انا متقدملي شخص انا معرفوش ومشوفتوش قبل كدا وللأسف انا مش مؤهله نفسياً لفكره الخطوبه او الجواز دلوقتي لاني مريت بخطوبه صالونات قبل كدا وكانت سيئه جداً ومش عارفه اعمل اي أرفض ولا اوافق وادي فرصه للشخص يمكن يطلع غير اللي فات انا عارفه ان مش كلهم زي بعضهم ومش المفروض اني احكم علي حد معرفوش بس انا حقيقي مش مؤهله نفسياً لدا..
اعمل اي؟؟
حياتنا حاضر لينا لكن بالنسبة لله عز وجل ماضي.. ﴿أَلا يَعلَمُ مَن خَلَقَ وَهُوَ اللَّطيفُ الخَبيرُ﴾ [الملك: ١٤] بناء عليه الوحيد اللي عارف الأمر اللي فيه خير لنا هو الله و أحيانا بيسوق لينا الخير في هيئة أمور مش علي هوانا أمور ممكن حتي نبقي رافضينها.. مش بقولك خدي العريس،.. بقولك خدي بالاسباب. لعله يبقي إنسان كويس و زوج مناسب ليكي.. بس متتنازليش عن حقك في انك تاخدي وقت تعرفيه كويس و تسألوا عليه و تعرفوا ظروفه، و تشوفوا هو مناسب ولا لاء. تقديرا لرجل دخل البيت من بابه، اقل شيء يستحقه فرصة عادلة.... الطبيعي ان حد يدخل يقولك.. كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ ۖ وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ. وصحيح الآية جت في سياق الحرب و الجهاد لكن.. المبدأ قابل للتعميم على الحياة كلها، ليس فقط على الحرب. أي موقف في الحياة، سواء صعب أو مرغوب فيه، يمكن أن يكون فيه خير أو شر بحسب علم الله. هذا يشجع على الصبر والرضا بحكمة الله، حتى لو لم نفهم الأسباب في اللحظة نفسها. يعني عمليًا، لو مريت بظروف صعبة أو لم تحقق ما تريد، الآية تذكرك أن الله أعلم بما هو خير لك، وما تظنه شرًّا قد يكون فيه خير مستقبلي، وما تحبه قد يكون مضرًا لك. و ربنا يوفقك ان شاء الله
تم النشر الثلاثاء، ٢٣ سبتمبر ٢٠٢٥
اعملي استخارة الاول وساعتها ربنا هيوجهك للصح ولو ليكي نصيب معه انتي تحاولي تغيري ايه غلط حصل في الخطوبه الاولى عشان متقررش تاني وتحفاظي على مشاعرك ومحدش يجرحك تاني انك متديش أي شخص كل حاجه في الأول او تسمعي كلام كتير حلو في الأول متعلقيش بيه لازم تكون عاملة احتياط انك ممكن في يوم من لأيام متكونيش مع الشخص ده وساعتها مشاعرك هتكون كويسه ومحدش يقدر يدوسلك علي أي طرف
تم النشر الأربعاء، ٢٤ سبتمبر ٢٠٢٥
اذا كانت الخطوبة من مدة طويلة فتوكلى على الله عشان تكسرى الحاجز اللى اتبنى عندك ووقفى هروب من الموضوع اذا كانت الخطوبة السابقة قريبة فخدى وقتك لحد ما تقفلى الموضوع نفسيا صح
تم النشر الأربعاء، ٢٤ سبتمبر ٢٠٢٥
مرحبا شهد، شكراً لثقتك ومشاركتك هذا الموقف، وهو بالفعل موقف صعب ومحير خاصة بعد تجربة سابقة مؤلمة في خطوبة صالونات. أول حاجة أحب أقولها لكِ، إن مشاعرك واحتياجك للوقت للتعافي نفسيًا واحترامك لنفسك ومشاعرك شيء مهم جداً، وما فيش حاجة غلط في إنك تدي نفسك فرصة تلتئم وتستعيدي توازنك الداخلي قبل أي خطوة جدية في حياتك العاطفية. فيما يتعلق بموضوع تقدم الشخص الجديد: لا تضغطي على نفسك : لا تجبري نفسك على الموافقة أو الرفض بشكل فوري. خدي وقتك في التفكير، واطلبي من نفسك مساحة لفهم مشاعرك الحقيقية. كوني صريحة مع الشخص اللي تقدملك : ممكن تعبرى له بصراحة عن موقفك الحالي، إنك ليستي جاهزة نفسيًا للخطوبة أو الجواز في الوقت الحالي، وأن