انا عايزه طريقه تخليني اذاكر ومااكسلش لان انا شهاده ومش عارفه ازاكر بروح الدروس برجع انام وناقص شهرين بس علي الإمتحانات
اول حاجة لازم تفوقي نفسك وتحسي فعلا بالخطر اننا خلاص قربنا ومفيش وقت للمرقعة تاني واستعيني بالله وانوي انك هتعملي اللي عليكي الشهرين دول خطوات عملية : 1-النوم - ظبطي نومك واصحي الفجر صلي واقرئي وردك وذاكري فعلا هتحسي ببركة الوقت وان اليوم طويل وهتلمي فيه 2- شوفي انتي ايه اكتر مادة ماشية فيها مثلا الاحياء ف هتحتاج مجهود اقل ف تركزي في الفيزياء 3-قسمي اسبوعك علي حسب المواد احنا عندنا 5 مواد السبت مثلا كيمياء - الحد انجلش - الاتنين فيزياء - التلات عربي - الاربع احياء -والخميس للمادة او المادتين اللي انتي واقعة فيهم اوي والجمعة حفظ كلمات انجلش بس كل مادة ليها يوم كامل اسمعي المحاضرة وحلي الواجب بتاعها وخدي بريك نص ساعة او ساعة وارجعي خدي محاضرة تانية بالواجب بتاعها 4- متقلقيش لسه فيه وقت والمدرسين بيشرحوا تاني في المراجعة بس متعتمديش في المراجعة علي كل المواد ممكن تعتمدي عليها في مادة او اتنين 5- حاولي تاخدي الدروس اونلاين دا هيوفر معاكي وقت ومجهود 6- بالنسبة للانجلش مستر محمود رضوان عامل تفويلات علي اليوتيوب لكل unit تحفة بيلمها في ساعتين بشرح مبسط انا عن نفسي مش باخد معاه بس لما ضعت في الانجليزي وراكمت المنهج كانت هي الحل والله والمعسكرات اللي بينزلوها باقي المدرسين علي اليوتيوب بردو مفيدة جدا زي د|محمد ايمن احياء ومستر محمود مجدي فيزياء ومستر محمد صلاح عربي اخر حاجة عايزة اقولها ليكي زي ما بقولها لنفسي اه السنة دي مهمة لينا ولمستقبلنا بس هي مش نهاية العالم ولو محققناش المجموع اللي احنا عايزينة مش هنموت او الحياة هتقف لاء النجاح الحقيقي بجد اننا ننجح في المجال اللي ربنا هيختاره لينا -بالتوفيق
تم النشر الأربعاء، ٢٥ مارس ٢٠٢٦
بصي طبيعي تحسي إنك ضايعة والوقت بيجري بس السر مش في الشطارة الزيادة السر في النظام البسيط جربي قاعدة ال 10 دقايق قولي لنفسك هقعد أذاكر 10 دقايق بس وغالبا هتلاقي نفسك كملتي وما تحاوليش تلمي المنهج كله في يوم واحد ركزي بس في دروس النهاردة وخلصيها أول بأول وهتلاقي جبل المذاكرة بيصغر لوحده ونامي كويس لأن ساعة الفجر بمذاكرة 3 ساعات بليل والشهرين وقت كافي جدا إنك تلمي الدنيا وتنجحي بتفوق ابدأي دلوقتي حالا ولو بصفحة واحدة المهم متبدأيش بكرة وبالتوفيق باذن الله .
تم النشر الثلاثاء، ٢٤ مارس ٢٠٢٦
بأنك تبدأي بداية جديدة ، انسي كل اللي عدى و ركزي بس على ان السنة لسه بادئة دلوقتي و المدة اللي باقية دي هي مدة الدراسة و قسمي منهجك عليها ، كل درس على اربع جلسات ، جلستين دراسة و جلستين مراجعه ، و تشوفي محتاجه كام جلسة في اليوم علشان تخاصي المنهج ، بشرط ان مدة الجلسة ما تزيدش عن ٣٠ دقيقة و بين كل وحده و التانيه ٥ دقائق بريك و بعد اربع جلسات نص ساعة بريك ، وههكذا ، هتلاقي نفسك بتنجزي كتير في يومك و من غير ما تحسي بتعب ، واه ما تخليش جلستين ورا بعض نفس المادة علشان ما تمليش بسرعه. و بالتوفيق 😊
تم النشر الثلاثاء، ٢٤ مارس ٢٠٢٦
يا حبيبتي، أنا ذكية هنا معاكي 💕، عارفة إن الشهادة ضغط كبير والكسل ده بيجي فجأة زي الضيف اللي مش عايز يروح. شهرين كفاية تماماً لو بدأتِ دلوقتي، هتقدري إن شاء الله. خلينا نعمل خطة عملية خطوة بخطوة عشان تذاكري بدون كسل: 1. رتبي يومك زي الجيش : بعد الدروس مباشرة: غيري هدومك، صلي الظهر/العصر، كلي وجبة خفيفة مغذية (زي موز مع لبن أو تمر مع مكسرات) عشان الجسم ميكسلهوش. ابدئي دراسة 25 دقيقة فقط (تقنية بومودورو: 25 دراسة + 5 راحة تمشي فيها أو تشربي مية). كرريها 4 مرات، ثم ساعة راحة كبيرة (عشاء + صلاة + شوية ترفيه). نامي بدري (10 مساءً) وقومي فجر لصلاة + ساعة دراسة هادية قبل الدروس. الجسم هيعتاد. 2. حددي أهداف صغيرة ومكافآت : كل يوم: اختاري مادة واحدة أو فصل واحد بس (مش كل حاجة). مثلاً: "النهارده هخلص 10 صفحات رياضة". خلصتِ؟ كافئي نفسك بشوكولاتة صغيرة أو حلقة كرتون قصيرة. ده هيخلي دماغك يفرح. 3. بيئة الدراسة السرية : مكتب نظيف، موبايل على وضع الطيران أو في أوضة تانية. شغلي قرآن هادي في الخلفية عشان البركة، وادعي قبل الدراسة: "اللهم يسر ولا تعسر". 4. لو حسيتِ كسل : قومي اغسلي وشك بمية ساقعة، أو امشي 2 دقيقة في الأوضة. قولي لنفسك: "أنا هعمل 5 دقايق بس"، هتلاقي نفسك مستمرة. ابدئي النهارده بالـ25 دقيقة الأولى، هتشوفي الفرق غداً! إنتِ قوية وهتنجحي إن شاء الله، التوفيق من ربنا. لو عايزة خطة مفصلة أكتر، دوري في فدني على أسئلة مشابهة هتلاقي إجابات كتير، أو شوفي الخبراء هنا: https://www.fedni.net/experts. قوليلي إيه رأيك بعد أول يوم؟ 😘
تم النشر الثلاثاء، ٢٤ مارس ٢٠٢٦
لعرض السؤال في فدني اضغط هنا