السلام عليكم، ربنا يوفقك وتقدري تنفذي أفكارك وتكون مفيدة وبديل محترم للتطبيقات التانية. مقدرش أفيدك من الناحية البرمجية، لكن هل فكرتِ تتعلمي برمجة التطبيقات ولا مش مهتمة والموضوع كله وجود أفكار عاوزة تخرجيها للنور. يعني برأيي كده جربي الأول في دورات بسيطة ممكن تحبيها وساعتها تقدري تنفذي أي فكرة عندك وتتابعيها للآخر صح. استخدام الذكاء الصناعي والمواقع البرمجية ممكن يساعد بس برضه مش مضمون يكون صح ودقيق، ساعات بيكون فيه أخطاء وأكواد مش صحيحة فالأفضل يكون حد دارس عشان يعرف إن كان فيه مشاكل في الأكواد اللي برمجها. أو الحل الأخير إنك تعرضي الفكرة على مبرمج تطبيقات، بس طبعا ده هيكلفك ماديا. *** جربي كده، اقتطعي بعض الوقت عندك ولو ساعة يوميا وابدئي تعلمي برمجة تطبيقات. دي بعض الدورات لو حبيتي. (لتطبيقات الأندرويد) https://www.edraak.org/programs/course/ap101-vt1-2020/ https://www.youtube.com/playlist?list=PLYpOIWrvoIFN2dRTwj2QFdpw7dnAr5yxC بالتوفيق.
لعرض الإجابة في فدني اضغط هنا