السلام عليكم ورحمة الله وبركاته
محتاجة رد من شاب عاوزة اعرف بتتصرفوا ازاى ف المواقف دي دونًا عن البنات
دلوقتي لأمر ما ايًا كان صغير او كبير لأن الاتنين بيحصلوا لحيننا هذا
محتاجة اعرف انتوا كشباب عقليتكم غيرنا ودماغكم أكبر ومتفتحين أكتر
بتتصرف ازاى وسط موقف بايخ مع زميلك اتقال فيها كلام يدايقك ومعلق معاك وم ناسيه وعاوز تنهي العلاقة واللي مانعك انك عايش معاهم ف مكان واحد وخايف يحصل مشاكل تاني حطوني ف ضغط نفسي لمدة سنة وانا اللي كنت دايمًا برجع واقول معلش واجيب كل الأعذار لنفسي وليهم م كتاب ربنا الكريم علمًا بالشئ ان هما كطِباع وشخصات م احسن حاجة مبيعترفوش بالغلط لو السيف ع رقبتهم ولا بيعتذروا وانا بقت حاسة اني باجي ع نفسي اوي بسببهم بس المرادي لأ عاوزة ابعد بس م غير مشاكل
وعاوزة اسمع وجهة نظركم المحترمة بينكم كشباب ف مواقف ز كدا بتتصرفوا ازاى؟!!
انتي كدا عارفه أن شخصياتهم وطبعهم صعب ممكن دا بيكون بسبب نقص فيه فبيكمل النقص دا أن هو ينتقض حد يتنمر عليه يزعجو ايا كان بس بيعوض النقص دا بسلوكيات وحشه ف متحطيش في دماغك اسمعي من هنا وطلعي من هنا وقللي كلامك معاهم وخلاص اهم حاجه انتي متحاوليش تغيري طبعك عشان حد وافتكري كلام النبي: قال النبي ﷺ: "ليدخلن الجنة أقوام أفئدتهم كأفئدة الطير." من شدة رقتها وطيبتها، تبكي من أقل شيء، تضحك من أقل شيء، تسامح من أقل شيء. قال ﷺ: "حرِّم على النار كل هيِّن ليِّن، سهل، قريب من الناس "
تم النشر السبت، ٣١ مايو ٢٠٢٥
انا لو عليا أنا من وجهة نظري اللي بتصرف بيها اينعم هي غلط بس بتنفع هي ان في اي موقف بيدايقني صوتي بيعلا تدريجياً على الأشخاص المريضة الاستفزازيين اللي عايشيين معانا في الكوكب هو الصوت العالي اينعم مش حل فعال اوي بس بيفرق عندي لان أنا عصبي اصلا بالاضافة لذلك ملامح الوش اللي بتعبر عن الجد والغضب والبصات الحادة فارقة معايا جدا في التعامل مع اشخاص زي دول أنا معرفش أبدا اسكت على الغلط او اكبر دماغي بس سبحان الله اول أما يحصل الموقف وصوتي يعلا وملامح العصبية تبان عليا الاقيهم اتخرسوا خالص ومفكروش حتى يقربوا مني تاني وطبعا دي وجهة نظري اكيد في شباب تانيين ليهم طرق مختلفة
تم النشر السبت، ٣١ مايو ٢٠٢٥
وعليكم السلام ورحمة الله وبركاته، أختي العزيزة، أولاً أقدّر جداً صراحتك ومشاركتك هذا الموقف الصعب، وأتفهّم تماماً الضغط النفسي اللي بتعيشيه بسبب استمرار المشاكل مع زملائك في الجامعة. خليني أبدأ بالرد من وجهة نظر الشباب، وسأحاول أشرح لك بأسلوب صريح ومباشر، علشان تكوني قريبة من طريقة تفكيرهم وتصرفاتهم في مثل هذه المواقف. كيف يتصرف الشباب عمومًا في مواقف كهذه؟ التجاهل أو التقليل من الموقف : كثير من الشباب عندما يتعرضوا لمواقف "كلام يدايق" أو مضايقات بسيطة، يميلوا لإنكار المشكلة أو يتجاهلوها طالما الموضوع بسيط، ليس بالضرورة لأنهم "كبروا دماغ" بجد، لكن لأنهم أحيانا لا يعطون الأمور الصغيرة نفس حجمها. لكن إذا الموضوع كان مستمر أو ثقيل عليهم، يبدأون يفكرون في حل. الاحتفاظ بالكرامة وعدم الاعتذار بسهولة : في كثير من الأحيان الشباب، خاصةً لو أسلوبهم "رجل"، مش بيحبوا يعتذروا أو يعترفوا بالغلط بسهولة، لأنه مرتبط لديهم بشيء اسمه "الكرامة" أو "الـ pride". قد يتصرفون بشكل مغلق أو يزداد الخلاف إذا حسوا أنهم "مُضطرين" للاعتذار. الحلّ بالغالب يكون بالتجنب أو الانسحاب : إذا كانت العلاقة تسبب ضغط بلا رجعة، كثير من الشباب يحاولوا يتجنبوا الطرف الآخر أو يوازنوا العلاقة بحيث يقللوا التفاعل معها، لكن إذا كانوا مجبرين يعيشوا في نفس المكان، يمكن يخلق ذلك جو من توتر أو حتى صمت مشحون بين الطرفين. اللعب على الحياد وعدم التصعيد : في حالات ينفذون استراتيجية عدم التصعيد، يتعاملوا بشكل هادئ، وأحياناً يحاولوا يبعدوا نفسهم لما تخرج الأمور عن السيطرة، خصوصاً إذا يعرفوا أنهم مش قادرين يغيروا الموقف بسهولة. نصائح عملية لك في هذا الموقف: حددي حدود واضحة لك ولنفسك : لا تعذري أحداً إذا تجاوز احترامك، وحاولي تعلمي تقولّي "لماذا هذا الكلام مزعج بالنسبة لي" لنفسك أولاً، وبعدين لما تحسي بالقدرة، ضعي حدود بسيطة وواضحة حتى لو بشكل غير مباشر. حاولي تصحيح العلاقة بالكلام الصريح والهادئ : إذا كان في فرصة تتحدثي مع أحدهم بشكل هادئ بعيد عن الضغوطات، خبريه كيف تؤثر تصرفاته عليك، أحيانًا الكلام الصريح يفك التوتر. ابتعدي عن الدخول في لعبة "العتاب المتبادل" : لو ناس ما بيعترفوش بأخطائهم، فلا تضيعي طاقتك بالجدال معهم، ركزي على نفسك ومشاعرك. كرسي نفسك وقت من الضغوط : لو الموضوع خلاص مرهق، مثلًا خدي فترة منفصلة لو حتى وقت الدراسة أو من خلال تغيير مكان الجلوس أو الاشتراك بأنشطة ترفيهية خارج المكان. حافظي على طاقتك الإيجابية : تذكري أن الجامعة مرحلة مؤقتة، والمشاكل فيها ممكن تتحل أو تخف مع الوقت، وما تستحقيش تضحي براحتك النفسية سواء بالقهر أو الضغط. أختي، أفكار وتصرفات الشباب تختلف من شخص لآخر، ولكن كثير منهم يتعاملون مع الخلافات بنفس الطرق اللي ذكرتها. ألمهم أنك تدرسي موقفك بطريقة تخدمك أنت بالدرجة الأولى، ولا تجعلي أحد يكسر طاقتك أو يحطّك في موقف يقلل من احترامك لنفسك. إذا احتجتي مساعدة أكثر خصوصية أو دعم نفسي، أنصحك تستشيري أحد الخبراء في فدني من قسم العلاقات أو التطوير الشخصي، حيث يمكنهم يتابعوا معك بشكل أعمق ويوجهوك بشكل مناسب. وأخيراً، اعتني بنفسك وأولوياتك وأبعدي عن كل ما يؤذي روحك. أنا دائماً هنا إذا حبيتي تتكلّمِي أو تسألي عن أي شيء، يا أختي ذكية دايمًا معاكِ.🌷 هل تودين نصائح في كيفية التعامل معهم بشكل عملي يوماً بيوم؟ أو في تطوير مهارات خاصة لك تساعدك في التحكم بالمواقف؟
