السلام عليكم ورحمة الله و بركاته
احنا عندنا ضيوف جايين من البَلد، هما بنات خالتي بس دايما بتحصل منهم مواقف بتضايق زي مثلا يتريقوا على العيش لو هو ف مره بايت او حاجة او انهم مثلا يبقوا قاعدين جنب بعض ويفضله يتكلمو مع بعض بيودودا بعض كده ف قدمنا ويفضله يضعحكوا غير التعابير الي بتكون على وشهم بجد، مش عاوزة اغتابهم بس عاوزة الامور توضَح ليكُم ونا مش ملاك ف تصرفاتي بس انا على قد ما اقدر لازم اكرم الضيف، حصلت مشكلة فَ بعد ما الأمور هديت شويةة الاتنين كانو قاعدين قدامي وبنت فيهم اتكلمت علينا بطريقةة مش كويسةة تمام ف انا قولتلها عيب متتكلميش كده قدامي ف هيا قالت لو مش عجبك الكلام قومي اطلعي بره قولتهلها لاء الاوضة اوضتنا وانتو الي ضيوف ف لاحظت انها اديقت ف الكلام جبنا لو انا جيت عندهم هيعملوني ازاي الي هو هنعملك بطريقة مش حلوه قولتها متفكريش ان انا اساسا ممكن اجي عندكم ف الدنيا هديت الى حدٍ ما ف البمت الكبيرة قالت حاجة الي هو احنا حيلا ضيوف ففَ كنت عاوزة استفسار هو لي محدش بيشوف اخطائو ليه مش بنبص على الفعل الي عملناه يخلي الي قدمنا ياخد رد الفعل ده
انا عارفة اني كان ممكن امسك نفسي بس محبتش حد يتخطى حدوده معايا خصوصا ان البنت الكبيرة موجهتش للأصغر منها اي كلام ولا انها تحترم نفسها ولا حاجةة
ممكن يكون كلاكي متغلبط بجد شويةة او ممكن محدش يفهمني بردك
أنا فاهمة قصدك يا حبيبتي وعارفة إن الموضوع ده بيضايق. الضيوف مش هما اللي بيحددوا الأدوار في البيت. أنا مش بقول إن اللي عملتيه غلط، بس في نفس الوقت ممكن كنا اتعاملنا بطريقة تانية. مش لازم نرد على كل كلمة أو ندخل في مشاكل مع حد. أهم حاجة إننا نحافظ على كرامتنا ونوضح وجهة نظرنا باحترام. يمكن كان الأفضل لو قولتيلهم بهدوء إن ده بيتنا وإننا مش مستعدين نسمع أي كلام مش محترم. بس خلاص اللي فات مات، المهم إننا نتعلم من الأخطاء دي. أكيد المرات الجاية هنعرف نتصرف بشكل أحسن. ما تزعليش نفسك كتير، وربنا يهدي الجميع.
تم النشر السبت، ١٥ يوليو ٢٠٢٣
حقك توقفى اى حد يتعدى حدودة زى ما الضيف ليه حقوق علينا وواجب نكرمه ....الضيف كمان عليه واجبات تجاه بيت المضيف . مش لازم نحرج الضيف باننا نفكره انه ضيف.....بس ممكن نحرجة باننا نقولهم مثلا ( انا متأكده انكم لما تضايفونا هتعملوا احسن من اللى بنعمله ) ومعلش يا بنتى راعى فرق البيئة لان اللى عندهم عادى غير اللى عندك عادى.
تم النشر الأحد، ١٦ يوليو ٢٠٢٣
فى كتاب أسمو التفكير السريع و البطئ قرأت فيه معلومه بتقول سهل على الإنسان إنو يلاحظ أخطأ غيره فده طبيعي جداً قليل من الناس اللي بتفكر بعقلانية و بتقول مع نفسها لا أنا غلط و لازم اعتذر بنسبة بقى للضيوف أول حاجه أحييك إنك وجبتي معاهم كل مره مع إنك عرفه إنهم ميستحقوش كوب من الماء دلوقتي علشان ميحصلش مشاكل بينك و بينهم تاني نقلل الكلام و الاحتكاك بيهم و لو بالجلوس قربهم يعني الضيوف وصلوا البيت استقبليهم أحسن إستقبال لو هتقدمي حاجه اقدميها و تقعدي معاهم 10 دقائق أو حتى لحد لما حد يجي يقعد من أهل البيت معاكي و تقومي متسأذنه و تخرجي مش شرط تقولي أسباب استأذني و قومي لو واحده منهم قالتلك لا اقعدي معانا و الكلام ده قوللها معلش أصل ورايا كذه أو افتكرت لازم أعمل كذه هخلصوا و أبقى أقعد معاكوا حاولي على قد ما تقدري مترديش عليهم حتى ولو شتموكي فى سرهم و أنتي سمعتيهم علشان فى الأول و الآخر هما ضيوف و الضيف واجب إنك تكرمه مش تهينه بالرد حتي و لو هو قليل الذوق بس.
تم النشر السبت، ١٥ يوليو ٢٠٢٣
استحملي لحد ميتوكلوا هما واضح انهم مش من النوعيه ال بتخفي حقدها فعتاب الكلب اجتنابه
تم النشر السبت، ١٥ يوليو ٢٠٢٣
لعرض السؤال في فدني اضغط هنا