كان متقدملي واحد كويس و كان معجب بيا جدا ومتمسك حتي لما باباه جاء وقعدنا قعدة الاتفاق حصل خلاف واليوم متقفلش ع اتفاق وبعدين كلمنا ولما عرف اننا مضايقين جه و حاول يراضينا ونوصل لحل وسط والدنيا مشيت الحمد لله ، وكان باين انه متمسك مع انه صالونات عادي ، وتمسكه ده خلاني اقتنع به رغم اني كنت لسه بفكر وعايزه اخد وقت وهو كان مستعجل ع الخطوبة والفرح وكل حاجه،
المهم بعد تالت أو رابع مره زيارة كنت بقوله في وسط الكلام ان خالي معتقل ظلم سياسي فهو خاف وقالي ازاي ودي حاجه تقلق وانا قولتله عادي والموضوع عادي فعلا ومش مأثر علينا ف حاجه ف هو قالي لا الشغل هياثر عليا هو تاجر ، وبس الموضوع اتقفل بعدين جه تاني اتكلم فيه علشان بيقول مش فاهم واول مره اتعرض لحاجه زي كده وبس وخلص الموضوع بعدين فتحه تاني وماما قالتله استخير وبرحتك وقال لا لا انا بس بكلمكو زي ماما وبابا وهو ماشي قال لبابا هكلمك نتفق ع يوم اجي فيه بعديها كلم طنط الوسيط وقالها انه مش هيقدر يكمل علشان موضوع خالي وقال انه محرج يكلم بابا متجرءش حتي يكلم بابا وقال هتقولو عليا ندل
انا بس مش فاهمه ازاي فيه ناس كده؟؟
وده طبيعي انا مش مستوعبه الموضوع
رغم انه كان متمسك بس كان جبان اوي ومحاولش ولا تعب نفسه حقيقي تخذلت
🎤 إجابة صوتية
تم النشر السبت، ٥ أبريل ٢٠٢٥
مش نصيبك وأكيد ربنا هيعوضك بالأحسن واللي حصل دا إشاره بإن الجوازه دي مفيهاش خير ليكي المهم انك تنسيه ومتفكريش في الموضوع تاني ولا تلومي نفسك ولا اهلك على حاجه ملكوش ذنب فيها واستعوضي ربنا وادعيله أن يبعتلك ابن الحلال الي يستاهلك فعلا
تم النشر السبت، ٥ أبريل ٢٠٢٥
هو اكيد كان معجب بيكي جدا زي ما بتقولي وشاف فيكي صفات ومميزات حلوة جدا والكلام دا ينطبق علي اهلك برضو اكيد شاف فيهم مميزات ودا خلاه ميسبش الفرصة تضيع من ايده بسهولة لكن انتي شوفتيه علي اساس انه تمسك في حين أنه ممكن يكون شايفك فرصة مناسبة ومش هيلاقي زيها تاني ودا كان باين جدا من استعجاله خاف تسيبيه لو لاحظتي عيوبه، مفيش حد بيتمسك بحد اول مرة يشوفه كدة مش منطقي خصوصا ان مفيش بينكم اي حب ولا كنتوا تعرفوا بعض حتي، انتي قلتي انه تاجر وارد جدا انه كان داخل الجوازة دي كأنها صفقة ولاقي ان هو الكسبان في الأول بس بعدين حس بتردد لما لاقي ان موضوع خالك ممكن يأثر عليه (معتقدش انه ممكن يأثر عليه اصلا) وقال خلاص طالما انا مش كسبان ١٠٠% يبقي بلاش وطلع اكتر حد جبان في الدنيا لأنه خاف يواجه ويبقي راجل ومن الواضح انه كان استغلالي حتي لو ملحقتيش تاخدي بالك بس كان هيبان بعدين دا غير عيوب تانية كانت لسه هتبان، بجد احمدي ربنا انه مشي ربنا دايما بيكتب الخير لينا، وموضوع خالك دا استخدميه كاختبار لما يجي يتقدملك حد تاني عشان تعرفي الراجل بجد من الجبان
تم النشر السبت، ٥ أبريل ٢٠٢٥
أفهم تمامًا مشاعرك وما تعانين منه بعد هذا الموقف، وأعلم أن الأمر ليس سهلًا. في العلاقات، من المهم أن نبحث عن الشجاعة والوضوح في التواصل، خاصة عندما نواجه قضايا حساسة مثل اعتقال أحد الأقارب. يبدو أن الشخص الذي تقدم إليك لم يكن لديه القدرة على التعامل مع هذا الأمر بشكل ناضج، مما جعله يشعر بالقلق والتردد. قد يكون من المفيد أن نأخذ الوقت للتفكير في ما تريده حقًا في العلاقة. من المهم أن تكوني مع شخص يشعر بالثقة والقدرة على مواجهة التحديات، فضلاً عن الاحترام لمحيطك وظروفك. يجب أن تعتمد العلاقات على الصدق والدعم المتبادل، ولا يجب أن يكون هناك خوف من التحدث أو مشاركة المخاوف. إذا كنت تودين، يمكنك دائمًا التحدث مع شخص تثقين به حول مشاعرك، أو ربما تحتاجين لبعض الوقت للتأمل فيما تريدين من المستقبل. لا تنسي أنك تستحقين شخصًا يقدرك ويكون قويًا في دعمه لك. تذكري أنه من الجيد أن تكوني بكامل قوتك وأن تتخذي القرار المناسب لك.
تم النشر السبت، ٥ أبريل ٢٠٢٥
متحزنيش الأمر طبيعي جدا وده شخص قام بالاختيار، يعني احنا فترة الخطوبة معمولة عشان نعرف بعض ومعرفة النقط البيضا والسودة ممكن يكون شخص قلوق خايف مثلا يتعرض لحاجة جديدة عليه أو متصور في دماغه بقى ان خال حضرتك من فجر الاسلام وكدا الله اعلى واعلم لا هو امر طبيعي جدا جدا يعني فرضا لو انعرفتي على حد مثلا وحصل وعرفتي عنده حاجة مش عاجباكي الموضوع طبيعي طالما دي فترة تعارف اللي مش طبيعي انكم تداروا على بعض ومتخليش دي نقطة ضعف عندك او زعل حتى
تم النشر الأحد، ٦ أبريل ٢٠٢٥
خلي الموضوع يمر طبيعي زي ماهو اعتبره طبيعي وهذا أفضل لك انه ماتم الزواج
تم النشر السبت، ٥ أبريل ٢٠٢٥
ببساطة شديدة جدا . دا مش نصيبك اللى ربنا قدره فى علم الغيب عنده . فمتزعليش نفسك . اهم حاجة احسنى الاختيار فيما بعد و اعلمى أن 90% من سعادتك أو شقائك تتوقف على اختيارك فى الزواج
تم النشر السبت، ٥ أبريل ٢٠٢٥
لو كان خير ليكي كان هيفضل موجود و مش هيسبك و اللي بيحب حد بجد مش هيخاف من اي حاجه مهما كنتي مين و لا حصل ايه عشان هيحبك انتي المفروض تفرحي عشان ربنا بعده عن طريقك و ربنا عمل كدا عشان يغير طريقك عشان في حاجه احسن مستنياكي توكلي على الله و كل حاجه هتتحل و لو الموضوع تاعبك اوي تقدري تروحي لأخصائي نفسي ربنا يوفقك يا جميله و يجمعك بالشخص اللي يستاهلك
تم النشر السبت، ٥ أبريل ٢٠٢٥
لعرض السؤال في فدني اضغط هنا