السلام عليكم ورحمه الله وبركاته
انا في تانيه جامعه كليه اداب ومش حابب القسم أو التخصص اللي انا فيه مش حابب الكليه اصلا وعايز استغل السنتين الفاضلين في حاجه تفيدني كفايه اني ضيعت السنين دي كلها من غير هدف
ف عايز ابدا اتعلم انجليزي ف ياريت حد يساعدني ابدا ازاي عشان المصادر كتير وانا مشت
وازاي اكون جاهز لسوق العمل بعد التخرج
السلام عليكم ورحمه الله وبركاته جميل جدا ان انت خلاص واضح مع نفسك انك مش حابب التخصص بتاع الكليه وشايف انك مش هتشتغل مثلا بالدراسه الاكاديميه اللي انت بتدرسها حاليا فلذلك اول حاجه محتاج ان انت تعملها تشوف ايه هي المجالات اللي انت ممكن تحب انك تبدأ دراسه موازيه فيها او تبدا تشوف انه ده المجال اللي انا حابب ان انا اشتغل فيه ويكون هو الجزء اللي انا هعتبره عمل ويكون هو مصدر الدخل بتاعي تحدد ده الاول فتشوف ايه هي المجالات اللي بالنسبه لك هنا هتبدأ تستكشف نفسك اولا ايه المهارات اللي انت ممكن تكون الحاجات أنت شاطر فيها او بتعملها بشكل مريح اكثر ما تحسش انك تنزل فيها مجهود اللي احنا ببساطه بنقوم مسميينها حته عندك شغف فيها فشوف انت بتحب الحاجات اللي فيها كمبيوتر ولا بتحب الحاجات اللي فيها تعامل مع الناس ولا بتحب الحاجات اللي فيها شغل يدوي ولا بتحب الحاجات اللي لها علاقه بالاداره يعني شوف ايه الجزئيه اللي انت بتحب تعملها ومن هنا ابدأ شوف كل انواع الشغل المتاح فوق العمل ليه علاقه بالحاجه دي وابدا اختار لنفسك اتجاه تتجه فيه ساعتها هتعرف ايه انواع الكورسات بقى اللي انت محتاج تاخذها علشان تبدا في دراسه المجال ده وعقبال ما تخلص ان شاء الله السنتين تكون يعني مؤهل بشكل كافي انك تبدا شغل على طول. النقطه بتاعت تعلم الانجليزي انا انصحك انك تتعلم بالطريقه الانسب ليك يعني شوف انت بتتعلم اكتر بايه بتتعلم اكتر بانك تسمع ولا بتتعلم اكتر بانك تتفاعل فمحتاج تحضر مع حد كورس يبقى قاعدين بتتفاعل مع شخص ولا ممكن تقدر تتعلم عن طريق الفيديوهات المسجله ولا تقدر تتعلمي انت لوحدك عموما في كذا طريقه وبما ان المصادر متعدده اختار الاول الطريقه الانسب ليك واختار مصدر واحد وأيا كان حتى لو مش ده احسن مصدر ولكن التزامك في مسار التعلم هو اللي هيخليك تتعلم يعني خلينا اقول لك انه ايه الانجلش أو أي لغه ثانيه غير اللغه الام معتمده على الممارسه فمش مهم انت تمارسها ازاي المهم ان انت تلتزم في مسار الممارسه دوت وتحقق لنفسك ممارسه تكون مستمره طول الوقت مش تبقى الاسبوع ده بتمارس والاسبوع الجاي مفيش ده الشهر ده انا اه ذاكرت شويه انجليزي الشهر الجاي مفيش لا كده ده مش التزام ده اللي هيساعده فايا كان المصدر اللي هتنقيه خليك ملتزم قصاد نفسك مسار تمشي فيه لحد ما تلاقي نفسك فعلا بتتطور وتوصل لحاجه ربنا يوفقك ان شاء الله.
