السلام عليكم ورحمه الله وبركاته
انا شاب ٢٠ سنة من قرية متشددة من صعيد مصر مشكلتي اني زي ما بيقولوا كدا دماغي مقفلة شوية انا بدرس في كلية الطب وطبعا طالما دكتور يبقى لازم اتجوز دكتورة وانا رافض تماما فكرة اني مراتي تشتغل انا رافض انها تطلع بره البيت اصلا وصراحة حرام اني اتجوز دكتورة واخليها تقعد في البيت بعد المعاناة اللي بنشوفها في الدراسة دا إن لقيت دكتورة اصلا ترضى بكدا ،
عشان كدا انا ناوي اني اتجوز من كلية صيدلة عشان حتى لو قولتها انها هتقعد في البيت تراعي العيال مترفضش ومش هبقى شايل ذنبها لأن أغلبية الصيادلة مش بيشتغلوا ولو حابة تفتح صيدلة انا ممكن افتحها صيدلية ف اوضه في البيت وانا اشتري منها وعيالنا في المستقبل برضو الفكرة اللي انا بتكلم عنها اني عندي مشكلة التملك يعني عايزها ليا لوحدي يعني مش عايز حد يشوفها ولا يسمع صوتها ولا اي حاجه فا انا مش عارف دا طبيعي ولا لا وهل ممكن الاقي وحدة ترضى بالوضع دا
و عليكم السلام ورحمه الله وبركاته تلاقي وحده ترضى بالوضع ده ، اكيد فيه ، العالم كبير و فيه شخصيات و صفات كتيرة جدا ، اكتر حتى من اللي احنا نعرفها او سمعنا عنها، ترضى بده و تكون في كلية معينة ، لو ده تفكيرك يا صديقي فنصيحة من اخوك حاول تعيد حساباتك تاني و ترتب اولوياتك ، هل الاولولية للي ترضى بده و تصونك ولا الاولوية للمؤهل العلمي ، المؤهل العلمي مش هيفيد ولادك ، مش هيصون بيتك ، مش هيدبر امورك المادية ، مش هيعلمهم الدين بطريقة سلسة و يحبيهم فيه ، مش هيكون حنين عليك و احنا الرجالة بنحب الحنية اوي ، فمن رأيي عيد نظرك في ترتيب اولوياتك لشريك حياتك ، علشان عندك تضارب في الاولوليات ، و بالتوفيق 😊
تم النشر الأحد، ٢٢ مارس ٢٠٢٦
وعليكم السلام ورحمة الله ااه طبيعي اي واحد عايز مراته ليه لوحده... ومش شرط تخدها دكتوره... عادي تكون متعلمه ومخلصه دراسه بس متشتغلش.. تبو متفقين علي كدا قبل اي حاجه.. طبيعي الواحد يغير وكدا... وعايز واحده تخلي بالها من البيت من الأطفال.. منو كدا يعني
تم النشر الاثنين، ٢٣ مارس ٢٠٢٦
وعليكم السلام ورحمة الله وبركاته يا أخي الغالي، أشكرك على ثقتك وصراحتك، وأنا فاهمة تمامًا اللي بتمر بيه.. الثقافة في الصعيد والقرى المتشددة بتزرع في الشباب زيك حب التملك ده بشكل قوي، وده جزء طبيعي من الغيرة الرجالية اللي الإسلام بيمدحها، بس لما تبقى مفرطة زي "مش عايز حد يشوفها أو يسمع صوتها"، ممكن تكون ناتجة عن خوف داخلي أو تجارب سابقة، وده مش مرض، بس يحتاج توازن عشان الزواج يسعد. هل طبيعي؟ نعم جزئيًا، خاصة في سن ٢٠ وبيئتك، بس الإسلام بيحدد حدود: الزوجة لها حقوق زي الخروج للحاجة (مع الحجاب والستر)، والعمل إذا ما ضَرَّ الزوج أو الأولاد. لو هي راضية تمامًا، خلاص، بس الإكراه حرام. هل هتلاقي وحدة ترضى؟ أكيد، في بنات كتير في الصيدلة أو غيرها بيشاركن قيمك المحافظة، خاصة في الصعيد. خطتك مع الصيدلية في البيت فكرة ذكية وعملية! بس خليك واقعي: ابدأ بـ: طور نفسك أولًا : اقرأ كتب زي "رجال من المريخ" عشان تفهم الغيرة وتحولها لثقة. مارس الرياضة والصلاة عشان تهدي دماغك شوية 😊. ابحث صح : في محيطك وعبر أهلك، حدد معاييرك بوضوح من الأول (زي "عايزها تقعد في البيت")، وشوفي رأيها عن عمل المرأة. تواصل مفتوح : قبل الخطوبة، ناقش معها كل حاجة بصراحة. لو عايز دعم أكتر، شوف الخبراء في https://www.fedni.net/experts، في متخصصين في الزواج والنفسية هيساعدوك. أنت شاب طموح في الطب، هتوصل للي عايزه إن شاء الله، بس بالصبر والتوازن. ربنا ييسر أمرك ويختارلك الخير! 💪
تم النشر الأحد، ٢٢ مارس ٢٠٢٦
بصراحه انت صح وغلط في نفس الوقت الصح من ناحيه انك مش عاوز تعبها يروح علي الفاضي وعاوز بنت محترمه وكويسه بس الجانب الغلط عنك هو التملك مينفعش اصلا تتحكم في انسان كل انسان وليه طاقته بالذات اما تمنعها تتكلم مع حد هو اهاا في حدود بس كل اللي اعرفه عن الناس اللي عندها حب تملك انها بتخسر الحاجه اللي معاها لأن طبيعي البنت اللي هتكون معاك من كتر التملك هتزهق منك حتي لو بتحبك حاول تغير نفسك بس في النقطه دي لاكن خليك زي ما انت بحدودك في الأدب والإحترام اللي عاوزها تكون عليه وغير طبعك دا وتغيره صعب شويه بس هيحافظلك بعد كدا علي اللي بين ايديك
تم النشر الأحد، ٢٢ مارس ٢٠٢٦
هو لو فكرنا بمنطق شويا أن الست متشتغلش. حضرتك بتدرس لسه فكليه الطب دكتور يعني مستقبلا لو بطل يلتحق بكليات طب كوادر من نساء معلش زوجتك دي مش هتكشف علي راجل واي ست لتختار مجال دا وكلما علي درايه بصعوبته فدي اصلا دخلاه ابتغاء مرضاه الله وان تدفع الحرج عن الامه ان حد ميكونش مستهلك وان دورها يقتصر علي رعايه زوج وأطفال طب اي مشكله هي اصلا فطرتها هتخليها تفكر فاطفلها الاول وجود الست فمختلف مجالات هي بتعف ست تانيه. لو هي طبيبه سيبها تمارس مهنتها انت محتاج حد متفرغ تاخد حد كدا بس وارد تلاقي بنت ترضاها دين وخلق بس بتشتغل فهتبقي دي مشكله. غير نقطه بجد هتاذيك انت ان هي مش تصور وردي أن كدا