أنا بنت وعندي21 سنة معايا مبلغ كبير 150ألف والمبلغ دا أنا بحوش فيه من أعدادي يعني من جمعيات ومن مشاريع صغيرة عملتها بس ما كملتش فيها وعايزة دلوقتي أعمل مشروع يدخلي دخل شهري
أنا عارفة المبلغ صغير بس دا ال معايا أنا فكرت أخد بيهم كورسات وأطور من نفسي واشتري لاب توب حلو بس تراجعت لأني ممكن معرفش ادير مالي واتعامل معاهم زي مبلغ صغير واصرفه..
عايزه منكم نصايح وكمان اقتراحات
مع العلم أنا بعرف أربي فراخ بيضاء وعندي خبرة فيها لدرجة عملت منها خلال 10 شهور 50 ألف وكمان كنت بربي كمية قليلة وبحب المزارع وعندي حديقة صغيرة لأني عايشة في الصعيد فالحاجات دي عادي وسهلة بس أنا دلوقتي بفكر في حاجة تدخلي دخل بدون تدخل مني لأني بدرس وعايزة أتعلم حاجات كتير
وعايزة أشتغل على نفسي عشان أعرف أشتغل بالعلم مع العلم برضو أنا محفظة قرآن في قريتي وبحب التجارة وعملت حاجات كتير ونجحت بس الفكرة كل حاجة عايزة متابعة مني بل كل الشغل عليا وأنا مش فاضيه خالص، ولازم يكون ليا مصدر دخل عشان عايزة أعمل بيه حاجة كبيرة حد فاهم حاجة أنا جربت كورسات في المال والاستثمار بس مفهمتش حاجة أعمل إيه 😫
يا حبيبتي، أول حاجة أقولك إنك بنت قوية وذكية جداً! 21 سنة ومعاكي 150 ألف من تعبك الخاص، وخبرتك في تربية الفراخ ونجاحك فيها (50 ألف في 10 شهور؟ وااو!) ده إنجاز كبير يستاهل الاحتفاء. أنا فاهمة تماماً إحباطك من الكورسات اللي مش واضحة، والحاجة لدخل شهري بدون ما تكوني مشغولة طول الوقت عشان الدراسة والحفظ والتطوير الذاتي. خلينا نرتب الأمور خطوة بخطوة، بنصائح عملية حلال وآمنة، مع اقتراحات تناسب وضعك في الصعيد. 1. نصائح أساسية لإدارة فلوسك (عشان متصرفيش زي "مبلغ صغير"): قسمي المبلغ كده: 50% (75 ألف) في استثمار آمن يديك دخل شهري بدون تدخل منك (زي وديعة مضاربة إسلامية في بنك حلال، تديك ربح شهري ثابت حوالي 15-20% سنوياً حسب البنوك زي بنك مصر الإسلامي أو البركة – روحي استشيريهم بنفسك). 30% (45 ألف) لمشروع صغير، 20% (30 ألف) احتياطي طوارئ في حساب جاري. حددي هدف واضح: اكتبي ورقة: "أبغى دخل شهري 3-5 آلاف في أول 6 شهور"، وراقبي كل شهر. خلي الشغل مش كله عليكي: دوري على شريك موثوق (أهل أو جيران صالحين) يدير، وخذي نسبة من الربح (مثل 40% ليكي). 2. اقتراحات مشاريع تناسبك (سلبية الدخل قدر الإمكان، بناءً على خبرتك): تربية فراخ بيضاء بشريكة: استخدمي خبرتك! استثمري 40 ألف في كمية صغيرة (500 فرخة) في حديقتك، واستأجري شاب من القرية (أجر شهري 1-2 ألف) يتابع التلقيح والرعاية يومياً. الدخل: بيض يتباع يومياً، ربح شهري 4-6 آلاف بعد 3 شهور. أنتِ تشرفي أسبوعياً بس. زراعة عضوية في الحديقة: زرعي خضروات سريعة (خيار، طماطم) أو أعشاب (نعناع، كزبرة) بـ20 