انا شاب لسة في البداية و كل شيء فجأة تقلب ضدي و مش لاقي حل و كل ما أخرج من مشكله الاقي الثانية علطول و حاليا بحاول اكون نفسي بألف روايات و اغاني و بحاول انشرها و اعمل جمهور برضو مفيش فايده مهما احاول محدش يهتم متشتت و محتار مش عارف اعمل ايه @Eman Ebrahem
في البدايه خليني احييك جدا على اصرارك انك تكون نفسك انك تثبت نفسك وانك تقدر انك تبني نفسك وتشوف الجانب المميز فيها. ممكن تكون مريت بظروف كتير اتسببت ان الدنيا تكون مش احسن حاجه معاك. وده اللي سبب لك حاله التشتت والتضييق اللي بتمر بيها. وحاله ان انت مش لاقي نفسك . خليك دائما مع احساسك الداخلي. شوف انت حابب ايه شوف انت شايف نفسك في ايه واعمله ما تستناش رأي حد ما تستناش تكون مع حد ممكن تكون في الفتره دي محتاج دعم نفسي محتاج حد يكون جنبك فلو في صديق مقرب ليك او حد انت بتحبه وبتحب انك تتناقش معاه او تشاركه. خليه يشاركك افكارك اللي جواك الموضوع هيفرق معاك جدا فتره انك تلاقي نفسك اكيد بتكون محتاج دعم نفسي كبير . ممكن يكون معاك لايف كوتش وده هيساعدك ويدعمك لحد ما توصل للمرحله اللي انت نفسك تحققها. بس ارجوك ما توقفش.
تم النشر الخميس، ١ يناير ٢٠٢٦
استمر انت انسان موهوب وهتوصل طول ما انت عندك صبر وإرادة قويه
تم النشر الخميس، ١ يناير ٢٠٢٦
بص يا سيدى انت هتجيب ورقه وقلم وتكتب اكتر حاجات انت بتعرف تعملها وشايف انك ناجح فيها وتبدأ تعملها واكتر حاجه شفت انك ناجح فيها تكمل فى طريقها وربنا يوفقك ويرتبلك امورك بأمر الله انت اعمل حاجه واحده عشان متتشتتش لما تبقى متأكد انك بقيت مطقنها تقدر تعمل حاجه غيرها
تم النشر الاثنين، ٥ يناير ٢٠٢٦
ليه مستني راي الناس فيك وعلطان رايهم اعمل اللي بتحبه خرج احاسيسك ومشاعرك وترجمها كلمات تتقري ماتستناش راي حد عامل بس ربنا استني رضاه هو بس
تم النشر الجمعة، ٢ يناير ٢٠٢٦
{ان تنصروا الله ينصركم}
تم النشر السبت، ٣ يناير ٢٠٢٦
مسمهاش كل حاجه اتقلبت ضدي اسمها ربنا بيختبر صبري واكيد لازم نكون فاهمين ان اللي ربنا بيحبه بيبتليه ويشوف مدى صبره وايمانه كل مخلوق عنده مشاكل بس بتفرق في التعامل معاها عشان كده بنحس ان في ناس كتييير معندهاش مشاكل بس بالعكس هما يمكن تكون مشاكلهم اكبر من مشاكلنا بس صابرين وعندهم يقين تام بإنهم لو حاولوا يتخطوا ربنا هيعوضهم لان اي حاجه بتتبني من غير مشاكل وصعوبات صدقني بتتهدم بسرعه اكيد انت قد المشاكل دي صح •••؟؟؟
تم النشر الجمعة، ٢ يناير ٢٠٢٦
انا كمان حاسه اني فشلت في دراستي وبرضو مقدرتش مسعاش وكتبت روايه والتانيه وكان أكبر عدد بيشوفوها 1000 بس ميغركش العدد لانو الي كانو بيقروها ميعدوش ال15شخص وحاليا قلت هبدأ اطور منهم تاني احاول وهعمل اعلانات اكتر لو متعرفهاش هي زي يعني فيديو فيه احداث للروايه عشان تشد الناس
تم النشر الجمعة، ٢ يناير ٢٠٢٦
لعرض السؤال في فدني اضغط هنا