يعني المفروض محدش يتكشف عن التاني
مجرد ما الطفل يعرف يحمي نفسه ويعرف ياخد باله من الاخطار المحتمله كويس يبقى تتوقفي عن تحميمه وده غالبا بيكون في سن ٨ الى ٩ سنوات والاخطار المقصودة انك تعرفيه ازاي يفتح الميه ويضبط الساخن مع الساقع وانه لما يخلص يقفل السخن قبل الساقع عشان ميتلسعش او يتعرض لحروق الماء الساخن يتعلم انه يقف كويس في البانيو عشان ميتزحلقش ويصاب بكسور لا قدر الله يخلي الستارة تحجز المية جوة البانيو بعد ما يخلص يمسح الميه مكانه لو طالت الارض يعرف يحط شامبو ويشطف شعره كويس منه من غير ما يدخل في فمه او عيونه لو في سخان غاز في الحمام لازم يسيب الشباك مفتوح لما يخلص ويجي يلبس ميلبسش قصاد الشباك عشان مياخدش برد من تيار الهواء كل دي تعليمات بنفهمهاله وبندخل معاه مرتين تلاته في البدايه نتابع تنفيذه للخطوات وننبهه لو حاجه نسيها ولما نتاكد انه بقي عارف يستحمى لوحده نبدا نسيبه يستحمى لوحده ان شاء الله
تم النشر السبت، ٢٩ يوليو ٢٠٢٣
الطفل عموما مينفعش نعوده يشوف العورات المغلظة تماما ...مهما حصل اما كشفنا احنا لعورة الطفل ..سن 4 او 5 سنين كافى لانه بيقدر خلاص يقوم بالنضافة الشخصية لوحدة ومنها الاستحمام ...احنا مممكن نظبطله الميه بس ونوفرله المكان أمن . غير كده لازم يعرف انه مش بيتكشف على حد ويعرف انه ده ممنوع تماما. انما بقى اللى انت بتقوله فى كرحلة المراهقة .....ده خلل واباء غير اسوياء و عملوا كده والاولاد مثلا مش فى ظرف صحى يستدعى ده . حتى لو فى ظرف مرضى ...العورة المغلظة لازم تتغطى ..,...لو ده حصل يبقى الاباء دول عاوزين اعادة تأهيل
تم النشر الأربعاء، ٢ أغسطس ٢٠٢٣
هو الطبيعي حضرتك من بعد سنتين ما تكشفش عورتك ولا عورة الام أمام الابناء وده عشان الذاكرة عندهم بتنشط وبتبدأ تكون صور ومعلومات عن كل حاجة حواليهم لكن لو حضرتك قصدك ان انت تحميهم فا ده يكون لحد سن ٦ سنين او ٧ سنين ويفضل قبل كده كمان عشان الطفل يقدر يعتمد على نفسه بدري شوية لو انت الاب فا يفضل ما تكشفش نفسك نهائي قصاد الطفل ولا حتى سنتين لو الام يبقى بعد الفطام يفضل عدم كشف العورة امام الاطفال
تم النشر الجمعة، ٢٨ يوليو ٢٠٢٣
لعرض السؤال في فدني اضغط هنا