سلام عليكم
والدتي بقالها فتره رجلها اليمين بتوجعها ومش قادره تمشي عليها من كتر الوجع كل رجلها من اول تحت الظهر لحد آخر رجلها مش ركبتها وفي وجع في اسفل ظهرها بردو راحت لدكتور عظام قالها خشونه شديده والوجع دا جاي من ظهرها عشان عندها غضاريف اصلا مزمنه في الرقبه وفي ف اخر ظهرها بردو وكتبلها علاج عباره عن مسكنات ومضاد للالتهاب
بقالها عشر ايام ماشيه عليهم الوجع بيروح طول ما هي قاعده تقريبا ومش بتتحرك بس اول لما تمشي عليها وجع شديد جدا لا يمكن وصفه لدرجة بتفضل تصوت وتعض في الهدوم وجسمها من كتر الوجع بيصهد ومش بتبقا طايقه الهدوم الي عليها
هي حرفيا مش بتمشي خالص غير لما تروح الحمام فقط طول اليوم نايمه في السرير خايفه تمشي عليها وهي عندها الضغط بتاخد كونكور والمراره بس مش ملتزمة على علاج ليها
ارجو الافاده لاني مش عارفه اعملها ايه العلاج مش جايب نتيجه للعلم مجبناش تالت صنف من الدوا لان عرفت أنه للاكتئاب وكدا فخوفت تتعود عليها أو لو وقفته فجأه يعمل اعراض جانبيه بس لو مهم في حالتها حاليا هجيبه
السلام عليكم، طالما العلاج مش جايب نتيجة لازم رجوع للطبيب سواء الدكتور اللي تابعت معه أو تتابع مع حد أعصاب وتلتزم بالعلاج، ممكن الطبيب يلاقي إنها محتاجة فحوصات زيادة زي رنين مغناطيسي مثلا عشان يشخص السبب تحديدا ويكتب العلاج الأنسب للحالة. **** ولو فيه دواء مكتوب فيه إنه مضاد اكتئاب لكن الدكتور وصفه فالتزمي بالعلاج زي ما هو، فيه أدوية بتكون موصوفة للاكتئاب لكن بتستعمل عادي لأغراض تانية زي بعض أنواع الألم العصبي. **** أي دواء، لا يتاخد أو يتوقف فجأة أو تستمري عليه إلا بالرجوع للطبيب. *** النوم طول الوقت في السرير ممكن يزود الموضوع، الراحة الطويلة والرقاد بيأثر على العضلات وهيعمل تيبس وضعف في العضلات ويقلل التعافي، بس عامة بما إن الألم شديد متجبروهاش على الحركة أو عمل تمارين من الإنترنت، وارجعوا للطبيب لو فيه تمارين أو أي جلسات علاج طبيعي ممكن تساعدها. وألف سلامة عليها.
تم النشر الأحد، ٤ أكتوبر ٢٠٢٦
وعليكم السلام ورحمة الله. الوصفة الطبية التي أرفقتِها تحتوي على: Ezogast 40 Cap : مرة يوميًا قبل الأكل (حماية المعدة). Arthrofest 150mg : مضاد التهاب ومسكن. Copadexetine 30 cap : دواء للألم العصبي (غالباً يحتوي على دولوكسيتين). Coxritor 90 Tb : مضاد التهاب قوي (إيتوريكوكسيب). والدتك تعاني من ألم جذري (عرق النسا) ناتج عن الغضاريف والخشونة، وهذا النوع من الألم يحتوي على مكون عصبي قوي، لذلك يصف الأطباء أحيانًا أدوية مثل كوباديكستين لأنها تستهدف الألم العصبي المزمن وتساعد في تقليل شدة الإحساس بالألم عند الحركة. الدواء ليس مخصصًا للاكتئاب فقط؛ استخدامه في حالات مثل حالتها شائع ومدروس، ولا يُسبب الإدمان عند استخدامه بالجرعة المحددة. ومع ذلك، لا أستطيع أن أقول لكِ إنه ضروري أو غير ضروري ، لأن ذلك يعتمد على تقييم الطبيب المباشر لحالتها وشدة الضغط على العصب. بما أن الألم شديد جدًا ويمنعها من الحركة، ولم يستجب للمسكنات العادية بعد 10 أيام، فمن الأفضل مناقشة الأمر مع طبيب العظام مرة أخرى وشرح مخاوفكِ بوضوح حتى يوضح لكِ السبب والجرعة والمدة المتوقعة. لا تبدئي أو توقفي أي دواء بنفسكِ. إذا أردتِ، يمكنكِ البحث عن أسئلة مشابهة على فدني لتري تجارب أخرى، لكن القرار النهائي يبقى للطبيب المعالج. أتمنى لوالدتكِ الشفاء العاجل. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٢ أكتوبر ٢٠٢٦
اسال دكتور مش هنا خالص
تم النشر السبت، ٣ أكتوبر ٢٠٢٦
لعرض السؤال في فدني اضغط هنا