ما هو علاج الطفل العنيد
الطفل العنيد هذا مسمى خاطئ تمامًا، هو ليس طفلًا عنيدًا، بل هو طفل ذات شخصية قوية، ومن ثم فنحن في حاجة لهندلة هذه الشخصية دون كسرها أو إضعافها ... والحل يتمثل في عدة نقاط، وهي: القواعد العامة لكل تفصيلة في حياة الطفل والعائلة، والمحددة بشكل مسبق مشاركة بين ولي الأمر والطفل. النقاش الهادئ القائم على الإقناع وضع خيارات محددة يقبل بها الوالدان، ويتاح للطفل الاختيار بينها فيصله شعور أنه من اتخذ القرار من الأساس. روتين ثابت ليوم الطفل يجعل الصدام أقل. الاتفاقات المسبقة قبل الأحداث المتوقع حدوث عند فيها وشجار بين الطفل وولي الأمر، كقبل الخروج من المنزل مثلًا يتم الاتفاق على ما سيفعل خارج المنزل والأشياء المسموح بشرائها مثلًا وغير المسموح بشرائها وهكذا
تم النشر الاثنين، ٥ يونيو ٢٠٢٣
الطفل العنيد يتم التعامل معه بثبات الموقف وبوضع اختيارات دائما. ١. لما نقول على حاجة لا ...نفضل على لا مهما حصل ...وبكل هدوء وبدون عصبيه قدامه ..احنا مش هناخده ند بالند قصادنا. ٢. لما يطلب طلب منردش فى وقتها ونطلب منه ينتظر وقت لحد ما نفكر. ٣. لما يصرخ او يعيط بهدف انه ياخد اللى هو عاوزة ...نثبت على جملة واحده ( لما تخلص عياط هقدر اسمعك وارد عليك ) ٤. وضع اختيارات دائما لانه لما بيحس انه ملزم بشىء بيعند.....تختار تلعب هنا او هنا ( لو حتى رد انه عاوز الاتنين ) نفضل نسأله على الاختيارات لحد ما يختار . الطفل العنيد بيحتاج حد حازم وثابت قدامه ...لو عرف انه فى مرحلة ما هيعرف يغير الامور لصالحه هيستمر فى عنده الى ما شاءالله
تم النشر الثلاثاء، ٦ يونيو ٢٠٢٣
ياريت طبعا تفاصيل شوية الطفل عنده كام سنة؟ وايه صورة العناد اللي من وجهة نظرك؟ ولكن لو هنتكلم بشكل عام .. أحيانا الطفل بيكون حابب يظهر شخصيته، يمكن يكون من وجهة نظرك عناد، ولكن هو بيكون عايز يستقل بنفسه، حابب يعمل الحاجه الفلانية ديه بنفسه، من غير مساعدة ف بيحب يستكشف الحاجه بنفسه، واحيانا ممكن يكون بيعند معاكي علشان هو بيرفض بعض الاشياء اللي انتي مثلا بتقولي له اعمليها، ممكن تكون مش مناسبة له، ممكن يتكون الحاجات ديه بتضغط عليه بشكل ما، ف بيبدأ هو يعبر عن رفضه بالشكل ده. ف لو بصيتي للموضوع من الناحية ديه هتلاقي ان الموضوع ايجابي .. لان الطفل حابب يعبر عن رفضه لو الطفل مسالم جدا وبيسمع الكلام بشكل دائم .. هيخلق منه شخصية مش قادرة تعبر عن اي شئ، معندوش قابلية انه يرفض. ولكن فيه حاجات ممكن تعمليها برضه بشكل عام مع الطفل .. عززي ثقته في نفسه، بلاش نقد بصورة مستمرة فيه، ف حاولي تحولي الاشياء السلبية ل ايجيابية . بلاش تلوميه او تقارنيه بحد بتاتا .. ده هيخليه طول عمره ديما هيقارن نفسه بكل اللي حواليه. بلاش تحكم وتسلط بدون ما تفهميه هو بيعمل كده ليه، فهمي الطفل انت بتعمل كده علشان كذا .. وكذا .. لازم يفهم قبل ما يعمل الشئ ده. بلاش زعيق كمان، اتكلمي معاه بهدوء كل حاجه ممكن تحل بهدوء .. الزعيق مش هيجيب نتيجة وهيعند اكتر . لو بيتكلم خلي تركيزك كله معاه .. اسمعيه .. اسمعيه في كل وقت واخلقي حوار معاه، لو حس انه بيتكلم وانتي مش مركزة معاه هيحس انه مش مهم، لو بتتكلمي في الفون استأذني ل اللي بتتكلمي معاه واسمعيه، علشان يحس انه اهم حد عندك. امدحيه كتير .. اي حاجه كويسة يعملها امدحيه عليها، وكافئيه كمان . شاركيه في نشاطاته .. بيلعب .. بيرسم .. بيعمل اي حاجه خليكي معاه وشاركيه. لو عايزة تعززي اي حاجه فيه القيم، او النصائح او غيره .. احكي الشئ ده من خلال قصة، حكاية . عبري عن حبك ليه. اتمنى اكون افادتك بعض الشئ
تم النشر الأحد، ٤ يونيو ٢٠٢٣
ممكن تفاصيل أكثر لصور عناد الطفل وسنه لتحصل على إجابة مفيدة؟
تم النشر الأحد، ٤ يونيو ٢٠٢٣
• كم عُمر ابنك ؟
تم النشر الخميس، ٢٥ يناير ٢٠٢٤
خده بالهداوه والمسايسه عشان لو جربت العنف هيزيد اكتر
تم النشر الاثنين، ٥ يونيو ٢٠٢٣
على حسب عنده كم سنه
تم النشر الاثنين، ٥ يونيو ٢٠٢٣
لعرض السؤال في فدني اضغط هنا