السلام عليكم، أولا، ربنا مش هيعاقب حد بعد توبته، فانكشاف السر مش معناه عقاب، ممكن ابتلاء لحكمة ربنا وحده يعلمها. بالنسبة لقصة صاحبتك، جايز الحكمة من الابتلاء ده إن فيه مشكلة في زواجها من الشخص ده ومحتاجة موقف زي ده ورد الفعل عشان تراجع نفسها وعلاقتها به. ربنا وحده العالم، بس أنا مؤمنة إن ربنا مش هيعاقب شخص تاب وأخد فعلا خطوات التغيير زي ما هي عملت. ممكن اللي يبان لنا كأنه عقاب أو محنة هو منحة فيها الخير. *** عامة هي مغلطتش. شرعا مش من حقه يعرف حاجة عن ماضيها ولا يحاسبها عليه. هو واضح إن الموضوع موقفش عنده عند نقطة الحجاب، هو ممكن فكر لأبعد من كده، مش بعيد يكون لماضيه تأثير خلاه يشك في إنها تكون مخبية أكتر من مجرد إنها مكنتش لابسة الحجاب. *** بالنسبة لك، مفيش داعي تخافي إن يحصل معك موقف شبيه أو إن ذنوبك سترها ينكشف بعد التوبة، أولا هي مش قاعدة خالص انكشاف الستر بعد التوبة ومش معناه لو حصل إنه عقاب. ثانيا، الأفكار دي بتبقى وساوس من الشيطان عشان يشككك في توبتك ويخليكِ عايشة في خوف وقلق طول الوقت وكمان يشككك في رحمة ربنا. تجاهلي الأفكار دي وادعي ربنا دايما وواظبي على ذكر (حسبي الله ونعم الوكيل) ردديه كتير وبيقين من قلبك وإن شاء الله ربنا هيكفيكِ أي حاجة خايفة منها.
السلام عليكم، أولا، بعتذر عن التأخير في الرد... بالنسبة للسؤال اللي فيه منشن لحد من الأعضاء بيكون مخفي ولما الشخص اللي عاملة له منشن بيجاوب السؤال بيظهر للكل. *** بالنسبة للمشكلة، فأهم حاجة دلوقتي إنك تكوني تبتِ... إذا خلاص تبتِ وبدأت تعملي طاعات زي ما قلتِ فخلاص إن شاء الله توبتك مقبولة، ركزي على الحاضر ومتفكريش في أي حاجة حصلت مهما كانت. كلنا بنغلط وكل إنسان له ذلات ومحدش بعيد عن الوقوع في الفتن حتى لو واثق إنه عمره ما يقع... لكن ربنا خلقنا لما بنغلط نقدر نرجع ونتوب. فركزي بس على توبتك وانسي اللي فات. لازم تنتبهي إن أفكارك دي سببها الشيطان، هيفضل يوسوس لك أنتِ إزاي عملتِ كده ويحسسك قد إيه كنتِ وحشة ولازم تفقدي الأمل في نفسك... هيفضل يشككك في توبتك وفي رحمة ربنا وفي تغيرك. مش قدامك غير تلجأي لربنا وتدعيه يثبتك على التوبة والهداية ويبعد عنك وساوس الشيطان. لو لسه الوسواس مسيطر ومش قادرة تتخطي بعد فترة هيبقى أفضل تتواصلي مع خبيرة نفسية أو مدربة حياة من الموجودين في قائمة الخبراء هنا، ممكن تحتاجي متابعة بخطوات عملية أكثر تخلصك من إحساس الندم والوسواس أو لو لسه فيه إدمان بتجاهدي عشان مترجعيش له. ربنا معك ويثبتك ويهديك لكل خير إن شاء الله.
تم النشر السبت، ٢١ فبراير ٢٠٢٦
انا بنت 19 سنه عندي زنب ويعتبر تماديت فيه وهو انه اكتشفت احدب لتطبيقات وراسلت شباب وحاسه ادمنت الطريق دا انا بعدت حاليا وبعمل طاعات مش قادرة اتخطي للاسف اني ازاي عملت كدا فطرتي مش كدا بس اهلي بعاد عن بعض انا والله مش عارفه اتخطي بجد
تم النشر الجمعة، ٢٠ فبراير ٢٠٢٦
يعني حضرتك بس اللي هتشوفي السؤال
تم النشر الاثنين، ١٦ فبراير ٢٠٢٦
هو للأسف أنا مش متواجدة غير على التطبيق، وعامة التواصل هنا مسموح مع الخبراء فقط. لو فيه مشكلة ممكن تكتبيها في سؤال منفصل وتعملي لي منشن في السؤال ولو أقدر أساعد مش هتأخر إن شاء الله.
تم النشر الاثنين، ١٦ فبراير ٢٠٢٦
ي دكتورة ازاي اتواصل خاص معاكي
تم النشر الاثنين، ١٦ فبراير ٢٠٢٦
شكرا🩷
تم النشر الاثنين، ١٦ فبراير ٢٠٢٦
لعرض الإجابة في فدني اضغط هنا