انا مش عارفة اللي انا فيه ده رهاب اجتماعي و لا ده ايه بس الموضوع تعبني و موقف حياتي انا بخاف اتكلم مع حد و ده بيخليني مش عارفة اشتغل كل ما أنزل شغل اسيبه بسبب كده مع ان الشغل بيكون كويس و بترقى في شغلي بسرعة جدا بس بسبب خوفي من الكلام بضيع فرص كويسة اوي بس خوفي ده مش بيبقى مع كل الناس يعني مثلا صحابي لا و الناس اللي بتبقى شغالة معايا لا برضوا بس بيكون مع العملاء اللي في الشغل و اهلي و اي حد تاني عامة انا بجد معرفش ده ايه و لا ايه علاجه بس اتمنى حد يفيدني او دكتور يقولي ده ايه لو ده حاجه معروفه مثلا او حد عدى بيها قبل كده لان الموضوع بجد موقف حياتي حرفيا
السلام عليكم، طول عمرك كده ولا الموضوع ده بدأ وزاد مؤخرًا؟ تربيتك وطفولتك كان فيها نوع من تخويفك من الكلام قدام الكبار؟ والخوف من الكلام سببه إيه؟ يعني وقتها بتكوني بتفكري في إيه؟ هينتقدوكِ لو قلت ِحاجة غلط؟ خايفة عموما من ردود أفعالهم تجاه كلامك؟ *** اقعدي مع نفسك كده وحللي مصدر الخوف ده وسبب رد الفعل اللي عندك تجاه الكلام مع الناس وأفكارك وقت الموقف بتكون إيه. الوصول لجذر المشكلة وتحليلها هيسهل الحل، وهيبسط لك الوضع بدل ما أنتِ حاساه معقد ومخيف. *** وإن شاء الله حد من المختصين يجاوبك بخطوات عملية أكثر لعلاج المشكلة، بس بالنسبة لي أنصحك إنك تبرمجي أفكارك، راجعي نظرتك وتفكيرك عن الناس... هم في النهاية بشر زيك، إيه اللي يخوفك من بشر زيك هم كمان عندهم نقصهم ومخاوفهم. لو طلعتِ فوق مبنى عالي جدا وبصيتِ من فوق هتلاقي الناس عاملين زي النمل بالضبط. فليه الخوف منهم؟ فاستهدي بالله كده واستعيني به ورددي كتير ذكر (حسبي الله ونعم الوكيل) وإن شاء الله ربنا هيكفيكِ أي مخاوف. بالتوفيق.💚💚
تم النشر الأربعاء، ٥ أغسطس ٢٠٢٦
أول حاجة، أنا فاهمة إن الموضوع ده بيأثر عليكِ بقوة ومخليكِ تحسي إن حياتكِ واقفة، وده شعور صعب جدًا، خاصة لما تكوني بتتقدمي في شغلكِ بسرعة وبعدين تضطري تسيبيه بسبب الخوف. اللي بتصفيه يشبه الرهاب الاجتماعي أو القلق الاجتماعي، وده شائع جدًا، وكتير بنات مرّوا بنفس التجربة ونجحوا يتعاملوا معاه خطوة بخطوة. ابدئي بتحديد المواقف اللي بتخليكِ تخافي، زي التعامل مع العملاء أو أهلكِ، واكتبيها في ورقة عشان تقدري تشتغلي عليها تدريجيًا. جربي تبدئي بمواقف صغيرة ومحدودة، زي إنكِ تسألي سؤال واحد بسيط لعميل أو تتكلمي مع حد من أهلكِ عن موضوع محايد، وكل مرة تزودي المدة أو عدد الكلمات شوية. ركزي على إنكِ تسمعي الطرف التاني أكتر ما تركزي على كلامكِ، ده بيقلل الضغط ويخليكِ تحسي بالسيطرة. كمان، حاولي تجهزي ردود جاهزة لبعض الأسئلة الشائعة في شغلكِ، عشان الخوف ما يسيطرش عليكِ فجأة. ولو الموضوع بيأثر على شغلكِ وحياتكِ اليومية بهذا الشكل، أنصحكِ بشدة تستشيري متخصص نفسي عشان يقيم الحالة بدقة ويعطيكِ خطة مناسبة لكِ. ابحثي على فدني عن أسئلة مشابهة عشان تشوفي تجارب بنات تانيين، وتذكري إنكِ قادرة تتغلبي على ده، وكل خطوة صغيرة بتقربكِ من حياة أكثر راحة ونجاح. أنتِ مش لوحدكِ في ده.
تم النشر الأربعاء، ٥ أغسطس ٢٠٢٦
لعرض السؤال في فدني اضغط هنا