ألف، استأجري عاملة (ست كبيرة موثوقة) تدير الري والبيع في السوق. دخل شهري 2-4 آلاف، وتناسب حبك للمزارع. تجارة صغيرة سلبية: اشتري بـ30 ألف بضاعة رخيصة (توابل، أقمشة صعيدية) وبيعيها لمحل في القرية على دفعات (تجارة جملة)، أو ضعيها في محل قريب وخذي عمولة شهرية. أو ابدئي صفحة فيسبوك لمنتجاتك الزراعية، وخلي بنت أختك تديرها. استثمار أكبر: لو عايزة بدون مجهود خالص، حطي 100 ألف في مشروع "مزارع فراخ جاهزة" مع مزرعة كبيرة في الصعيد (دوري على إعلانات في فيسبوك أو سوق الخميس)، تضعي المال وتاخدي ربح شهري. خطوتك الأولى النهارده: روحي بنك إسلامي قريب، اسألي عن "الوديعة المضاربة"، وخذي عرض كتابي. بعدين، دوري على شريك من معارفك للفراخ. يا قمر، أنتِ قادرة تخلي ده "حاجة كبيرة" زي ما عايزة، بس خطوة خطوة مع توكل على الله. لو عايزة تفاصيل أكتر أو استشارة خبير، ابحثي في فدني عن أسئلة مشابهة أو روحي صفحة الخبراء https://www.fedni.net/experts – في خبراء تجارة واستثمار هيفهموكي أحسن. قوليلي إيه رأيك، وهقولك الخطوة الجاية! 💪❤️
تم النشر الخميس، ٧ مايو ٢٠٢٦
@. Nehal بدرس طب، طب بشري.
تم النشر الخميس، ٧ مايو ٢٠٢٦
ولفكرة مشروع ممكن تتعاملي مع مصانع وتجيبي لبس وتعملي خدمة توصيل وتشغلي معاكي ناس سواء للتعبئة كسيدات وللتوصيل شباب بلدك اللي محتاجين بدل ما بنطلب اوردارات من القاهرة وبتاخد وقت في التوصيل تبقي انتي اسرع في وجهة قبلي
تم النشر الخميس، ٧ مايو ٢٠٢٦
والله بجد انتي ماشاء الله عليكي مصدر فخر يعني انا فخورة اني صعيدية دلوقتي فخري زاد اضعاف لما شوفت بنات الصعيد بيعملوا ايه ربنا يبارك فيكي وفي قلبك الابيض دا ويحفظك اللهم امين
تم النشر الخميس، ٧ مايو ٢٠٢٦
@Esmat Ali أكيد في سهم لله دا من أول ما بدأت وكمان لما عملت مشاريع كان في زكاة مال أنا من وأنا بأخد مصروفي الشخي كنت بطلع منه صدقة يعني متعوده الحمدلله علي الحاجة دي وفي زكاة مال أكيد لا تقلق
تم النشر الخميس، ٧ مايو ٢٠٢٦
@. Nehal الفكرة أنا مش بحب الهدوم وكدا مش بحب شغلها ولا بحب التسويق بحب أعمل الحاجة أنا بنفسي
تم النشر الخميس، ٧ مايو ٢٠٢٦
انتي مجال دراستك ايه ؟
تم النشر الخميس، ٧ مايو ٢٠٢٦
حاولي تشوفي حاجه قريبه من مجالك الدراسي ... وحاولي تشاركي ابوكي في مصلحه اديلو الفلوس ويشغلهالك وانتي اهتمي بدراستك وتخفيظك للقرآن لحد ما تتخرجي ومتضغطيش على نفسك في كذا حاجه حاولي المال يبقى شغال وانتي مرتاحه يعني من الاخر خلى المال يشتغل عندك مش انتي تشتغلي عنده ...وزي ما حضرتك عارفه عندنا في الصعيد مفيش بنات بتشتغل .. أو بالأصح مبنحبش بناتنا ولا حريمنا تشتغل وكد .. ف حاولي تركزي على نفسك وتطوري في نفسك قبل مالك دي نصيحه من اخ في سنك وجد والله ربنا يحفظك ويوفقك...