تم النشر الجمعة، ٣٠ مايو ٢٠٢٥
ونعم بالله
تم النشر السبت، ٧ يونيو ٢٠٢٥
إنت هتعذبي نفسك عذاب أليم وهتموتي نفسك كده والناس دي هتتعبك وهتقهرك نفسيا جامد .. أولا محتاجه تعرفي إن محدش يقدر يجبر حد على إنه يصاحبه ويكون طواعيه ليه ده كده يكون خادم ليه بقا .. بس للأسف أهلك مفهموكيش كده .. لإن معظم الناس أكتر من ٩٠ ٪ هم عوام وهم عايشين على نفس الوتيره الخاطئه .. الحل هنا : إنك تقولي لأهلك الناس دي مؤذيه وانا مش هحتك بيهم تاني .. ثم تقللي تعاملك معاهم لو مفيش حد ومش لاقيه حد يدعمك ويساندك في التعامل السليم الرصين مع الناس الفجره دول يبقا تتبعي الآتي : تتعاملي معاهم ببرود تام وهدوء وعدم إحتكاك معهم .. متحتكيش معهم حتى لا بالخير ولا بالشر ناس ظالمين إحتك بيهم ليه قولي لنفسك لو هما اللي إحتكو بيكي ردي على قد الكلمه وإعملي نفسك حبيبتهم وإضحكي عليهم لحد ما يجي بكره بإذن الله وتتقوي نفسيا وتبقي أكبر وتعرفي تتعاملي مع الأوضاع دي
تم النشر السبت، ٧ يونيو ٢٠٢٥
مشيوا خلاص مشيوا من حياتي كلها لله الحمد شكرًا للدعم
تم النشر السبت، ٧ يونيو ٢٠٢٥
واستعيني بأهلك عليكي بعدها لو هما اللي جم احتكو بيكي وأذوكي ..
تم النشر السبت، ٧ يونيو ٢٠٢٥
في البداية هيثوروا عليكي ويزيدو الاذى عشان عايزين جرعة الإدمان لكن مع مرور الوقت هييأسو ويدورو على حد ثاني
تم النشر السبت، ٣١ مايو ٢٠٢٥
طيب في فكرة لو فهمتيها هينحل كل الاشكال ... وهي إنهم مدمنين على ردة فعلك يعني بيفتخرو بأنهم قدرو يعصبو انسان .... يعني هم كارهين نفسهم وحاسين بالذنب والعار وإن ملهومش قيمة ولا تأثير على الناس والحياة .... فببساطة أنتي فريسة بالنسبة لهم عشان يحسو بتأثيرهم على انسان انهم يعصبوع .... فأول مايشوفوكي بيفتكرو ردة فعلك ضدهم على الإهانة امبارح مثلا ويفتكرو شعورهم الجميل بالتأثير فيقررو يعيدو الشعور ويعصبوكي ... فاحرميهم من ردة فعلك
تم النشر السبت، ٣١ مايو ٢٠٢٥
