أنا بنت عزباء بحاول الفترة دي أحضر دورات عن الزواج الواعي وإزاي أكون زوجة واعية، والتربية وفهم النفس البشرية يعني بحاول قدر الإستطاعة أشغل نفسي ووقتي عن التفاهات وعن المحرمات عشان مفيش دارسة وأنا أصلًا بكره وسائل التواصل.
سؤالي؟ أنا لما بسمع حاجة بفضل أتخيل نفسي وأنا زوجة وخيالي بيكون واسع مع إني بسمع للمشايخ يعني مثلًا عبد الرحمن منصور وغيره والأغلبية مع بنات بس أنا خايفة يكون الخيال حرام وخايفة أكتر إني أكون راسمة حياة في دماغي مثالية؟؟
أنا بقدم عذري عن السؤال دا بس أنا ممكن أتخيل لأبعد حد ودا بيثير شهوتي وخاصة الشيخ بيقول لأزم المتزوجة تكون عارفة وفاهمة؟
من رأيكم أوقف أو إزاي أوقف تفكير أفصل يعني؟
مش بس خيالي في العلاقة الزوجية لأ أنا كمان بعمل شغل البيت كأني بعمل لزوجي وبنضف أمر مضحك ساعات بهتم بـ أخواتي كأنهم أطفالي مانا في خيالي اتزوجت وخلفت وبدأت أكون أم واعية حتى زوجت عيالي بدري في خيالي😂
"إن الله تجاوز لأمتي ما حدثت به أنفسها، ما لم تعمل أو تتكلم به" لو الخواطر بتجيلك غصب عنك متسترسليش معاها و تفضلي تعيشي فيلم لأنك أنت اللي هتحسي بالتعب و الإرهاق النفسي بعد الجواز لو حياتك مبقتش زي ما أنت عايزة فكرة اصلا انك تعيشي الحلم في دماغك بيديك نفس كمية الدوبامين اللي انت بتاخديه ساعة ما تحققيه ما بالك بقي لو معرفتيش تحققيه علشان كده إحنا شباب هذا الجيل معظمنا مكتئب و فاقد الثقة بنفسه و غالبا مش هيتحقق ١٠٠% زي ما انت رسماه في دماغك اللي هيخليك تحسي اني حياتك قبل الزواج كانت احسن لأنك كنت بتوهمي نفسك بأحلام الطرف الآخر فيها ميعرفاش و لا مجبر ينفذها دي بشكل نفسي بشكل ديني ده أحد خطوات الشيطان اللي آخرتها هتنتهي بأنك تكوني عايزة جرعات دوبامين أكبر و بالتالي تكوني عايزة تجربي تعيشي كده حتي لو أتأخر جوازك فخيالك مشكلة و آثم طالما بتعيشي معاه الحل : ببساطة عليك انك تشغلي نفسك بما هو مفيد زي حفظ القرآن طلب العلم أخذ كورسات و غيره ساعتها مش هتبقي فاضية انك اصلا تعيشي مع خيالك و ده مش حاجة غريبة كلنا كده أنا مثلا كنت بحب الأنمي بتخيل دائما أني بطل و بحارب و أقتل فدي حاجة مش غريبة بس عليك التوقف منها و ده بطلب العون و القوة من ربنا سبحانه وتعالى
تم النشر الأحد، ١٢ يوليو ٢٠٢٦
أختي العزيزة، شعورك طبيعي جدًا ويظهر مدى حرصك على الاستعداد للحياة الزوجية بوعي ومسؤولية، وهذا أمر إيجابي يستحق التقدير. أنتِ تحاولين شغل وقتك بما ينفع وتبتعدين عن المحرمات، وهذا يدل على نية طيبة، لكن الخيال الواسع الذي يصل أحيانًا إلى إثارة الشهوة قد يصبح مصدر قلق، خاصة إذا أصبح يشغلك عن الحاضر أو يرسم صورة مثالية قد لا تتحقق بالضبط. من الناحية الإسلامية، الأفكار والخيالات لا تُحاسب عليها إذا لم تتحول إلى أفعال أو نية سيئة، لكن إذا أدت إلى إثارة أو إلهاء مستمر، فمن الأفضل السيطرة عليها للحفاظ على راحة قلبك وصفاء ذهنك. يمكنكِ البدء بتحديد "حدود" للخيال: عندما يبدأ، حاولي تحويله فورًا إلى دعاء صادق مثل "اللهم ارزقني زوجًا صالحًا وأسرة مباركة"، أو التركيز على جانب عملي من الدورات التي تستمعين إليها، مثل تطبيق نصيحة واحدة في حياتك اليومية مع أهلك أو في تنظيم وقتك. للفصل بين الخيال والواقع، اجعلي التحضير أكثر واقعية من خلال كتابة قائمة بما تتعلمينه (مثل مهارات التواصل أو التربية) وطبقيها تدريجيًا في حياتك الحالية، مثل الاهتمام بأخواتك بطريقة عملية دون الغرق في السيناريوهات. هذا يساعد على تقليل الخيال المفرط ويبني ثقة حقيقية. تذكري أن الحياة الزوجية ليست مثالية دائمًا، والوعي الحقيقي يأتي من التوازن بين الطموح والقبول بما يقدره الله. إذا استمر الشعور بقوة، جربي البحث عن أسئلة مشابهة على فدني للحصول على وجهات نظر إضافية من النساء اللاتي مررن بتجارب مشابهة. أنتِ على الطريق الصحيح، واستمري في جهودك مع الدعاء والتوكل.
تم النشر السبت، ١١ يوليو ٢٠٢٦
هو ما ينفعش أنك تسترسلي في الأمور اللي بتثير الشهوة، الخيال المتعلق بالأسرة والتربية طبيعي ييجي في بالك بس المشكلة لو أثر بالسلب على لحظتك الحالية وخلاكي تنسي الواقع، وازني بين المحتوى اللي بتشوفيه ومتخلوهاش عن الزواج بس، ممكن تغيري المحتوى مؤقتا لديني برده ولكن مش عن الزواج
تم النشر الأحد، ١٢ يوليو ٢٠٢٦
مفيش حاجه بعيدة عن ربنا ف ادعى له بكل اللى عايزاه و اتعلمى واطمحى لحاجات كبيرة ايه المشكلة
تم النشر السبت، ١١ يوليو ٢٠٢٦
أنتى بتتخيلى حاجه نفسك فيها ف ده أمر طبيعى فى النفس البشرية حاجه عاوزاها مثلا فبااتخيلها دايما ف ده غصب عنك بس حاولى ماتفكريش فى العلاقات الزوجيه عشان ممكن يخليكى تعملى حاجات حرام ممكن تغيري ال content المحتوى ده بقصص أو روايات فيها مغزى مثلا ابعدي عن الروايات الرومانسية واللى بتثير الغرائز وإن شاء الله يجيلك ابن الحلال
تم النشر الثلاثاء، ١٤ يوليو ٢٠٢٦
بدال هيخليكٍ تفكري في أموره تُثير الغريزه فأنا أنصح ان حضرتك تسبيها دلوقتي لحد ما يجيلك ابن الحلال لكن بدليه بمحتوى دينى اكتر فان كان القلب كويس هيبقي صعب عليكٍ انك تفكري بالتفكير الشهوانى دة تاني
تم النشر الاثنين، ١٣ يوليو ٢٠٢٦
خاصة طموحي بيكون عالي لما الشيخ يتكلم عن علاقة الرسول صلى الله عليه وسلم بسيدة عائشة
تم النشر السبت، ١١ يوليو ٢٠٢٦
لعرض السؤال في فدني اضغط هنا