هتبقي احسن أن ضغط اقل بالعكس. ولو فكرنا فتحته انا يشوفها وكلنا بنشوفها بعد عمر طويل للزوج ممكن بتوفير سعتها حتي معاها شهاده بس حرفيا تبقي ملطشه لمجرد أنها ربه منزل واي الي هيجبر حد معلش أنها بتحبك معلش ما اكيد بيبقا في نسخ احسن مننا اي الي هيخليها تختارك بتحبك فهتضحي. طب لي في تضحيه اصلا. لو رجعنا لزمن سلف الصالح الي هما قدوتنا كانت زوجات النبي صلي الله عليه وسلم كانو صحابه بيسئلوهم في أمور الدعوه في اكتر من دا وربنا ينور بصيرتك ويكتب لك الخير
تم النشر الثلاثاء، ٢٤ مارس ٢٠٢٦
شوف انا برضو في طب وهقولك من وجهة نظري. لو انت عايز دكتوره وفي نفس الوقت متشتغلش هيكون صعب اوي لان احنا كليتنا صعبة وفعلا حرام محهودها يضيع بعد ده كله بس في فكره كويسه ممكن تاخد دكتوره أكاديمي هيكون شغلها خفيف بتروح الكليه الصبح تدرس وترجع على الظهر و هيكون ده احسن ليك وليها هيا تعبها مش ضاع بس في نفس الوقت مش واخده تخصص صعب ومحتاج انها تقعد ١٢ ساعه في المستشفى. وفكره بقا مش عاوز حد يشوفها غيري والكلام ده هقولك على حاجه بلاش التعصب الزياده ده عشان ممكن في الأول هيا تشوفها غيره ومحبة إنما بعد فتره هتقلب خنقة. انت هتتجوز بنت محترمه حتى لو اتعاملت مع ١٠٠ راجل م هتسمح لواحد فيهم يتجاوز حدوده بشوف الولاد اللي بيفكروا التفكير ده مش قصدي على حضرتك بس يشوفهم معندهمش ثقة في نفسهم. طبيعي لما تتجوز هيا هيكون عندها حياتها وهتخرج مع صحابها و هتروح لأهلها ولو اشتغلت هتتعامل مع ناس حتى لو مش انشغلت ماهي هتخرج تجيب طلبات او تجيب حاجات من بره وهتتعامل برضو الفكره ان ده كله بيكون بحدود. وربنا يكرمك بالزوجة الصالحة
تم النشر الأربعاء، ٢٥ مارس ٢٠٢٦
استاذه @Menna الي حضرتك بتقوله دا عبث أن المرأه خروجها دا حاجه جديده اخترعها الناس مش هرد عليكي غير بدور الست في زمن النبي عائشة بنت أبي بكر كانت من أكبر العلماء، روَت آلاف الأحاديث، وكان الصحابة يرجعون لها في الفقه.أسماء بنت أبي بكر كانت تُوصل الطعام للنبي ﷺ في الهجرة، وثبتت أمام المشركين ولم تدلّ عليهم.أم عمارة نسيبة بنت كعب شاركت في غزوة أحد، ودافعت عن النبي ﷺ. → نصرة الدين ليست محصورة على الرجال فقط.الشفاء بنت عبد الله كانت تُعلّم النساء القراءة والكتابة، وكان لها دور إداري في عهد عمر بن الخطاب. → التعليم والإدارة جزء من عمارة المجتمع. رفيدة الأسلمية كانت تعالج الجرحى في الغزوات (أشبه بممرضة). → خدمة المجتمع والرعاية الصحية من أدوار المرأة.