تم النشر الخميس، ٧ مايو ٢٠٢٦
@. Nehal أنا فكرت كدا وكمان نفذت دا لما كنت في تالتة ثانوي لأني كنت مشغولة خالص، فشغلت أخويا وعلمته وحاليا هو بيشتغل وحده وبيدخل مبلغ شهري كبير جدا أول ما علمته وفهم الشغل بعد أول مرتب أنا عطيته ليه قالي أنا مش هكمل هعمل لنفسي وهو مكنش يعرف حاجة وحاليا هو بيشتغل بس لنفسه عايزة أقولك إني كل ما أثق فيه واعلمه حاجة وأقول يكون سند يتمرد ويقرر يعمل نفس الحاجة وحدة وصراحة أخويا دا بيحب الفلوس ممكن أكتر مني😂 عشان كدا مش هينفع أتعامل معاه والموضوع الثاني أخويا التاني دا صغير مش هينفعل خالص اما أولاد عمي فالكل في القاهرة محدش موجود وحتى لو موجودين كل واحد مشغول بحياته
تم النشر الخميس، ٧ مايو ٢٠٢٦
@. Nehal مبسوطة بكلامك يا نهال وبجد يعني من أكتر الحاجات اللي مخلايني مكملة إني عايزة أساعد نساء كتير يكون ليها مصدر دخل من البيت من غير ما تتعرض لسوق العمل وتتأذي وتقدر تعمل مشاريع كتير وتكون كمان غنية وتكفي حاجات كتير في حياتها وتعيش حياة كريمة💚 ف بجد شكرا علي كلامك وتشجيعك ليا يا نهال
تم النشر الخميس، ٧ مايو ٢٠٢٦
حابة اقولك انك بنت ب 100 راجل بجد وشاطرة وزكية ما شاء الله اللهم بارك وانا فخورة ان الصعيد طلعت بنت زيك يسلم اللي رباكي وان شاء الله في المستقبل القريب تكوني اكبر سيدة اعمال في وجة قبلي كله
تم النشر الخميس، ٧ مايو ٢٠٢٦
طيب ما تعلمي حد من اخواتك الشباب وخليه تحت جناحك ويبقي هو الواجهة ليكي في التعامل مع الرجال الاجانب - ممكن تتاجري في الفراخ بشكل اوسع بما انك شاطرة فيها وتديريها انتي واخواتك الشباب واولاد عمك مثلا لمدة 3 شهور او 6 شهور تكوني علمتيهم الشغل وازاي يتعاملوا وبعد كدا انتي تبقي تشرفي عليهم اسبوعيا مثلا
تم النشر الخميس، ٧ مايو ٢٠٢٦
بصي ممكن تسألي والدك لان الشخص اللي موجود في مكان هو اللي يعرف اي اللي يمشي هناك .. يعني في حاجه في اسيوط .. متنفعشي في سوهاج وعلى حسب المكان يعني انتي في المركز ولا في قريه ولا في المحافظه نفسها كل مكان ليه حاجتو. لكن لو حابه اقترح عليكي مشاريهدع معنديش مشاكل ... إنتي ما شاء الله تاجرة شاطرة وبتعرفي تحسبيها بالورقة والقلم بس التاجر الشاطر بجد هو اللي بيأمن نفسه في الدنيا وفي الآخرة و إنتي محفظة قرآن فأنتي أكتر واحدة عارفة إن التجارة مع الله هي التجارة الوحيدة اللي مفيش فيها خسارة أبداً فخلي ليكي سهم مع ربنا عشان يباركلك في دراستك وفي حلمك إنك تبقي ثرية وبكرة تشوفي إن القرش اللي طلعتيه لله هو اللي عملك الثروة الحقيقية وفتحلك السكك المقفولة
تم النشر الخميس، ٧ مايو ٢٠٢٦
@Esmat Ali أخواتي الشباب أصغر مني ومعنديش حد ممكن أثق فيه غير أبي بس أبي بيقولي سبيك من الكلام دا وركزي في تعليمك، وبرضو تعاملات مع رجال أجانب مش بعرف أتعامل + عندنا عقارات عايزة حاجة مختلفة تكون خاصة بيا ومناسبة ليا كِبنت
تم النشر الخميس، ٧ مايو ٢٠٢٦
ممكن تشاركي حد في اي مصلحه انتي برأس المال وهو بالمجهود وتتفقوا على نسبه او تشتري عقار تحت الانشاء وتدفي حزء من القسط الاول وباقي القسط من ايجار العقار ده ... اهم حاجه تبعدي أن اي حاجه فيها روح لوحدك عشان انتي مش فاضيه ... وركزي في التحفيظ وجد والله ربنا يحفظك ويسعدك ..
