على بر الوالدين، وهذا يدل على تمسكك بالقيم الإسلامية السامية. بالنسبة لإحساسك برغبة الزواج من أخرى رغم سعادتك في زوجتك الحالية، هذه مشاعر قد تتكرر عند بعض الرجال لأسباب مختلفة، ولا يعني بالضرورة وجود خلل في علاقتك الزوجية أو تقليل من محبتك لزوجتك. إليك بعض النقاط التي قد تساعدك في التعامل مع هذا الشعور: التحليل الذاتي: حاول أن تتأمل عما إذا كان هذا الشعور نابعًا من فراغ عاطفي أو نفسي أو مستجدات في حياتك، مثل زيادة الرزق أو تغييرات في حالتك الاجتماعية أو النفسية. أحيانًا الرغبة في تعدد الزوجات تكون تعبيرًا عن حاجة داخلية أعمق لم تُلبَّى. التوازن بين الشهوة والعقل: الإسلام يسمح بالزواج من ثانية، لكنه يضع شروطًا صارمة للعدل والإنصاف، وهو أمر ليس بسيطًا على الإطلاق. لذلك، قبل التفكير في قرار من هذا النوع، يستحسن أن تكون صادقًا مع نفسك ومع الله في موضوع العدل والمسؤولية. التفريغ الروحي: استمر في الرقّة إلى الله بالدعاء والاستغفار، وذكر الله ومراجعة النوايا بصدق. قد يكون هذا الشعور اختبارًا من الله ليقوّي إيمانك ويزيد من مراقبتك لله. المناقشة مع عالم دين أو مستشار متخصص: قد يفيدك كثيرًا التحدث مع شيخ أو مستشار نفسي متخصص لديه رؤية دينية لكي تساعدك في فهم حالتك بشكل أعمق وبأسلوب متوازن. مراجعة نمط الحياة: أحيانًا السعي الدائم وراء شيء جديد يأتي من الضجر أو الملل، فحاول أن تملأ حياتك بعبادات، نشاطات عائلية، أو أهداف روحية أو مهنية تُشبع نفسك. كن حذرًا من التصفح والإغراءات: الانترنت قد يزيد هذا الشعور بسبب كثرة الإعلانات أو الصور أو الأفكار التي تحفز الشهوة، فحاول أن تحدّ من هذه الأمور وعدم تغذية الشعور السلبي. إذا كان لديك رغبة حقيقية في الزواج من ثانية برغبة صادقة وبنية سليمة، فالأفضل أن تكون على وعي تام بكل التبعات والحقوق والمسؤوليات، ونصحتي أن تتوجه إلى أهل العلم الموثوقين ليشرحوا لك الأمور بشكل مفصل. ولا تتردد في البحث هنا في فدني عن تجارب وآراء أو استشارة خبراء في الزواج والأسرة عبر صفحة الخبراء https://www.fedni.net/experts أنا ذكية هنا دائمًا لأقف معك وأساعدك بما أستطيع، وأتمنى لك الخير والتوفيق في كل خطواتك. هل ترغب أن أساعدك في مساحة أخرى تتعلق بهذا الموضوع؟
تم النشر الاثنين، ١٨ أغسطس ٢٠٢٥
ممكن اخى عبد الله، ربنا ييسر، بارك الله فيك
تم النشر الثلاثاء، ١٩ أغسطس ٢٠٢٥
عموما هو حقك لكن متتسرعش لأن يمكن يكون من الملل والروتين أو ضغط الشغل حاول تغير جو تروحوا مطعم مثلا او لو تشترك في جيم فده هيسعدك
تم النشر الثلاثاء، ١٩ أغسطس ٢٠٢٥
غصب عنى والله يا اخي , تقريبا دى غريزة وضعها الله فى الذكور حتى يرزقهم الله بأبناء اخرين , يمكن مكتوبلى يكون عندى ولاد تانيين , والله بغض بصرى ومابتعملش فى شغلى الا مع الذكور , لكن فيه دافع شديد بداخلى بيدفعنى لذلك , وخايف اقولها بيتى يتخرب ويحصل مشاكل , فغالبا الموضوع لازم يبقى فى السر ( عنها)
تم النشر الاثنين، ١٨ أغسطس ٢٠٢٥
طيب أسأل نفسك سؤال هل فيه دافع للزواج مره اخرى يعني فيه بيتزوج علشان الأولاد وفيه بيتزوج علشان عدم نضافه المرأة لاكن ده حقك يعني لو خفت علي نفسك نظره بره للحرام تزوج بالثانيه عادي لاكن لازم تفكر بعد الزواج أن المرأة الأولي دي اكتر واحده تحملت إلي أن فتح الله عليك ولازم تكون قادر أن تعدل بين الاثنين لو مش هقدر تعدل بلاش
تم النشر الاثنين، ١٨ أغسطس ٢٠٢٥
لعرض السؤال في فدني اضغط هنا