تجربة سابقة أثرت عليك. الصراحة تعكس احترامك لنفسك ولنفسه، وهي مؤشر على نضجك. فكري في الهدف الحقيقي من الخطوبة : الخطوبة مش مجرد خطوة اجتماعية، لكنها مرحلة للتعارف الحقيقي والتأكد من التوافق والراحة النفسية، فلا تستعجلي. اطلبي دعم من مختص نفسي إذا شعرتِ بالحاجة : تجربتك السابقة تركت أثر نفسي، وإذا شعرتِ أن الأمر يحتاج دعم مهني أكثر، يمكنك زيارة أحد خبراء علم النفس أو الحياة الزوجية المتواجدين في موقع فدني عبر صفحة الخبراء. إذا كان الخوف هو جزء كبير من أسباب ترددك، التفكير خطوة خطوة بالراحة وعدم الاستعجال، هو أفضل طريق. وأخيراً، تذكري أن الله سبحانه وتعالى يحب الإنسان الذي يحنو على نفسه ويحترمها، ويوفقك لما فيه الخير لكِ في حياتك. لو حبيتي، ممكن تبحثي في فدني عن تجارب نساء تانيات مروا بنفس الظروف، أو تطرحي سؤال جديد لتسمعي وجهات نظر مختلفة. أنا معاكِ إذا احتجتي تتكلمي أو تفكري في الموضوع أكتر. كيف تحبي أساعدك أكتر؟
تم النشر الثلاثاء، ٢٣ سبتمبر ٢٠٢٥
اولا ربنا يكتبلك الخير ... كلام الناس وفى وكفى لكن انا من رائي اكتر واحد يحكم اذا كان ينفع او لا هو انتى وشايف انسب حاجة عشان تحددى انك تصارحى نفسك وتجاوبيها.. اول حاجة الراحة اول ماتسمعى كلمة خطوبة او جواز بتحسى انك مرتاحة ولا خوف وقلق.. طيب تجربتك القديمة كل ماتفتكريها لسا بتوجعك ولا بقيتى تقدرى تحكى عنها بهدوء وتقبل... طيب انتى اصلا عندك تصور انتى عاوزة اى من شريك حياتك ولا لسا بتحتارى وتدورى... بينك وبين نفسك هل انتى قادرة تفتحى قلبك لحد جديد تدخلية حياتك وتعيشي معاة تفاصيل يومك وتشاركية حياتة وتبادلية المشاركة والاهتمام... وازنى الموضوع بين قلبك وعقلك تكونى مرتاحة ويكون فى منطق سواء بالقبول او الرفض.. حاجة اخيرة.. اعترفى بمشاعرك عادى انتى متلغبطة وخايفة بعد تجربة وحشة مريتى بيها ومتستعجليش وتحطى ضغط ع نفسك ف القبول او الرفض ولازم يكون فى بالك ان الصالونات مش مقياس والاهم انك لازم تركزى على نفسك الاول ولما تحسي انك كخطوة اولى انك جاهزة نفسيا وذهنيا خدى الخطوة التانية..وربنا يوفقك
تم النشر الأربعاء، ٢٤ سبتمبر ٢٠٢٥
حاضر شكراً ليك
تم النشر الأربعاء، ٢٤ سبتمبر ٢٠٢٥
المشكله اني خايفه
تم النشر الثلاثاء، ٢٣ سبتمبر ٢٠٢٥
طب بالعكس اللي حصل لك نعمة عشان تكوني انتي وأهلك حذرين في الاختيار وتسألوا كويس عن الشخص وعن عائلته وسمعته .. اتخطي اللي حصل ففي النهاية هو الراجل اللي غلطان مش انتي .. واستغلي الفرصة عشان تسألوا كويس عن الراجل الجديد
تم النشر الأربعاء، ٢٤ سبتمبر ٢٠٢٥
لا
تم النشر الأربعاء، ٢٤ سبتمبر ٢٠٢٥
وكان مبيتصنعش انه طيب مثلا ؟
تم النشر الأربعاء، ٢٤ سبتمبر ٢٠٢٥
كان عصبي اوي وتفكيرو عيال صغيره مؤذي نفسياً وغيرو حاجات مينفعش تتقال
تم النشر الأربعاء، ٢٤ سبتمبر ٢٠٢٥
بشكل عام اي الي حصل المرة الأولى والخوف انه يتكرر
تم النشر الأربعاء، ٢٤ سبتمبر ٢٠٢٥
هتبقى مجرد خطوبه وتعرفوا على بعض يمكن يكون شخص كويس يحسنك نفسيا
تم النشر الثلاثاء، ٢٣ سبتمبر ٢٠٢٥
في التأني السلامة .. من حقك تسألي عنه وتعرفيه لفترة طويلة عشان تعرفي حقيقته مش اللي هو بيبينه
تم النشر الثلاثاء، ٢٣ سبتمبر ٢٠٢٥
لعرض السؤال في فدني اضغط هنا