تم النشر الخميس، ٧ مايو ٢٠٢٦
طيب ما تعملي مركز طبي يبقي فيه كل التخصصات وهاتي دكاترة يه وديريه لغاية ما تتخرجي وتشتغلي فيه
تم النشر الخميس، ٧ مايو ٢٠٢٦
ما شاء الله الله اكبر
تم النشر الخميس، ٧ مايو ٢٠٢٦
@Esmat Ali تمام حاضر شكرا ليك جدًا
تم النشر الخميس، ٧ مايو ٢٠٢٦
عايزة إفادة منكم
تم النشر الخميس، ٧ مايو ٢٠٢٦
ومحدش برضو يقولي هاتي ذهب عندنا برضو الذهب دا عادي وجدتي وأمي معاهم حرفيا صندوق ذهب يعني مش مستفيدين منه حاجة وحاجات أصلا تتخطى الـ 2 مليون ذهب بس زي ما قولت مفيش منه إفادة ومستحيل ومحدش بيرضي يبيع الذهب عندنا هو عندهم زي تأمين يعني لو حصلت حاجة بيساعدوا بيه رجالهم...مع أن الأرض كثيرة برضو بس برضو محدش هيبيع الأرض عشان ورث وبرضو الرجال عندنا الأرض قيمتها كبيرة مع أن كثيرة بس لا وحاجات كتير والله بس مش عارفه
تم النشر الخميس، ٧ مايو ٢٠٢٦
وسؤال أخير: هل فعلا ممكن أكون ثرية بجد
تم النشر الخميس، ٧ مايو ٢٠٢٦
وعندي زهور وبعرف أزرعها وأهتم بيها وعندي أنواع كتير لأني قبل ما أعمل حاجة بتعلم عنها وبعملها بس مش هينفع أبيع زهور لأن عندنا في الصعيد محدش بيحب الزهور غير لو يعني بيت راقي فأنا عاملة حديقة عندنا مليانة زهور وأشجار كبيرة وكل العائلة بتحبها لأن أنا من عشاق الزهور بس الزهور زي ما قولت مش هتتباع في الصعيد الناس عندنا لو حد عايز بيقولي هاتي وردة شكلها حلو بيخدوها كنوع من أنواع الجيرة😂 حتى الخيل ربيت وعطيت ناس عندنا لأني زي ما قولت عندنا في الصعيد الحاجات دي عادية مش كنز يعني عشان كدا عايزة حاجة مختلفة
تم النشر الخميس، ٧ مايو ٢٠٢٦
وكمان عشان أكون صريحة أنا عايزة أكون ثرية ومعايا مال وبزنس وبرضو من غير ما أتابع..حد فاهم إزاي أكون تاجرة من غير ما أتعامل أنا
تم النشر الخميس، ٧ مايو ٢٠٢٦
مع العلم برضو أنا بعرف أربي كل أنواع الطيور وأهتم بيها وربيت حاجات كتير وعملت ٣ مشاريع منها بس سبتهم للبيت وأمي مستفيدة منهم، وكمان ربيت خيل 🐎 ومازال معايا بحب التجارة بس مش بخرج من بيتي غير للدراسة لأني من عائلة محافظة وأهلي علي فكرة مقتدرين يعني مش عايزين مني شغل ولا حاجة بس أنا عايزة أعمل دا ليا لنفسي بحب المزارع والتربية
تم النشر الخميس، ٧ مايو ٢٠٢٦
لعرض السؤال في فدني اضغط هنا