تم النشر الثلاثاء، ٢٧ مايو ٢٠٢٥
وعليكم السلام ورحمة الله وبركاته، أحمد! أولًا، أحب أقول لك إنك مش لوحدك، كثير ناس بتمر بنفس المرحلة دي في الجامعة، خاصة لما يحسوا إن التخصص مش مناسب ليهم أو ما بيحققش طموحاتهم. لكن الحمد لله إنك عندك وعي ورغبة حقيقية في التطوير، وده أهم خطوة. هنقسّم كلامي لحاجات تفيدك في رحلتك: تعلم اللغة الإنجليزية بشكل فعّال: ابدأ بتحديد هدف واضح: هل عايز تتعلم إنجليزي للمحادثة؟ للقراءة والكتابة؟ أم لسوق العمل تحديدًا؟ ممكن تبدأ مع تطبيقات مرنة زي Duolingo أو Memrise، عشان تبني قواعد اللغة والكلمات الأساسية. لكن عشان تطور مستواك بشكل أسرع، أنصح تدمج بين تعلم القواعد، المحادثة، والاستماع. ممكن تشوف فيديوهات على يوتيوب متخصصة مثل "Learn English with EnglishClass101" أو قنوات عربية تقدم شرح مبسط. حاول تمارس اللغة يوميًا حتى لو ربع ساعة، وابدأ بكتابة جُمل، التحدث مع نفسك، أو مع ناس لو تقدر. لو تحب، تقدر تلاقي دورات أونلاين مثل Coursera أو Udemy تركز على التحدث والمهارات العملية. استغلال سنوات الدراسة المتبقية: رغم إنك مش راضي عن التخصص، حاول تلاقي كورسات أو معلومات على الإنترنت بتغطي مهارات عامة مطلوبة في سوق العمل مثل مهارات الإدارة، التسويق، الحاسب الآلي، أو مهارات التواصل. خلي عندك هدف تعلم مهارة تقنية أو مهنية بسيطة مثل التصميم، البرمجة، أو حتى التسويق الرقمي، حسب ميولك. استغل الڤيديوهات والمحاضرات المجانية على الإنترنت، وابحث عن شهادات معتمدة تزيد من قيمتك عند التخرج. التحضير لسوق العمل: ابدأ بتعلم مهارات كتابة السيرة الذاتية وخطاب التقديم (Cover Letter) بطريقة محترفة ان شاء الله. طوّر مهارات التواصل والعرض، لأن دي أهم حاجات للشغل. حاول تبحث عن فرص تدريب أو تطوع حتى لو مكتبك الحالي فيها مجال مختلف، لأن التجربة مهمه جدًا. استخدم منصات التوظيف زي LinkedIn وطوّر حسابك هناك. فكّر في تطوير مهاراتك التقنية أو اللغوية لأن دايمًا السوق بيركز على اللي عندهم مزيج مهارات. نصيحة روحية ونفسية: أهم حاجة تذكر إن النجاح مش بس شهادة، النجاح هو اللي بتحس بيه في نفسك من تقدم وتطوّر، وحتى لو تأخرت شوية ما فيش مشكلة. استغل مرحلة الثانوية الجامعية دي كفرصة تخطيط، ممكن تغير توجهك بفظل الدعاء والتوكل على الله، وعيّنك على اللي تقدر تقدمه. لاتنسى توسّل للدعاء لله سبحانه وتعالى في اختيار الطريق المناسب، ويقويك تصبر وتثابر. لو حابب، ممكن تتابع قسم الخبراء في فدني، في متخصصين كثير ممكن يقدموا لك دورات واستشارات تساعدك تركز بشكل أفضل. وأيضًا، ابحث في فدني عن أسئلة وخبرات ناس مروا بتجارب مشابهة ليك، دايمًا الرحلة أبسط لما تعرف قصص ناس زيك. لو حابب، ساعدني أعرف أكثر عن مهاراتك، ميولك، أو الوقت اللي ممكن تخصصه يوميًا للتعلم عشان أساعدك أضع لك خطة بسيطة مناسبة. ربنا يوفقك ويوسع رزقك ويهديك لطريق النجاح! تقدر تبدأ بخطوة صغيرة النهاردة، وكل يوم خطوة. 🙂
تم النشر الاثنين، ٢٦ مايو ٢٠٢٥
ابلكيشن ذا امريكان انجلش بتاع ابرهيم عادل وشوف قناته ع اليوتيوب بجد هيفيدك جدا وكمان احمد ابو ذيد
تم النشر الاثنين، ٢٦ مايو ٢٠٢٥
ممكن أمريكان انجلش لإبراهيم عادل وانجليزي شوارع مع اسلام
تم النشر الأربعاء، ٢٨ مايو ٢٠٢٥
الأمور بسيطة ان شاء الله انت محتاج تصارح نفسك هل انت فعلا مش حابب الكلية ؟ ولا الموضوع فقدان شغف لأن لو فقدان شغف فأنت هتكون فاقد حتى في الإنجليزي والله يوفقك
تم النشر الثلاثاء، ٢٧ مايو ٢٠٢٥
لعرض السؤال في فدني اضغط هنا