السلام عليكم ورحمه الله وبركاته انت ما شاء الله واضح انك ناضجه وما انجرفتيش لمساله الارتباط للي في نفس سنك ولكن في عندك احتياج هو احتياج نفسي طبيعي وهو الاحتياج للأب و لشخص تحسي ان هو اللي عنده القدوه اللي عنده الحكمه اللي تقدري تستشيريه اللي تقدري يكون بالنسبه لك هو المرشد في حياتك وتحترمي رأيه ولانك لقيتي ده موجود عند المعلم فلذلك بدأت تنجذبي به هو برده واضح ان هو حب فكره انك مدياله الاحتياج ده والاحساس ده انه حد دايما محتاج له فلذلك برده للاسف محطش حدود وما كانش بيتعامل بأي اخلاق سواء اخلاق المهنه او اخلاق الرجل ان هو يفهمك انه ده ما ينفعش وهنا نعرف ان هو مش في المكان الصح في كل الاحوال الشخص ده مش في المكان الصح ولا هو معلم محترم ولا هو رجل محترم لأنه لو كان معلم محترم كان بيتعامل بمهنيه وما كانش يبقى فيه أي مساحه خالص انت تنجذبي فيها عاطفيًا بالشكل ده او احتياجيا وتشوفيه في اي مكان غير المعلم وكرجل برده هو معندوش الدرجة دي من الاحترام يوقف فيها عند الحدود اللي بتخليه يشوف انه ما ينفعش ان هو يتكلم معك وانت لا تمثلي من اي شيء ليه غير انك طالبه اللي عنده. نبدا نشوف الراجل ده صح بقى هو مش جميل ولا حاجه نشوف بقيه اللي فيه هو شخص غير امين هو شخص غير مهني ومش هو احسن حد حتى ناخده قدوه او ثقه او سند لانه زي ما هو ساب الحدود مفتوحه وسابني اقع واغلط بحجه ان هو كمان ما قدرش يسيطر على نفسه فده معناه انه برده ممكن ما يسيطرش على نفسه في حاجات ثانيه ويتعدى حدود وياذيني ازاي انا احط نفسي في الوضع ده وازاي انا اقيم اللي شخص زي ده. بصي للاحتياج اللي عندك، انا شفت في التعليقاتك انه والدك ووالدتك منفصلين، حاولي تقربي بعلاقتك من والدك شويه لو ده متاح لو ده مش متاح فاحنا محتاجين يكون عندنا قدوه ذكوريه من العائله جد عم خال. اي حد يكون من المحارم ونقدر ان احنا نوضح علاقتنا به ونشوفه وهو السند علشان ما يبقاش ده منفذ مفتوح ممكن نقع فيه مره ثانيه بالشكل ده.
انا مقدرة رأي حضرتك ومحترماه جدا ،وانا بجد والله بحاول اعمل الحل اللي حضرتك قلتِ عليه ،بس انا للاسف جدي ميت واخويا متجوز وبعيد عني وبابايا مش بقابله كتير بسبب مشاكله مع ماما ،خالي متخانق مع امي وعمي عدو العائلة ،انا فعلا مليش اي حد ،ومش عارفة حتي اشكي المشكلة لمين ،انا بجد من ضعف حياتي انا دخلت هنا يمكن الاقي حل او أطفئ نار الذنب اللي فيا ،انا عمري ماكنت كدا وعمري ما كنت يرتكب سيئات بالحجم ده ،بس انا لقيت نفسي بعمل كل ده ،حاجات انا عمري ف حياتي م توقعت اني اعملها ومبادئ كنت رفضها ،انا بجد بحبه جدا ويحاول ابعد ،بحاول بكل ما فيا رغم أنه بجد صعب
تم النشر الأحد، ٢ مارس ٢٠٢٥
لعرض الإجابة في فدني اضغط هنا