السلام عليكم
انا اولى جامعه ومن اول يوم وانا اعجبت بشخص اكبر مني ف٣ المهم دا كان إعجاب من طرفي انا وهو اصلا ولا مهتم بجد بحس اني بهدر وقتي وحبي ع الفاضي ف المقابل هو مش مهتم نهائي حاولت انساه بس مش عارفه ممكن نصيحه❤️
و عليكم السلام، حب من طرف واحد اصعب احساس على الواحد ، فكرتيني بتحربتي الشخصية في الموضوع ده و اللي كانت مش لذيذة إطلاقا و مؤلمة لأبعد الحدود ، و يمكن اكتر تجربة مؤلمة مريت بيها في حياتي ، فأنا هنصحك بناء على تجربة شخصية فعلية ، الحب من طرف واحد ما هو إلا اعجاب تحول بفعل خيال المعجب إلى حب غير مشروط ، يعني من الاخر شوفتي واحد لا تعرفيه ولا يعرفك عنده شكل و كاريزما عجبوكي و شدك و خيالك اشتغل ، هيئلك مواقف بينكم ما حصلتش أصلا فأتعلقتي بيه و حسيتي انك بتحبيه و أول ما تشوفيه دقات قلبك بتزيد ، و كل ده من غير ما يقدملك أي حاجه ولا حتى عارف بوجودك، فالموضوع بدايته و نهايته جواكي انتي بس مش عند حد تاني ، و المطلوب منك هي انك تبعدي عنه ، عن شكله ، عن وجوده ، عن اماكن بيكون فيها ، عن صفحات السوشيال ميديا ، عن أي حد بيجيب سيرته ، وانتي طبعاً ما تسأليش عليه حد ،التعامل مع المشاعر دي بيكون نفس التعامل مع الإدمان ، علشان صدقيني ده أصعب من الإدمان ، و بالتوفيق 😊
تم النشر الأحد، ٢٢ مارس ٢٠٢٦
وعليكم السلام متحاوليش تنسيه انتي بس بلاش تتابعيه بلاش تشوفي اي حاجه تخصه على الشوشيال وبلاش حتى في الحقيقه، الموضوع بسيط ومع الوقت هتلاقيكي اصلا مبقتيش مهتمه بيه واشغلي نفسك ادخلي نشاطات اعرفي ناس جديده وكوني صحاب كويسين لأن في ناس كتير في الجامعه بيكون كل شغلهم الشاغل الارتباط والمشاكل المترتبه عليه وكل ده فانتي ابعدي عن الناس دي وشوفي ناس شاطره كده وانشطه وحاجات جديده هتلاقيكي بتتغيري وطريقة تفكيرك اصلا بتتغير مع الوقت ويمكن بعد شويه يبقى هو نفسه مش محل اعجاب خالص بالنسبالك وتستغربي ازاي كنتي كده اصلا بس متعمليش الموضوع حاجه كبيره جوا دماغك طالما مش بتعملي حاجه حرام وباعده نفسك عن سكك الارتباط وكل ده فالموضوع هين وهيبقى سهل تنسي اي حد بإذن الله هو بس متبقيش متابعاه في كل حته وعارفه عنه كل الاخبار وكل ده عشان طبيعي حتى لو هتنسيه بالطريقه دي مش هتعرفي وربنا يرزقك الشخص المناسب ليكي ويبقى كل حاجه بينكم متبادله بإذن الله
تم النشر الأحد، ٢٢ مارس ٢٠٢٦
بصي يا بنت الحلال إنتي لسه في أول طريقك والحياة قدامك واسعة أوي فما تضيعيش طاقتك وقلبك على حد مش شايفك. ربنا سبحانه وتعالى بيقول في كتابه الكريم وعسى أن تكرهوا شيئاً وهو خير لكم وعسى أن تحبوا شيئاً وهو شر لكم، فممكن جداً يكون البعد عنه هو عين الخير ليكي وإنتي مش واخدة بالك. وفري مشاعرك دي للي يستحقها وللي هييجي يطرق بابك في الحلال ويكون شريك حياتك بجد. اشغلي نفسك بمذاكرتك ومستقبلك وقربي من ربنا أكتر، وادعي دايماً ..اللهم علّق قلبي بك وحدك.. لأن القلب لما بيتعلق بغير الله بيتعب. اللي بيحبك بجد هو اللي هيسعى عشانك، فما ترخصيش نفسك في حب من طرف واحد بياخد من روحك ومن غير مقابل وجد والله ربنا يحفظك ويسعدك
تم النشر الأحد، ٢٢ مارس ٢٠٢٦
وعليكم السلام يا حبيبتي ❤️ أول حاجة، مشاعرك دي طبيعية جدًا في سنك ده، خاصة في بداية الجامعة اللي مليانة إعجابات جديدة. بس زي ما قلتي، لو هو مش مهتم، ده إشارة واضحة إن الوقت ده هيروح هدر لو فضلتِ تفكري فيه. الحب من طرف واحد بيوجع، بس اللي هيساعدك تنسيه هو التركيز على نفسك. نصائح عملية عشان تنسي: ابتعدي تمامًا: قللي التواصل أو النظر ليه قدر الإمكان، غيري روتينك في الجامعة عشان متشوفيهوش كتير. ركزي على دراستك وأهدافك: حددي هدف صغير كل يوم، زي "النهارده هخلص فصلين"، ده هيملى وقتك ويبني ثقتك بنفسك. املئي يومك بأنشطة مفيدة: مارسي رياضة خفيفة زي المشي، اقرئي كتب تحفيزية مفيدة أو انضمي لنشاط جامعي يناسبك. استعيني بالله: صلي النوافل، اقرئي قرآن يوميًا، وادعي ربنا يرزقك اللي فيه الخير. تذكري قوله تعالى: "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ". مع الوقت، هتحسي إن قلبك خفيف، صدقيني. لو عايزة نصائح أكتر، ابحثي في فدني عن "حب من طرف واحد" هتلاقي إجابات كتيرة، أو شوفي الخبراء هنا: https://www.fedni.net/experts – فيه متخصصين في التنمية الذاتية هيساعدوكِ. أنتِ قوية وهتقدري، ربنا يوفقكِ يا رب! 💪❤️
تم النشر الأحد، ٢٢ مارس ٢٠٢٦
كـ نصيحة من أخت، ركزي على دراستك واشغلي نفسك هتلاقي نفسك مش بتفكري بالموضوع نهائيًا، وصراحةً أنتِ لأزم تهتمي بدراستك وبلاش تشغلي نفسك بـ حاجة دالوقتي وهيكون أفضل ليكِ لو شغلتي نفسك فى حياتك جامد متسبيش وقت فراغ، وعليكِ بكثرة الإستغفار وإياكِ والدخول فى علاقة محرمة
تم النشر الأحد، ٢٢ مارس ٢٠٢٦
اكيد طبعا مستحيل ادخل والعياذ بالله لكن انا قصدي بحبه هو وحاسه اني بعمل حاجه غلط لمجرد اني بفكر فيه حاضر هعمل بنصيحتك❤️
تم النشر الأحد، ٢٢ مارس ٢٠٢٦
لعرض السؤال في فدني اضغط هنا