كنت بقول كدا كتير ف الاول وحاولت احط حدوود وكانت بتتكسر كتير ف حاجات ز الكلام واي اللي يتقال ولأ وكدا ولما لقيت انهم مببستقبلوش الكلام وبيبرروا لنفسهم كاامعتاد للأسف بقت بعمل معاهم ز م ببعملوا معايا كأخدان حق وحاسه انه غلط وانه مكنش لازم اتشبه بوحاشتهم دي ولكن ع مسكتش واطلع صغيره قصاد نفسي م غير م اجيب حقي كان نفسي نفارق على خير بس على كل ده ولاسلام ربنا هيطلع مني ليهم خلصت المشكلة بقا ان اللي قدامك يمشي ويسيبك وأيًّا كان انت ولا هو اللي صح هيفتكرلك الوحش وانا مكنتش عاوزة كدا بس عملت اللي عليا للآخر واسيبني من كلامهم م سيف ع رقبتي دول ناس بيجيبوا عيبهم للناس لأنه حقيقي كلٌ يرى الناس بعينِ نفسه
تم النشر السبت، ٣١ مايو ٢٠٢٥
طيب بالنسبة للطبع السئ حددي مع نفسك اي الحاجات اللي بتقبليها والحاجات اللي لا خلي كل شئ واضح مثلا مبقبلش الألفاظ ممكن اقبل علو الصوت وهكذا ووضحيها لهم
تم النشر السبت، ٣١ مايو ٢٠٢٥
بكل بساطة ابتعدي عنهم .. وإن جولك ابتعدي تاني لحد ما يفهمو .. والمرة الثالثة قولي لهم انت عملت كذا وكذا بكل هدوء مش بتظلم وحزن ... لا عادي ببساطة انت قلت الكلمة دي وانا مش بقبلها ... هيستهزأ ويطلع وينزل طنشي وابتعدي إلى أن يتعودو يا ييجو باحترام يا هم يبعدو ... وهنا تقدري تشتكي عليهم وتقولي اذوني وبعدت واذوني
تم النشر السبت، ٣١ مايو ٢٠٢٥
لانها مواقف صغير ففين العفو والتسامح هنا! بص كلامك الأقرب لشخصيتي يعني انا بردو مكنتش بسكت انا بتكلم ع اللي شايلاه جوا نفسي كاير اتخانقت وكنت بعمل اللي عاوزاه ف الآخر ونعند ف بعض بس انا بتكلم على نقطة الطبع السئ اللي لو ف إنسان ابدًا ميتغيرش فعلًا صعب
تم النشر السبت، ٣١ مايو ٢٠٢٥
يعني ايه عمالة تلتمسي لهم الأعذار صحيح ده من سنة النبي محمد صلى الله عليه وسلم بس برضو الدين فيه حاجة اسمها عزة نفس ... والعفو بيكون عند المقدرة بس انتي بتعفو بدون مقدرة اذن سمحتي بالظلم ... معقولة سنة كاملة تتأذي وترجعي ولا كأن حصل حاجة ؟ ليه يعني هم ابوكي ولا امك ؟
تم النشر السبت، ٣١ مايو ٢٠٢٥
انتي اللي انحنيتي عشان يوقعوكي
تم النشر السبت، ٣١ مايو ٢٠٢٥
أنا عن نفسي بنسى اللي حصل وبنسى صاحبي اللي عمل كده أصلاً بس لو الموضوع معلق مش بسكت لحد لما أواجهه أو لما بعاتبه بس بتقلب في زعل وهو بيزعل بس أهم حاجه أنا بكون راضٍ عن نفسي لأني مقللتش مني وهو براحته أنا مش هشغل بالي بحاجه خلصت وأنتهت وأنا مليش دخل فيها أصلاً اللي حصل حصل الذكي اللي بيعدي الموقف أول مرة وبعد كده بيحذره وبعدين بقا كل واحد يروح لحاله كتير من المواقف كانت كده بس أهم حاجه أنا لو سغلت بالي بيه ف ده يعني أنا مهتم بيه وأنا عكس كده ف الموقف البايخ اللي حصلك ده لما يحصل تاني في نفس الوقت عرفيهم أن ده مينفعش يحصل معايا ولو أتكررت تناي فيها خصام وسيبيهم وامشي وانتي هتشوفي ردت فعلهم إيه وسعتها تحكمي بقا
تم النشر الجمعة، ٣٠ مايو ٢٠٢٥
لعرض السؤال في فدني اضغط هنا