تم النشر الثلاثاء، ٢٤ مارس ٢٠٢٦
بالنسبه للي قولته ف دا شئ عادي بس المعروف من التملك انه حاجه متتطاقش اصلا بس لو غيرتك زادت عن الحد هتتقلب للضد وعموما فيه بنات كدا واولهم المنتقبات والمختمرات اللي عارفين دينهم كويس ربنا يوفقك وتلاقي اللي نفسك فيها بجد
تم النشر الأحد، ٢٢ مارس ٢٠٢٦
في بنات بالصفات دي وحتى لو دكاتره بس بجد أكتر فئة هتلاقيها كده البنات المتدينين بتبقى عارفه دورها كويس وقيمتها وعارفه إنها لزوجها بس وفي بنات أصلًا مابيخرجوش من بيتهم من قبل الزواج فده بيبقى رزق عمومًا ادعي ربنا يرزقك بزوجه تكون مزروع جواها الفكره دي ،،، كلامك صح لإن الغيرة من صفات الرجال ولكن أحيانًا بتتقال من باب الرجوله بس مابتكونش حلوه إنما لما بتكون من باب الدين وإن ده أمر ربنا بتبين إن فطرة الزوج سليمه وهو أصلًا عقله متفق مع شرع ربنا .. إنما العبث اللي بيحصل وخروج المرأه دي حاجه جديده اخترعها الناس
تم النشر الأحد، ٢٢ مارس ٢٠٢٦
مش شرط الدكتور يتجوز دكتورة أو صيدلانية .. مش قانون
تم النشر الأربعاء، ٢٥ مارس ٢٠٢٦
مش شافية انها مشكلة كبيرة بالعكس في بنات كتير بتحب جدا الشخصية اللي زي حضرتك متعلمة او غير و مش لازم فعلاً دكتورة يكفي انها تكون مناسبة ليك انت و بس
تم النشر الأربعاء، ٢٥ مارس ٢٠٢٦
الحمدلله أن في ناس بتفكر زيي كدا 🙂على العموم شكرا جدا يا دكتورة وربنا يكرمك وربنا يكرم اخوكي الزوجة الصالحة ويوفقه يارب @Dareen 🌷
تم النشر الأربعاء، ٢٥ مارس ٢٠٢٦
المقصد من كلامي ،،، التجاوزات وعدم الحفاظ على آداب الاختلاط التي نراها في هذا الزمان ،والذي يتحدث عنه السائل هو اعتراضه على أن تجعل المرأه خارج البيت أهم بكثيير من داخله هنا نجد المشكله . والدليل على ذلك قال السائل في كلامه أنه غير معارض على أنه يفتح لزوجته صيدليه في بيتها لو كانت خريجة صيدله
تم النشر الثلاثاء، ٢٤ مارس ٢٠٢٦
انت صح وغلط في نفس الوقت الصح انك تبقي غيور علي مراتك لاكن الغلط انك تبقي عايزها توقف حياتها ليك انت وبس وده غلط كل واحد لازم يبقي ليه حياته
تم النشر الثلاثاء، ٢٤ مارس ٢٠٢٦
حلو انك تغير وإنها هتكون في البيت بس مش يكون السبب تملك لأ يكون غيرة أو تفضي لجوزها أو بيتها
تم النشر الاثنين، ٢٣ مارس ٢٠٢٦
بارك الله فيك شكرا @نسمه عبدالرحمان
تم النشر الأحد، ٢٢ مارس ٢٠٢٦
هو قصدي بالتملك أنها بتاعتي انا وبس لكن انا مش هحرمها من أهلها ولا هعزلها عن العالم كلو يعني معاها موبيلها تكلم صديقاتها واهلها لو عايزه تزورهم نروح سواء برضو ممكن نظبط يوم نطلع فيه سواء انا مش هحكم عليها بالحبس لكن هي بتاعتي انا يعني متطلعش من غيري مفيش حاجه اسمها شغل وحرية والكلام دا والمشكلة انو حتى لو انا كدا غلط انا مش هعرف اتغير ومش عايز اتغير وشكرا على رأيك @نسمه عبدالرحمان
تم النشر الأحد، ٢٢ مارس ٢٠٢٦
دة الصح اصلا ، وهتلاقي باذن الله ربنا يحفظك ويسعدك
تم النشر الأحد، ٢٢ مارس ٢٠٢٦
انا وضحت النقطة دي في تعليق قبل كدا هو انا فعلا الغيرة عندي زيادة شوية لكن انا مش هحبسها هي لو حابه تزور أهلها نروح مفيش مشاكل صحباتها عايزين يجو يزوروها برضو في اي وقت ومعاها موبيلها تكلم صحباتها عادي انا مش قلت ثقة فيها انا من كتر حبي وخوفي بس مش اكتر وكمان لو انا فاضي في يوم ننزل ونتمشى كدا كدا هتكون منتقبة وبالنسبة لمجالات صيدلة انا عارف انو ليها مجالات كتير بس عندنا الموضوع دا مش منتشر عشان كدا بقولك انو البنات بتوع صيدلة أغلبيتهم بيتجهو أنهم يفتحوا صيدلية وخلاص وهو على العموم انا مش هخليها توقف ف الصيدلة. انا ممكن افتحلها صيدلة شخصية في بيتنا تبيعلي انا والعيال بس انا مش بقلل منك يدكتورة انتو والله دراستكم اصعب من دراستنا بكتير وشكرا على رأيك @maryam Elsadany
تم النشر الأربعاء، ٢٥ مارس ٢٠٢٦
تفكيرك صح وغلط في نفس الوقت معك حق انك تغير وكده بس فكره انك تعزلها عن الي هي بتحبه عشانك لا بصراحه وعلي فكره مش معاك في موضوع أنها صيدلانيه وآخرها تفتح صيدليه ليه واخدين الفكره دي عننا ده ملوش علاقه مجالاتنا كتير غير الصيدليه
تم النشر الأربعاء، ٢٥ مارس ٢٠٢٦
بارك الله فيكي شكرا على رأيك @ايكادولي ايكادولي
تم النشر الأربعاء، ٢٥ مارس ٢٠٢٦
هي الفكرة مش فانها هتشتغل في المستشفى ولا حتى اكاديمي انا مش معترض على نوع الشغل انا معترض على نقطة الشغل ذات نفسه ودا موضوع مفروغ منو علشان كدا انا لغيت فكرة الجواز من زميلاتي اللي في بشري انا مش هرضاها على اختي أنها بعد العذاب بتاع الكلية تقعد في البيت عشان كدا مش هرضاها على حد بس كدا ، هي مش قلة ثقة بنفسي ولا ثقتي بيها لكن الغيرة عندي زيادة شوية وانا مش هقطعها عن الناس يعني صحباتها عايزين يزوروها يجوا في اي وقت عايزة تروح عن أهلها تغير جو نروح سوا، مثلا نظبط يوم نخرج سواء نتمشى طبعا هي هتكون منتقبة بس الفكرة انا مش هحبسها بس من خوفي عليها عاوز احافظ عليها بقدر المستطاع وشكرا جدا على رأيك يا دكتورة وبارك الله فيكي @Dareen 🌷
تم النشر الأربعاء، ٢٥ مارس ٢٠٢٦
انا بتكلم عن نفسي وعن مواصفات زوجتي إن شاء الله لكن انا مش معترض على شغل البنات متشتغل كل واحد وحريته بس خلي بالك الشغل هيجي على حساب راعية البيت والأطفال ومحدش يقدر يقول غير كدا وشكرا على رأيك @ليل غريب
تم النشر الثلاثاء، ٢٤ مارس ٢٠٢٦
توقف حياتها ،مهو المفروض ابقى انا حياتها جوزها وعيالها وانا نفس القصة هتبقى هي وعيالنا اهتمامي الاول بس الفكرة كلها انو الغيرة عندي بتقلب خوف يعني من خوفي عليها مش عايزها تطلع بره ولا عايز حد يشوفها،عادي ممكن تكلم أهلها صحباتها الموضوع مش حبس يعني @Malak Osama
تم النشر الثلاثاء، ٢٤ مارس ٢٠٢٦
الحمدلله انو في بنات ممكن تتقبل الوضع دا اصلا انا من كتر ما بشوف البنات بتغير من بعضها في الحاجات الغلط والموضوع بقى منتشر بقيت خايف انو القي بنت متعلمة ومتدينة ترضى أنها تتنازل عن شغلها وتقضى لبيتها جوزها وعيالها شكرا على رأيك @Menna
تم النشر الأحد، ٢٢ مارس ٢٠٢٦
لعرض السؤال في فدني اضغط هنا